Zamalek Spirit Live

امين عمر حكمًا لمباراة الأهلي ضد سموحه اليوم والدسوقي وعمرو الشناوي على الفار

خلونا نسأل الأسئلة المهمة ضربة الجزاء الغير صحيحة هتتحسب للأهلي في الدقيقة كام ؟

🚨🔥 موقع البطولة المغربية يكشف التفاصيل!

تقنية الـVAR هتكون موجودة في دوري أبطال أفريقيا من دور المجموعات لأول مرة الموسم ده 🎥⚽🏆

طبعًا لأن دوري الأبطال هي البطولة الأقوى والأهم على مستوى القارة 👑🔥
أما البطولات التانية... فـ الـVAR مش موجود فيها، باعتبارها أقل أهمية وأضعف فنيًا 🤷‍♂️😂

يعني بالمختصر: الكبار ليهم الـVAR.. والباقي يتفرج! 😎🏹

#الزمالك

🚨🏹 شيكو بانزا يعلنها بنفسه! ❤️🔥

خوان بيزيرا راجع من جديد للزمالك 🏹🇦🇴
Welcome again, my friend! ❤️👬🏹

رجوع الحبايب يا زمالكوية 😍🏹🔥

#الزمالك #بيزيرا

🔥🏹 جديد الزمالك.. أخبار مهمة بالتفصيل ✍️🤍

1️⃣ الزمالك راجع للتمرين النهارده بعد الراحة، استعدادًا لمواجهة الميناء الجيبوتي في دوري أبطال أفريقيا 🏆⚽، وكابتن معتمد هيشتغل على تصحيح الأخطاء اللي ظهرت في ماتش بتروجيت علشان ما تتكررش تاني 🚨💪

2️⃣ خوان بيزيرا في القاهرة خلال أيام 🇵🇹✈️، ومعاه والده والمحامي الخاص بيه، لعقد جلسة مع إدارة الزمالك والتفاوض وإنهاء الأزمة، مع وجود اتجاه للاعتذار للنادي والجماهير 🤝🏹

3️⃣ محمد السيد هيبدأ تدريبات تأهيلية بعد الإصابة 🩹، بينما أحمد فتوح هيشارك في المران بشكل طبيعي جدًا 💪⚽، وعمرو ناصر مستمر في برنامجه التأهيلي.

4️⃣ أحمد الجفالي مستمر في التأهيل 🔄، وهيخضع لكشف طبي جديد على الإصابات اللي تعرض لها الموسم اللي فات، علشان النادي يطمن على جاهزيته بشكل كامل ويتجنب تكرار الإصابات 🚑✅

5️⃣ حراسة المرمى لسه عاملة صداع للجهاز الفني 🧤😤، خصوصًا مع رغبة صبحي في العودة للمشاركة بعد استبعاده من المباريات السابقة، لكن كابتن معتمد متمسك بعدم اتباع سياسة المداورة 🔒

6️⃣ الزمالك بيراجع عدد من العقود 📑🔍، من بينها عقد شركة الملابس وعقود أخرى أبرمتها الإدارة الرياضية السابقة، تمهيدًا لفحصها والتحقيق في تفاصيلها.

❤️🤍 خير إن شاء الله.. والقادم أفضل بإذن الله 🏹✊
الزمالك فوق الجميع.. وربنا يكتب لنا الخير في كل خطوة 🙏🔥

#الزمالك 🏹

جدول مواعيد ماتشات الملوك في سبتمبر! ⚪🏹⚽
استعدوا يا زملكااوية.. دي مواعيد مواجهات الفارس الأبيض خلال الشهر ده:

بالتوفيق للملكي وإن شاء الله النصر لينا! 🏆💪🔥
#الزمالك

💔🚨 للأسف خبر مش أحسن حاجة لجمهور الزمالك..

الجفالي مش هيكون متاح مع الفريق الفترة الجاية ❌🏹، بسبب إنه لسه مش جاهز بدنيًا بالشكل الكامل.

⏳ اللاعب محتاج شوية وقت وشغل بدني أكتر، ومتوقع إن جاهزيته الكاملة تكون بعد فترة التوقف، وبالتالي هيغيب عن الـ4 مباريات الجايين 🚨⚽.

