كابتن مصر _ Captain Masr

كابتن مصر _ Captain Masr تحليل مفصل لمباريات كرة القدم

17/06/2026

تحليل سهرة الامس من كاس العالم

فرنسا السنغال 🇨🇵🇸🇳
النرويج العراق 🇧🇻🇮🇶
الجزائر الارجنتين 🇦🇷🇩🇿

#محمدعبدالجليل

#فرنسا
#ميسى

16/06/2026

تحليل مباريات يوم الاثنين لكأس العالم

اسبانيا 🇨🇻🇪🇦 الرأس الأخضر
الأوروجواي 🇸🇦🇺🇾 السعودية

#محمدعبدالجليل



#اسبانيا
#السعودية

افتتاح عظيم و اداء راقى راقى راقى لمنتخب امريكا أمام باراجواى مباراة سحرت فيها امريكا عيون المتابعين بأداء فنى رهيب و تخ...
13/06/2026

افتتاح عظيم و اداء راقى راقى راقى لمنتخب امريكا أمام باراجواى

مباراة سحرت فيها امريكا عيون المتابعين بأداء فنى رهيب و تخطيط تكتيكى محكم و عمل بدنى جبار

فى نقاط سريعة نختصر تحليلنا ، قبل ما نصدر احكام لازم نسأل نفسنا السؤال المهم ، هل امريكا قوية أم باراجواى ضعيفة ؟؟ اجابتى هى امريكا قوية ، ببساطة لأن باراجواى منتخب مش Class B حتى ولكن عنده هجمات مرتدة قوية ، الدليل على قوة امريكا هو تطبيق ضغط عكسى خالى من الأخطاء و براعة كبيرة فى سرعة استعادة الكرة لغت تماما مصدر قوة باراجواى الرئيسى و هو الهجوم المرتد..

امريكا اعتمدت على أسلوب تكتيكى روعة بانتشار مميز و تكوين مثلثات فى كل جهة من جهات الملعب و ده خلانا نشوف سرعة تناقل الكرة و الاستحواذ الايجابى و خلق ثغرات فى دفاع الخصم بسبب التحرك المميز بدون الكرة ..

امريكا عندها اتنين لاعيبة وسط أوروبا كلها هتتكلم عنهم بعد البطولة و هما ادامز و تيلمان ، حاجة فى قمة الفخامة والرقى فى الأداء ، سرعة مهارة وعى تكتيكى ذكاء فى توزيع اللعب والتحكم فى الرتم و دقة تمرير ولا اجمل

انتونى روبنسون ظهير فولهام قدام مباراة أقل ما يقال عنها انها متكاملة الأركان و متناهية الجمال

امريكا اعتمدت طوال الشوط الأول على اكثر من طريقة للهجوم كان أهمها تناقل الكرات فى الثلث الثانى ثم مهاجمة المساحة التصفية بتمرير عمودى مباشر لأحد الأجنحة سواء بوليسيتش أو ديست ثم الاعتماد على فرديات وسرعة المهاجمين أو العرضيات الخطيرة و هو ما نتج عنه الهدف الاول والثاني و الثالث

فى الشوط التانى تراجع أمريكى على المستوى الفنى و البدنى بحكم النتيجة ولكن جاء الهدف الرابع مكافأة للجمهور لاكتمال أمسية الافتتاح الامريكى ، أمريكا تعلن عن وصول رهيب لها من أول مباراة و حسابات المجموعة دى مش هتكون سهلة

اداء رهيب لنمور كوريا فى الشوط التانى يحسم الثلاث نقاط ، و Coaching رائع للمدرب الكورى فى الشوط الثانى بإدارة مباراة و ت...
12/06/2026

اداء رهيب لنمور كوريا فى الشوط التانى يحسم الثلاث نقاط ، و Coaching رائع للمدرب الكورى فى الشوط الثانى بإدارة مباراة و تبديلات سحرية ساهمت فى فوز مهم قبل ملاقاة المكسيك

اداء عظيم للاعب إنبيوم رقم ٦ اللى ساهم فى هدف و سجل هدف

انسيابية أداء رهيبة للكوريين و تبادل مراكز و تنويع هجومى بين العمق والأطراف و خلق المساحات و استغلالها كل دى عوامل تخلى كوريا مرشح كبير لمنافسة المكسيك على صدارة المجموعة الأولى

02/09/2025

من تحليل مباراة برشلونة وليفانتى برنامج الملخص على بوابة الاقصر

#محمدعبدالجليل
#برشلونة
#الدورى #الاسبانى

ف الجزء ده تعالى نناقش سوا ماذا قدم ماريسكا هجوميا ضد باريس ؟؟؟ ماريسكا اخد الموضوع خطوة خطوة بنظام ١ ل ١ و مش حوار برشل...
15/07/2025

