Navigate with Nada Gad

انتظرونا💕

بمناسبة نتائج الثانوية العامه .....
انتظروا الحلقة دي انهاردة الساعه 8 علي اليوتيوب ......
مع المهندسة ندي جاد ....
عاوزاكوا تنتظروا حلقة قوية جدا ....
لما يكون اتنين مهندسات عاملين حلقة في البيزنس ....و الكاريير
وبيقدموا خلاصه تجاربهم في ازاي عملوا شيفت كارير Shift career اكتر من مرة ... وازاي بنوا بيزنس حقيقي بعد لما عرفوا وصنعوا بصمتهم الحقيقية في عالم البيزنس ....

حلقة عبارة عن طبطبه لكل الي زعلان عشان كان نفسه يدخل هندسه او طب او صيدلة ....
طبطب علي نفسك ....وانتظر حلقة انهاردة......

📖 ممكن تكون فاكر إنك نسيت… لكن جسمك لسه فاكر.

من حوالي ٥ شهور قرأت كتاب “The Body Keeps the Score”، ورجعت له تاني النهارده وأنا بترجم رواية فيها بُعد نفسي عميق… واكتشفت إني بفهمه بشكل مختلف تمامًا.

الكتاب ده من أكتر الكتب اللي غيّرت نظرتي للصدمات النفسية، لأنه بيجاوب على سؤال مهم جدًا:

ليه أوقات بنكون “عدّينا” من التجربة… لكن جسمنا لسه متصرف كأنها بتحصل دلوقتي؟

الفكرة الأساسية ببساطة إن الصدمة مش مجرد ذكرى في المخ، لكنها بتأثر على الجهاز العصبي، وطريقة استجابة الجسم للتوتر، وبتخليه يفضل في حالة استعداد وخطر حتى بعد انتهاء الموقف.

وده ممكن يفسر:
✨ القلق المستمر.
✨ اضطرابات النوم.
✨ صعوبة التعبير عن المشاعر.
✨ آلام جسدية مزمنة.
✨ وإحساس دائم إنك مش مرتاح… رغم إن كل حاجة “المفروض” تكون بخير.

وأجمل جملة خرجت بيها من الكتاب كانت:

🤍 “التعافي مش إنك تنسى اللي حصل… التعافي إن جسمك يصدق إن الخطر انتهى.”

علشان كده، التعافي الحقيقي مش بيبدأ بالكلام بس…
بيبدأ لما ترجع تحس بالأمان جوا جسمك، وتعيش الحاضر بدل ما تفضل أسير للماضي.

💚 اكتبوا لي في الكومنتات “مهتم” لو حابين أبدأ سلسلة نفكك فيها الكتاب ده بطريقة بسيطة وعلمية، ونفهم مع بعض إزاي الصدمة بتأثر على المخ والجسم… وإزاي نبدأ رحلة التعافي.

🎉 I earned the emerging talent badge this week, recognizing me for creating engaging content that sparks an interest among my fans!

و أنا بحلل انفعالات ميسي طوال مباراة فريقه مع مصر
وجدت ترجمتها كلها كالتالي:

• إنسان لا يقبل الهزيمة
• لا يتقبل فكرة تفوق شخص آخر عليه
• مستعد يحقق الفوز حتى بالطرق الغير شريفة
• العصبية والتوتر الشديد لو شعر أنه سيخسر

بعد الماتش، وعدم إظهار الفريق الأرجنتيني الروح الرياضية أثناء الماتش وبعده للفريق المصري،
ناس كتير حول العالم لن يشجعوا الأرجنتين ولا ميسي. أرصدة التقدير والحب لهم قلت بشكل كبير جدًا.

موقف ميسي وجنون الفوز والتنافس اللي بتهدم قيم الرياضة، فكرني بموقف بطل مصر في الجودو محمد رشوان في أولمبياد ١٩٨٤،
في المباراة النهائية على الجائزة الذهبية والفضية بين محمد رشوان وبطل العالم الياباني اللي لم يخسر ١٩٠ مباراة ياماشيتا.

ياماشيتا أصيب إصابة كبيرة في رجله اليمنى وكان داخل الماتش بيعرج.
كانت فرصة ذهبية أن محمد رشوان يركز الضرب على رجله المصابة ويختل توازن خصمه ويتمكن من الفوز.
لكن محمد رشوان رفض هذا الفوز المبني على استغلال ضعف وإصابة الخصم.
تجنب طوال المباراة توجيه أي ضربات لرجل ياماشيتا اليمنى.

والنتيجة كانت فوز ياماشيتا بالذهبية ومحمد رشوان بالفضية.
لما سألوا محمد رشوان بعد المباراة: “ليه لم يستغل إصابة ياماشيتا؟”

رده كان:
“ديني وأخلاقي يمنعاني من أن أضرب مصابًا أو أستغل آلامه لنيل مكسب.. لم أكن لأرضى بالفوز بهذه الطريقة.”

تحولت الأنظار والاهتمام والتقدير لمحمد رشوان صاحب المركز الثاني، وأصبح نجم الأولمبياد.

حصل على جائزة اللعب النظيف:
منحت اللجنة الدولية واللجنة الأولمبية الدولية محمد رشوان جائزة “البير كوبرتان” الدولية للروح الرياضية (Fair Play).

أصبح له شعبية جارفة في اليابان:
أصبح رشوان بطلًا قوميًا وأسطورة في اليابان؛ تم استقباله هناك استقبال الملوك، ومنحه الإمبراطور الياباني أرفع الأوسمة الثقافية والرياضية (وسام الشمس المشرقة).
وأصبح هو وياماشيتا أصدقاء لسنوات طويلة.

- موقف محمد رشوان مع يامشيتا بيدرس حتى الآن في المؤسسات الرياضية كنموذج لخلق الرياضي و مبادئه في الفوز.

