صفحات من تاريخ الأهلي

📷 للتاريخ .. سليل العيلة الأهلاوية و ابن الأهلي .. بدأ اليوم معسكره مع الفريق الأول لبرشلونه
بالتوفيق يا حمزة ..

📷 عموتة .. لاعب السد القطري 🇶🇦 نهاية التسعينيات ..

📸 صورة ناااااااااادرة جداً 👌 تُعرض للمرة الأولي ☝️

يُشير السهم أدناه للحقوقي الكبير ، وأحد أساطين القانون في تاريخ مصر ، الوطني و المُناضل الثوري _ وأبو التعاون حضرة الفاضل ( عُمر لطفي بك ) صاحب فِكرة تأسيس النادي الأهلي وذلك أثناء تلقيه العِلم في مدرسة الحقوق

📸 صورة نااااادرة جداً 👌

يظهر فيها " عم عبد الله " كبير مُشجعي الأهلي فـ الستينيات وصاحب أشهر عربة لـ بيع الكشري ، وهو غاضباً يوجه حديثه لـ كلاً من الفريق مُرتجي رئيس النادي فـ حينه وطلعت خيري وزير الشباب والرياضة و سعد زايد مُحافظ القاهرة .. خلال إقامة إحدي الحفلات داخل النادي الأهلي

نصائح قديمة ولكنها من ذهب _ قدمها ( عم عبد الله ) وذلك بعد سوء نتائج الفريق وهبوط مستواه خلال فترة الستينيات

تاريخياً .. كم نحن في أمس الحاجة لـ مثل هؤلاء المُشجعين المُخلصين وفي أمس الحاجة أيضاً لمسؤول لديه القُدرة علي الإصغاء لـ إنتقاد المُحبين و العاشقين .. والإعتراف بـ الخطأ
و التقصير وعدم المُكابرة !
By: Mohamed Halawa

🚨📢 تاااااااااريخي هااااااااام .!

عطفاً علي الأحداث و الوقائع التاريخية اللي كنا عرضناها قبل كده لـ أول مرة فـ سلسلة البوستات اللي عملناها و اللي تخص قصة سفر الأهلي لـ فلسـ**ـطين 🇵🇸 واللي بفضل الله مفيش حد " تاريخياً " قِدر إنه يشتغل عليها بـ نفس تسلسل الأحداث والتفاصيل الدقيقة اللي سردناها ..

فـ النهاردة بنستعرض معاكم ربط تاريخي غااااااااية فـ الأهمية

* فـ الخطاب الرسمي اللي أرسله الأهلي لـ إتحاد الكرة بتاريخ 3 مايو 1943 _ واللي بيعترض فيه علي الموعد الجديد اللي حدده الإتحاد لـ إقامة مباراة نهائي الكأس

هنلاقي إن سبب إعتذار الأهلي عن خوض اللقاء هو إن موعد إقامة المباراة بيتعارض مع توقيت إستعداد اللاعبين "الطلبة" لـ أداء الإمتحانات وإن اللعيبة إنقطعوا عن التدريبات منذ أول شهر مايو .. ( لـ ذات السبب )

ولو عملنا skip لكل الأحداث اللي بعد كده هنشوف إن لاحقاً وبعدها بـ سنة .. وتقريباً في نفس التوقيت ، مطلع شهر يونيو
1944 والماتش الشهير اللي خسر فيه الأهلي من الزمالك 6

هنلاقي إن الصحافة وقتها فـ تغطيتها لأحداث ما بعد المباراة قالت فـ توضيح هام جداً إن من سوء الحظ إن موعد المباراة إتحدد فـ إسبوع الإمتحانات النهائية !! وإن أغلب فريق الأهلي طلبة يمتحنون بـ الفعل !!!

* فـ الشاهد من الآمر إيه ؟؟؟ 🤔

إن من مطلع شهر مايو حتي مطلع شهر يونيو دي كانت فترة إستعداد وأداء الإمتحانات في مصر وقتها

لكن طبعاً كان صعب جداً في خِضم الأزمة العنيفة اللي كانت موجودة وقتها مابين الأهلي والإتحاد برئاسة حيدر إن الأهلي يعتذر عن خوض منافسات بطولة كأس الملك

خصوصاً بعد ما حاول حيدر إحراج الأهلي بـ رفع الإيقاف عن الفريق في 19 / 4 / 1944 وقبل إنطلاق البطولة بـ 10 أيام فقط .! (( بعد فترة إيقاف إستمرت لـ أكتر من 6 شهور )) من أكتوبر 43 حتي إبريل 44

كان ممنوع فيها الأهلي بـ قرار رسمي من الإتحاد من ممارسة أي نشاط يتعلق بكرة القدم سواء داخل النادي أو خارجه وإن علي جميع الأندية المُنضمة للإتحاد و لجان المناطق و الحكام عدم السماح لـ أي لاعب من الأهلي بـ المشاركة في مباريات رسمية كانت أو غير رسمية .!!!