ف الجزء ده تعالى نناقش سوا ماذا قدم ماريسكا هجوميا ضد باريس ؟؟؟
ماريسكا اخد الموضوع خطوة خطوة بنظام ١ ل ١ و مش حوار برشلونة وتيباس 😂 ، المقصد اقلك أنه فكر فى كل نقطة قوة أو ضعف و عالجها
بمعنى
ايه الحل فى ضغط باريس العالى القوى ؟
✅ماريسكا عارف كويس أن حارس مرماه هيتعرض للضغط ولكن للأمانة سانشيز ابدع فى التمرير القصير والطويل ، و هنا شكل تشيلسى كان كالاتى:
سانشيز شالوباه كولويل كوكوريلا كبداية عملية البناء ، ف الوسط جيمس مع كايسيدو و انزو بياخد المنطقة العمياء خلف لاعبى وسط باريس لتلت اسباب
اولا : توفير نفسه كخيار تمرير لاستلام التمرير العمودى
ثانيا : تشكيل مثلث على يسار الملعب مع نيتو و كوكوريلا
ثالثا و ده الأهم سحب فيتينيا لنحيته اكتر و ده ياخدنا لسؤال تانى ؟
هو ليه بالمر متحرر وليه كل ما يستلم الكورة يكون قدامه مساحة ؟؟
تعال اقلك ‼️
ماريسكا عارف ان اللعب ضد نونو مينديش ١ ضد ١ رهان خسران واصلا بالمر لاعب قوته فى العمق فالباشا سحب فيتينيا بره اللعبة بتمركز انزو اللى قلنا عنه ، و زاد جوستو يلعب كجناح و بالمر يدخل العمق يبقى فى ضهر وسط باريس كله و مواجه للدفاع مباشرة
عاوز دليل ؟؟؟؟
🔸اول هدف تمريرة طويلة من الحارس ل الجناح جوستو بس وقت التمريرة دى شفت بالمر كان فين وبقى فين لحد ما سجل ؟
🔸الهدف التالت شفت بالمر بياخد المساحة النصفية و مواجه للدفاع مباشرة ازاى ؟
وبكده نبقى ركزنا على أهم نقطة تكتيكية هجومية استخدمها تشيلسى لتدمير باريس و نجح نجاح مبهر فى كل اوقات المباراة

ده طبعا ناهيك عن التحولات و فكرة أن بالمر و نيتو يعملوا نقلة سريعة على الأطراف بمجرد فقدان باريس الكورة لضرب المساحة خلف أظهرة باريس وبالتالى تحولت أظهرة باريس من نقطة قوة لنقطة ضعف كبيرة

🔸كمان ما ننساش ادوار جواو بيدرو فى التحرك خارج المنطقة لتوفير نفسه كخيار تمرير و زيادة عددية تسمح ل تشيلسى بخلق مثلثات على طرفى الملعب و إمكانية خلق جمل تكتيكية زى كورة بالمر الضايعة اول المباراة
إجمالا تشيلسى ابدع من كل الجوانب وقدم نموذج لكيفية التعامل مع باريس
شابو ماريسكا ومبروك تشيلسى 💙

انجاز تاريخى مش ل تشيلسى بس بس للمشروع بالكامل اللى ممكن تتغير معالمه بعد فوز على اقوى فريق فى العالم حاليا وبجدارة و تح...
14/07/2025

انجاز تاريخى مش ل تشيلسى بس بس للمشروع بالكامل اللى ممكن تتغير معالمه بعد فوز على اقوى فريق فى العالم حاليا وبجدارة و تحقيق بطولة كأس العالم اللى البعض شاف أنها بطولة ضعيفة أو ما إلى ذلك وانا مختلف تماما مع الكلام ده يكفى أنك داخل البطولة وعندك فرق عملاقة و متمرسة وبكامل قوامها الأساسى
ولكن سيبونا من كل ده خلينا فى فيلم الاكشن اللى كان أمسية الاحد ممتع للكثير وصادم للأغلبية
تعالوا نعرف ازاى تشيلسى ماريسكا خلى باريس انريكى يظهر بالشكل ده

لو رجعنا لمباريات باريس الموسم ده تحديدا القمم هتلاقى أن اى فريق قرر يتراجع قدام باريس أو يتراخى دفاعيا أو يعتمد على low block فقط بدون تحضير و تركيز على نقاط ضعف فريق العاصمة كله أنتهى نهاية مش حلوة باستثناء المفاجأة بوتافوجو و فكنا من دى و تعال اقلك على الجهة الأخرى فى فرق كشفت باريس فى وقدموا عليها متشات قوية وخصوصا فى النص التانى من الموسم و نهايته زى استون فيلا و بايرن كاس العالم و آخرهم كان تشيلسى ولكن السؤال ، الناس دى عملت ايه ؟؟
طبعا مش هحكيلك كل حاجة أنا هتكلم على تشيلسى ماريسكا وبس

ماريسكا اختار أنه يقدم متش مزيج من الضغط العالى على الطريقة الألمانية و الالتزام الدفاعى على الطريقة الإيطالية ونبدا ب تشيلسى بدون كورة
💠ماريسكا اختار طريقة دفاع واضحة ضد باريس من اول المباراة ظهرت لينا وهى تطبيق ضغط عالى قوى جدا بس هتقلى ما فى فرق تانى جربت تعمله وفشلت وهنا أنا مش جاى اقلك ضغط عالى واسكت كده ، أنا جاى افسرلك ف صحصح معايا