🏋️‍♂️💪 كل الدعم للجفالي في الفترة دي، وإن شاء الله يرجع أقوى وأجهز ويكون إضافة حقيقية للفريق 🤍🏹🔥.. خلّينا كلنا ندعمه ونقف جنبه لحد ما يرجع للملاعب 💪❤️

#الزمالك #الجفالي

🗣️🔥 مصدر من داخل الزمالك:

📍 محامي خوان بيزيرا وعد إدارة الزمالك إن اللاعب هيكون موجود في القاهرة الأسبوع الجاي، علشان يعقد جلسة مع مسؤولي النادي ويتم إنهاء الأزمة. ✍️🏹

🎯 الهدف دلوقتي: الوصول لاتفاق نهائي يحفظ كل حقوق الزمالك، ويقفل ملف بيزيرا بشكل كامل ومن غير أي أزمات جديدة. 💪⚪️🔴

#الزمالك 🏹
#بيزيرا 🔥
❤️

من شهور وأنا بقول إن فيه تغييرات كبيرة جاية في الأهلي، وتحديدًا من وقت دخول ياسين منصور للنادي.. والتغيير ده مش هيحصل مرة واحدة، بالعكس، هيظهر واحدة واحدة، وخطواته ومؤشراته هتبقى واضحة قدام الكل 👀

في شخصيات إدارية كبيرة مشيت بالفعل، واللجان كمان واضح إنها هتبدأ تتصفى تدريجيًا، لأن استمرارها بالشكل ده ممكن يبقى خطر على المجتمع، خصوصًا لو نفس التشكيلات دي اتنقلت أو اتوظفت في حاجات أبعد من الرياضة وكرة القدم والترفيه.

أما بقى بالنسبة لـ"اللي في الصورة" 👇

كان صعب جدًا يستمروا بنفس النبرة الصادمة دي طول الوقت.. فكرة إن كل المحتوى يبقى مبني على المبالغة، وتقديس كيان، ومحاولات التقليل من كيان تاني بيمثل شريحة ضخمة من المجتمع، صعب إنها تفضل مستمرة بالشكل ده.

المشهد محتاج يتظبط، وده يبدأ بتقليم أظافر النماذج دي ✂️
لأن المنافسة الرياضية حاجة، وتحويلها لحالة من التوتر والإقصاء والاستفزاز المستمر حاجة تانية خالص.

والحقيقة إن الإنسان بطبعه بيدور على التفوق وإثبات الذات، وبيحب يحس إنه أحسن من غيره.. ودي مشكلتنا كبشر من زمان 😅
لكن لما ربنا يديك فرصة تبقى إعلامي أو مؤثر على السوشيال ميديا، لازم تدرك إن عندك مسؤولية تجاه الناس وتأثيرك على وعيهم.

تقدر تشحن الناس وتدخلهم في خناقات بسهولة جدًا، لكن الأصعب إنك تخليهم يستمتعوا بالكورة بعقل وهدوء ❤️⚽

واللافت إن نماذج كتير من شباب الميديا شبه بعض بشكل كبير.. أغلبهم من الطبقة المتوسطة، وهي الطبقة اللي معظم المجتمع المصري طالع منها، واللي فعلًا ليها دور أساسي في توازن المجتمع وقيمه.

ومؤكد إن عندهم انتماء قوي للأهلي من الطفولة، وده شيء طبيعي جدًا عند ملايين المصريين. لكن لما الانتماء ده يدخل عليه الشهرة والفلوس والانتشار، المعادلة ممكن تتغير تمامًا.

تخيل تكون بتحب كيان كبير من وأنت طفل، وبعدها تلاقي إن نفس الكيان أصبح سبب في شهرتك ودخلك.. طبيعي جدًا إن بعض الناس يتحول عندها الانتماء من مجرد حب لنادي إلى حالة أشبه بالحرب، ولو الحرب مش موجودة، يبدأ البعض في صناعتها 🔥

وفي النهاية، مصلحة المجتمع أهم من أي نادي وأي مباراة.

كرة القدم المفروض تكون مساحة للمتعة، والترفيه، والهروب من ضغوط الحياة، مش مصدر جديد للتوتر والكراهية والشحن بين الناس.

السلم المجتمعي أولًا.. وبعده تيجي الكورة بكل جنونها ومتعتها 🏹⚽❤️

#الأهلي

#مصر

بسم الله وعلى بركة الله يا زمالك ❤️🏹
يارب تكون ليلة بيضا تفرّح كل الزملكاوية 🤲🔥

🏹 | سمّعنا يا عم الحدوتة.. ورّينا الحكاية!
🏆 | الدوري المصري الممتاز – الجولة الثالثة
⚽ | الزمالك 🆚 بتروجيت السويس
🎯 | موعدنا النهارده.. والهدف 3 نقاط
🕗 | الساعة 8:00 مساءً
🏟️ | ستاد القاهرة الدولي

🔥 شدوا حيلكم يا رجالة.. الزمالك داخل يدور على الفوز وبس!
🤍🏹 كلنا ورا الزمالك.. وإلى النصر!

#الزمالك