✅الخلاصة

• محتاجين نعلم أولادنا كيفية اختيار النماذج القدوة في حياتهم.
القدوة ليست للأشهر، الأغنى، الأكثر احترافًا أو ذكاءً…
القدوة لمن دمج هذه العناصر السابقة أو بعضها بأهم عنصر، وهو الأخلاق.

✅خلاصة الخلاصة:

- احكوا قصة محمد رشوان و كل الرياضين اللي زيه لأولادكم و أنتم بتكلموهم عن المنافسة الشريفة و استحقاق الفوز💪

دمتم في وعي وعلم وأخلاق🤓

✅ملحوظة هامة: برجاء الالتزام بآداب الحوار و استخدام الألفاظ اللائقة و عدم الخروج عن مضمون المقال عن الروح الرياضية،
أو التطرق لمعاني ليس لها علاقة بهدف المقال.
اي تعليق لا يلتزم بذلك سيتم الغائه.

With Ahmed El Esseily أحمد العسيلي – I just got recognized as one of their top fans! 🎉

لما سارة كلمتني عن المبادرة… 🤍✨

مكنتش محتاجة وقت أفكر.

لأن في مرحلة من حياتي…

أنا كنت الشخص اللي كان محتاج مبادرة زي دي. 🌿🤍

فاكرة اليوم ده كأنه امبارح…

كنت سايقة عربيتي… 🚗

وفجأة…

رجلي مبقتش تستجيب لأوامري.

كنت شايفة الفرامل قدامي…

وعارفة إني لازم أدوس…

لكن رجلي… كأنها مش رجلي.

في اللحظة دي، أنا ما خفتش من إني أعمل حادثة… 🚦

قد ما خفت من السؤال اللي هزني من جوايا…

💭 “هو إزاي فقدت الاتصال بجزء من جسمي؟!”

افتكرت إن عندي جلطة.

أو إني اتشليت.

وإن حياتي خلاص… مش هترجع زي الأول. 💔

بعدها بقيت أخاف أسوق. 🚗

وأخاف أطلع رصيف…

أو حتى أنزل منه.

وأوقات وأنا ماشية…

كنت حاسة إن رجلي نسيت إزاي تمشي.

كل خطوة كانت محتاجة مني أوامر…

👣 ارفعي…

👣 اتقدمي…

👣 انزلي…

حاجة عمرها ما أخدت مني تفكير…

بقت محتاجة كل تركيزي.

المشي اللي طول عمري بعمله من غير ما أحس…

بقى مجهود مرعب مع كل خطوة. 🥹💔

وده كان مجرد مشهد واحد…

من مشاهد كتير عشتها.

مشاهد كنت كل مرة أرجع منها بأسئلة… ومن غير إجابات. 🍂

7 سنين كاملة…

وأنا بلف من دكتور لدكتور. 👨🏻‍⚕️👩🏻‍⚕️

وأسمع تشخيصات مختلفة.

وأحاول أفهم…

💭 “إيه اللي بيحصل لجسمي؟”

لحد ما في النهاية…

اتشخصت بالفايبروميالجيا.

لكن الحقيقة…

✨ التشخيص ما كانش نهاية الرحلة… كان بدايتها.

لأن بعد التشخيص…

بدأت رحلة تانية استمرت 9 سنين…

رحلة وعي، وتعافٍ، وإعادة اكتشاف لنفسي. 🌱🤍

متخيلين؟ 😳

16 سنة من عمري…

مش بس بتعلم أعيش مع المرض…

لكن بتعلم أفهم نفسي…

🪞وأراجع طريقة حياتي…

⚖️ وأعيد ترتيب أولوياتي…

🌿 وأرجع أبني حياتي من جديد.

وبعد الرحلة دي…

بدأت اشتغل على كتابي. 📖✍🏻

كتاب بحاول أجمع فيه كل الدروس، والمواقف، والرحلة اللي عشتها والأدوات إللي بستخدمها …

يمكن حد يقرأه يوما ما…فيحس إنه مش لوحده… 🤍

أو يلاقي بين صفحاته إجابة…كان بيدور عليها من سنين.

والكتاب، إن شاء الله، هيشوف النور قريب. 📚✨

لكن فكرة إن أكتر من 30 دكتور، وكوتش، واستشاري، وخبير يجتمعوا في مكان واحد…

دي عمرها ما خطرت على بالي. 🤍

ولما سمعت عنها…

حسيت إن دهه بالضبط اللي كنت أتمنى ألاقيه وقتها.

علشان صعب شخص واحد يغير حياتك…

ولأن كل واحد فيهم معاه جزء من الصورة… 🧩

ولما الأجزاء دي تجتمع…

ممكن تختصر على حد سنين من الحيرة. ✨

النهارده…

إحنا أكتر من 30 دكتور، وكوتش، واستشاري، وخبير… 👨🏻‍⚕️👩🏻‍⚕️🧠💼

اجتمعنا على قلب واحد. 🤍

كل واحد فينا جاي بخبرة مختلفة…

📚 وقصة مختلفة…

💡 وعلم مختلف…

لكن كلنا متفقين على هدف واحد…

🌍 إننا نسيب أثر حقيقي في حياة الناس.

🌱 يمكن معلومة تخفف خوف.

🤍 يمكن كلمة ترجع أمل.

🧭 يمكن جلسة تكون بداية طريق جديد.

وده السبب الحقيقي اللي خلاني أكون جزء من المبادرة دي.

لأن في يوم من الأيام…

كنت أنا الشخص…

اللي كان نفسه يلاقي كل الناس دي…

في مكان واحد. 🤍✨

📌 لينك جروب الواتساب في أول كومنت. 👇🏻

💛
🧭