💠ماريسكا قسم الملعب ل تلت أساليب ضغط حسب مكان تواجد الكورة ، بمعنى فى التلت الاول من ملعب باريس اختار طريقة Man to man بتواجد ست أو سبع لاعبين فى نصف ملعب باريس مع تفاصيل تقنية أولها كان مراقبة قريبة جدا على رويز و نيفيس لمنع استلام الكرة بالظهر ، و هنا هتقلى تقصد ايه ، اقلك أن فى فرق زى مدريد اختار الضغط بإغلاق مسارات التمرير ، و ده ضد باريس مش هياكل ببساطة لتنوع الحلول وحرية التمركز ، الحل التقنى التانى هو منع فيتينيا من التحرك بالكورة و خلق مسارات تمرير جديدة بمراقبته مراقبة قريبة كذلك و بالتالى أن لغيت حلول باريس للخروج من العمق تماما و هنا هتقلى طيب أطراف باريس الخطيرة ؟؟؟
اقلك ماريسكا راهن على ربح الثنائيات فى ثلث الملعب الاول بمراقبة جوستو ل مينديش و توفير حماية من جيمس فى ضهره مع غلق مسار التمرير على كفارا ، و رقابة نيتو على حكيمى وده ياخدنا للجزء التانى من عملية الضغط
💠فى تلت الملعب التانى والتالت ماريسكا اختار خلق منظومة من دفاع المنطقة بشكل بيتغير من ٥-٣-٢ إلى ٥-٤-١ وهنا كان الهدف أنه يحجم حركة حكيمى و مينديش و بالتالى مع تضييق المساحة فى العمق و إلغاء أطراف باريس مع الرهان على قوة مدافعيك و تركيزهم وعدم ارتكاب أخطاء انت كده دمرت باريس هجوميا

💠هتسالنى سؤال دلوقتى انت
طيب باريس عمل فرص خطيرة ازاى ؟؟
🔸تعال اقلك أن فى تلت فرص خطيرة لباريس أولها كورة دوى اللى حاول تمريرها و هنا حصل كسل من المدافعين و لو بصيت هتلاقى أنهم واقفين أربعة ورا وده البر سمح ل دوى و حكيمى بالوصول لمنطقة خطر زى دى
🔸تانى هجمة خطيرة كانت تسديدة دوى وهنا دفاع تشيلسى كذلك كان واقف ٤-٤-٢ و ده خلق مواجهة لاعب ضد لاعب وفراغ فى العمق استغله دوى و سدد ولكن الحارس تصدى
🔸التالتة كانت فرصة ديمبيلى اول الشوط التانى ودى كانت هجمة مرتدة ل تشيلسى انزو تأخر فيها وبالتالى ما فيش إعادة ترتيب خطوط و اتلعبت عرضية والحارس تألق
نستنتج وان لويس انريكى ما لقاش ولا طريقة من اللعب المنظم لتفكيك دفاع تشيلسى الحديدى
طيب تسالنى انريكى اصلا كانت ايه افكاره ؟
ببساطة اختار يبنى من الخلف فانصدم بضغط تشيلسى اللى شرحناه ، تم إجباره على لعب كرات طويلة فخسر الكورة التانية نظرا لكثافة تشيلسى فى الوسط واللى كان محضر لكده كويس
اختار وجود ديمبيلى كلاعب حر على يسار الملعب لتشكيل مثلث على جهة كفارا و ده إللى قراه ماريسكا بتثبيت جيمس على الجهة دى مع ادوار بالمر دفاعيا إلى جانب جوستو
و نكتفى هنا بتحليلنا كجزء اول و نكمل فى الجزء التانى

*🚨🚨🚨 — عاجل |* *• برشلونة تواصل مع عائلة الأسطورة ليونيل ميسي من أجل حضور احتفال افتتاح ملعب الكامب نو، والنجم الأرجنتي...
12/07/2025

*🚨🚨🚨 — عاجل |*

*• برشلونة تواصل مع عائلة الأسطورة ليونيل ميسي من أجل حضور احتفال افتتاح ملعب الكامب نو، والنجم الأرجنتيني قد منح موافقته على الحضور.*

*• حضور ميسي سيكون لحظة تاريخية لجماهير البلوغرانا* .

ماركا الإسبانية:وفاة دييجو جوتا لاعب ليفربول وشقيقه في حادث سير.
03/07/2025

ماركا الإسبانية:
وفاة دييجو جوتا لاعب ليفربول وشقيقه في حادث سير.

Address

Luxor

Telephone

+201100817428

Website

Alerts

Be the first to know and let us send you an email when كابتن مصر _ Captain Masr posts news and promotions. Your email address will not be used for any other purpose, and you can unsubscribe at any time.

Shortcuts

Share

Category