S.A.G Shabab Ard El Golf

شكرًا لكل حد شارك معانا في الإطعام❤️
إطعام شهر ٨ كان يوم جميل مليان فرحة
والأجمل إن كل حاجة بتتعمل بحب وكل مرة بتثبتوا إن العطاء لما يكون من القلب بيبقى له شكل مختلف
ربنا يزيدكم إحسان 💚

أجمل العطاء إنك تدي من الحاجة اللي بتحبها.. وتفرّح بيها قلب غيرك 😍

شارك معانا في وجبات إطعام فيها حمام ، حواوشي وحلاوة المولد ونوصلها لناس تستحق إننا نفرّحها🤍

ومتعودين منكم دايمًا على الخير والإحسان💚
فكل ما تنفقه في الخير وكل فرحة تكون سبب فيها هي بإذن الله صدقة تُكتب لك وأجر يبقى لك عند ربنا🙏

الجمعة الي جاية يوم مختلف يوم هنجبر فيه خواطر ناس تستاهل كل خير🤍 يمكن البوست طويل شوية بس كملوا للاخر متفوتش الثواب🙏
المرة دي مش رايحين نعمل إطعام وخلاص... إحنا عاملين احتفالية بسيطة لمرضى الكانسر وأولادهم
نحتفل بيهم بنجاح أولادهم في الثانوية العامة وبقوة أمهاتهم اللي واقفين جنبهم في رحلة علاج صعبة بكل حب وصبر😍

المرة اللي فاتت لما عملنالهم وجبة الحمام كانت فرحتهم بيها أكبر بكتير من اللي كنا نتخيله
فضلوا فاكرينها واتمنوا تتكرر وعشان كده قررنا نحقق لهم الأمنية دي ثاني

*يوم الجمعة ١٤\٨* إن شاء الله هنفرح أكبر عدد ممكن من الأطفال وأسرهم بالوجبة اللي بيحبوها
شارك معانا و كون سبب في فرحة طفل وجبر خاطر أم وفرحة أسرة كاملة
و كمان معانا وجبات حواوشي و حلاوة المولد 🌸

"وما نقص مال من صدقة" وربنا يجعلها في ميزان حسناتكم جميعاً ❤️

يوم واحد ممكن يسيب ذكرى حلوة في قلب طفل طول العمر❤️
شاركونا في تنظيم رحلة للأطفال الأيتام في *Kidzania*
يوم بيكون مليان لعب وضحك وتجارب جديدة تخليهم يعيشوا أجمل اللحظات ويكتشفوا أحلامهم في مكان كله متعة وتعليم
يوم مليان حب و فرحة... لأن أجمل الهدايا هي الذكريات الحلوة 🌸
ميعادنا يوم *السبت الي جاي ١٨-٧*

الحمد لله🤍
إطعام يوم عرفة كان جميل جدًا وفرّح ناس كتير اوي محتاجة
أحلى حاجة إنك لما تعمل خير تلاقي ناس كتيره بتحب تساعد وتشارك وتقدّم اللي تقدر عليه ❤️
القلوب الحلوة دايما بتجمع علي الخير
ربنا يديم الخير و يستخدمنا دايما يارب ويتقبل منا جميعاً 🤲🏻
دمتم محسنين😍
كل سنة و انتم طيبين عيد سعيد🌸

ساعات قليلة تفصلنا عن يوم عرفة…
أعظم أيام الدنيا، اليوم الذي تُفتح فيه أبواب الرحمة ويعتق الله فيه الرقاب 🤍
وفي وسط كل هذا الخير…
لسّه عندك فرصة تكون سبب في إطعام صائم

قال رسول الله ﷺ:
“من فطّر صائمًا كان له مثل أجره غير أنه لا ينقص من أجر الصائم شيء”

خير الناس انفعهم للناس 🌹

يوم عرفة من أعظم أيام السنة🤍 يوم تتنزل فيه الرحمات وتُغفر الذنوب وتُرفع الدعوات 🤲🏻
و احنا ان شاءالله هنعمل اطعام الطعام و افطار صائم للاسر المحتاجة
مكونات الوجبة ( كفتة و رز بالشعرية و بطاطس في الفرن و حلويات )
و في وجبات ثانية (ميكس) فراخ و كفتة و رز و خضار

متفوتوش الثواب في خير ايام الدنيا 🌸

خير ايام الدنيا 🌸
و من أعظم الأعمال عند الله إطعام الطعام و في يوم عرفة الأجر مضاعف إن شاء الله
🌙✨ شاركونا في إطعام يوم عرفه
افضل و اعظم ايام السنة إغتنموها❤️
كل سنة و انتم طيبين 🤍

مين جاهز ليوم الجمعة الي جاية ؟
متحمسين جدا ليوم
هننزل نفرّح قلوب ناس تستاهل كل الخير 🤍
اهالينا من دار المسنين ودار المسنات الكفيفات، وكمان معانا الابطال مرضى الكانسر المكافحات💚 نقعد معاهم، نسمعهم، نضحك، نعمل مسابقات و نتغدي ونقضي يوم جميل سوا
وجودك حتى لو ساعة واحدة ممكن يفرق جدًا في نفسيتهم… وهتخرج إنت كمان مبسوط أكتر
وهتحس بفرحة حقيقية وانت وسطهم ❤️
التجمع: ٩:٣٠ صباحًا و انتهاء اليوم الساعة ٢
المكان: مركبة أندريا – المعادي
مستنيينكم نعمل يوم كله حب وفرحة
ومتنسوش تغيروا الساعة ⏰😄

"وسارعوا في الخيرات" 🤍
الشهر ده بنجهز لرحلة مميزة جدًا 🤍
رحلة لأهلنا وأمهاتنا وآبائنا من كبار السن
وكمان معانا أمهات كفيفات كنا زرناهم قبل كدة
والاستقبال كان دافئ بشكل ميتوصفش 🤍
حسّينا كأن الزمن رجع بينا لأيام بسيطة مليانة حب وراحة
المرة دي حابين نعمل لهم يوم مختلف
رحلة للريف العربي 🌿
ميعادنا يوم الجمعة الي جاية ١٧ إبريل بإذن الله
يعيشوا يوم حلو وسط الهوا النضيف والخضرة
ويستمتعوا بحاجات بسيطة بس بفرحة كبيرة 🤍

يمكن هما بيحسوا بجمال اللحظات دي أكتر مننا بكتير…
شاركنا الفرحة بفرحتهم 🤍
وخليك سبب في يوم جميل يتعمل لناس تستاهل كل الخير

رحلة كبار السن من جبر الخواطر له ثواب كبير اوي❤️
و كمان اطعام ليهم
دمتم محسنين وفاعلين للخير 🌿