* مشاركة الأهلي فـ الكأس جاءت لـ أسباب سياسية أكتر منها رياضية وده بسبب القيمة الأدبية للبطولة _ واللي كانت بتُمثل أهمية كبري في الوسط الرياضي .. وبتحظي بـ مكانة مرموقة في المُجتمع المصري آنذاك _ خصوصاً وإنها كانت بتحمل إسم الملك و تحت رعايته السامية _ وكان بيحضر بـ نفسه نهائي البطولة لـ تسليم الكأس و الميداليات ..

وصحيح إن الأهلي في طريقه للنهائي خاض 3 مباريات قبل ماتش الزمالك ، وفاز فيهم علي طنطا و السكة و بوليس القناة (( 4 / 0 _ 3 / 0 _ 1 / 0 ))

لكن مباراة الزمالك في النهائي اللي كانت بـ تاريخ 2 / 6 / 44 واللي موعدها إتحدد من قِبل الإتحاد برئاسة حيدر باشا واللي خسر فيها الأهلي كانت فـ إسبوع الإمتحانات النهائية ، وبعض لاعبي الفريق غابوا عن المباراة بـ سبب أداء الإمتحانات

الغريب بقي إن مباراة قبل النهائي اللي هي آخر مباراة للأهلي قبل ماتش الزمالك كانت بـ تاريخ 20 / 5 / 1944 .. والنهائي كان بـ تاريخ 2 / 6 / 1944 يعني كان فيه حوالي 12 أو 13 يوم فارق ما بين الماتشين

فـ كان يقدر الإتحاد يلعب النهائي بعد آخر ماتش للاهلي مثلاً بـ 4 أو 5 أيام خصوصاً وإن الزمالك كان مريح أكتر من الأهلي بـ كتييير _ لإن اخر مباراة لعبها الزمالك قبل ماتش النهائي مع الأهلي كانت بـ تاريخ 12 / 5 يعني كان مريح لـ مدة 20 يوم

لإن تالت مباراة للزمالك واللي المفروض إنها كانت هتبقي قبل نهائي كانت ضد المـ*ـري لكنها إتلغت بـ سبب إنسحاب الآخير إعتراضاً علي تغيير ملعب المباراة !!

والواقعة دي فضيحة لوحدها _ هنتكلم عنها في بوست لاحق رُبما يكون آخر بوست هنختم بيه كلامنا عن قصة سفر الأهلي واللي نعتقد بـ فضل الله إننا قفلناها تاريخياً للأبد ..

بـ العودة لـ حديثنا : 👇

صحيح إن تشكيل الأهلي في الـ 3 مباريات اللي قبل ماتش الزمالك في النهائي ، غير مُتاح وغير متوفر إلي آلان ..

لكننا قدرنا نعرف من خلال البحث في تغطية بعض الصحف وقتها لـ أحداث ما قبل المباراة إن فيه بعض اللعيبة اللي كانوا موجودين في تشكيلة الأهلي قبل البطولة وفـ المباريات اللي سبقت ماتش الزمالك

لكنهم لم يتواجدوا في تشكيل الاهلي في المباراة النهائية زي ( مخيمر _ الكسار ) ويُرجح جداً إنهم كانوا من ضمن اللعيبة اللي غابوا لـ أداء الإمتحانات

ده غير إن جريدة المُقطم فـ عددها الصادر بتاريخ 1 / 6 قبل المباراة بـ يوم واحد تحدثت عن إحتمالية غياب لاعبي الأهلي حمدي كروان الظهير الأيسر .. ومدكور المهاجم بسبب مرضهم

لكن الغريب إنهم شاركوا بـ الفعل فـ المباراة رغم الإصابة !!!!

وده بسبب النقص العددي اللي كان بيعاني منه الفريق نظراً
لـ غياب بعض اللاعبين لأداء الإمتحانات 🤷 ومتستغربش لما تلاقي إن غياب بعض اللعيبة ممكن يؤثر فنياً بـ السلب لدرجة إن الأهلي يخسر سِتة !!

وده مش تبرير للهزيمة قد ما هو توضيح لـ حقائق تاريخية

لإن وقتها لم يكن هناك وفرة فـ عدد اللعيبة ( قائمة الفريق )
زي دلوقتي ولم يكن مسموح بإجراء تغييرات أثناء سير اللقاء لإن قانون إجراء التبديلات لم يكن طُبق بعد

يعني اللاعب اللي كان بيتصاب الفريق كان بيكمل الماتش من غيره بـ نقص عددي ، وأكم من فرق فـ الوقت ده كانت بتكمل الماتش وهما ناقصين لاعب وإتنين ومنهم الأهلي اكتر من مرة

يُتبع ..

*بحث و سرد: محمد حلاوة