Relationship Coach, Dalia Omar

قبل ما تدوري على الشغف... اسألي نفسك: هو راح فين؟
الشغف مش بيختفي فجأة، لكنه بيتدفن تحت الضغوط، والمسؤوليات، والإرهاق.
علشان تستعيديه:
ادي لنفسك فرصة ترتاح من غير إحساس بالذنب.
اعملي حاجة بتحبيها حتى لو 10 دقايق في اليوم.
بطلي تقارني نفسك بحد.
افتكري إيه كان بيفرحك زمان.
ابدئي بخطوة صغيرة... مش لازم تكوني كاملة.
افتكري دايمًا: الشغف مش حاجة بنستناها ترجع... الشغف بيرجع لما نرجع نهتم بنفسنا. ❤️
#الشغف

"ليه في ناس بتحس بالاكتئاب في رمضان؟"
مش كل حزن في رمضان ضعف إيمان.
ومش كل فتور معناه إنك بعيدة عن ربنا.
رمضان بيغيّر كل حاجة فجأة:
نومك بيتلخبط.
أكلك بيتغير.
الكافيين بيقل.
المسؤوليات بتزيد.
والتوقعات الروحية بتعلى جدًا.
فتلاقي نفسك: حزينة…
مرهقة…
مش قادرة تعملي كل اللي كنتِ مخططاله…
وبعدين ييجي أخطر إحساس: الذنب.
تحسي إن في حاجة غلط فيك.
إن كل الناس طايرة روحانيًا إلا إنتِ.
بس الحقيقة؟
جسمك بيتأثر بنقص النوم.
مخك بيتأثر بانخفاض السكر.
وقلبك ممكن يكون شايل ضغط أو فقد أو وحدة.
رمضان مش مسابقة مين يختم أكتر.
رمضان علاقة بينك وبين ربنا… بهدوء… وعلى قد طاقتك.
لو حاسة إنك مش في أفضل حال،
بدل ما تجلدي نفسك اسأليها:
"إنتِ محتاجة إيه دلوقتي؟ راحة؟ نوم؟ حضن معنوي؟"
كوني أرحم بنفسك.
الرحمة دي عبادة برضه 🤍