Potta Tactics

مكونتش عارف انه هييجي يوم و هقول كدة ، بس اتليتكو مدريد بيقدموا كورة نضيفه اوي و جديده مع سيميوني ، لا مركزيه تستحق تتشاف فعلا

كنت بحب جدا دي زيربي زمان و متعلق ب افكاره و هو اللي خلاني افهم اللعبه اكتر لدرجه اني كنت بدور علي اي تفصيله هو بنفسه قدمها في فريق تاني و احاول استعرضها هنا

بس علامات استفهام كتير اوي علي نوعيه اللعيبه اللي اختارها او وافق عليها في الميركاتو ده ، في برايتون كان عنده كايسيدو و جيلمور و باليبا في الوسط ، لعيبه بتحدد قرار قبل ما الكرة توصلها و يقدروا ينفذوا تمريره من لمسه و ضهرهم للمنافس ، لعيبه بتعرف تلف وسطها فعلا و تطلع باص سليم من وزن و توجيه و يطلعوا الرجل التالت في المساحه في اول مرحلتين لعب

كان عنده جواو بيدرو يقدر يلعب مهاجم وهمي و ينزل و يحرك اللعب علي الاطراف و يحط الاجنحه في مواقف فرديه ، كان عنده ميتوما جناح دريبلر مثالي بيتفوق فرديا ، الادوات كانت اغلبها موجوده فالمنتج تقدر تشوفوا كامل او شبه كامل

انما مع توتنهام انا مستغرب جدا ، يعني ايه تونالي و بنتناكور هما ثنائيه الوسط ، و يعني ايه مفيش مهاجم وهمي او deep lying Forward يطور الهجمه للتلت الاخير ، يعني ايه تيل جناح ايسر ، مبقتش فاهم دي زيربي في الاختيارات دي ، مستحيل الخصائص دي تخليك تشوف دي زيربي برايتون تاني

سافينيو لما هيلعب الفريق هيبقي احسن ، قدوس بين الخطوط مع مهاجم wide 9 حركي زي مرموش ماشي ، بس الجناح الايسر ؟ .. لعيبه الوسط ماتياس فيرنانديز و بيرجفال افضل اتنين تقنيا حاليا ، بس هل هيفكر فيها و هيستغني عن تونالي و هيقول طز في تغطيه المساحات و الركض المكثف و الشغل البدني اللي طبيعه الدوري محتاجاه برضه ؟

كان نفسي التجربه يتم ادارتها بشكل افضل من كدة ، دي زيربي في رايي لو منجحش هتبقي النهايه و مش بعيد تشوفوا في السعوديه و هيريح دماغه و انا نفسي ده ميحصلش بصراحة

هو توتنهام كان بيفكر في ايه وقت ما تعاقد مع كينسكي ده ، اول مرة اشوف حارس مرمي بدون ردود افعال

مرموش محتاج نوعيه محمد قدوس عشان يظهر بشكل اكبر

في اقتراحين ، الاول قدوس ينزل جناح يمين و بورو يرجع ظهير و سولانكي ينزل مهاجم مع مرموش و ماتياس فيرنانديز يرجع جنب تونالي و بينتانكور يخرج

التاني قدوس ينزل مع مرموش في العمق كلاعب بين الخطوط ، في الاقتراح الاول مرموش هيستغل سولانكي كمهاجم صريح بيكسب التحامات و يسحب مدافعين و يفرغ المساحه خلفه ل مرموش اللي هيبقي wide 9

في الاقتراح التاني ، قدوس ممتاز في اللعب بين الخطوط و الاستلام بالضهر ، وقتها هيلعب تمريرات خلف الدفاع ل مرموش ، حاجة شبه ال wide play maker مع ال wide 9 البروفايلين دول يربطوا مع بعض بشكل ممتاز

دي زيربي محتاج ينزل الشوط التاني بشكل من الاتنين دول لو فعلا عايز مرموش ينتج و يساهم باهداف

امام يرجع بالسلامه و يربط مع بن شرقي و فوقيهم بن جديده و تقدر تحل مشاكل بس المشكله الاكبر في المدرب اللي بينام علي بطنه و مستني مرتده تخلص الماتش ، الاهلي في الاستحواذ معندوش اي فكرة ، يا جماعه ده الاهلي عيب بجد يعني ايه تبقي فريق تحولات بس اختلفت ايه عن فرق وسط الجدول ؟

عايز تتأكد ان خط دفاع الاهلي هجاص ؟

لما تشوف علي محمود في كل مرحله بناء لعب بينزل عشان يطلعنا من ضغط زد ، و لما مش بينزل بتشوف هادي رياض المحدود و هو بيخبط الكورة في مروان عطيه لانه مضغوط عليه و عايز يخلص من الكورة ف ترد بتحول ل زد يكسبوا منها ركنيه و تيجي في ايد بن شرقي و فرصه ركله جزاء ل زد

الاهلي بيهجص في الملعب يا جماعه و مبيلعبش كورة ، لان مفيش فريق كبير هيلعب كورة بخط دفاع محدود زي ده و بجناح محدود زي طاهر و بدون ظهير ايسر و بدون مهاجم صريح يبقي نقطه ارتكاز للفريق و ب زيزو لاعب بين الخطوط و ده دور ابعد ما يكون عن خصائصه

و الهجص الاكبر ان سفيان بن جديده المهاجم الصريح الوحيد قاعد علي الدكه ، حسين الشحات احرف لاعب بين الخطوط قاعد دكه ل زيزو ، محمد عبد الله الجناح الحقيقي قاعد دكه ل طاهر ، فضايح بامانه

هو ايه اللي بيعملوا بيدري ده بجد ، يخربيت المتعه يا اخي ❤️

هو حضرتك بتعمل ايه ؟
" بصوت طلعت زكريا "

هو تقريبا كدة هاوسن دخل النادي ده بالغلط