Captain Gym #كابتن_جيم

🥰

كابتن العب ٤ في ١٠ ولا ٣ في ١٠ ولا كام بالظبط
بص يا بوب لعبة كمال الأجسام حلقه كبيره اوي والله بس لازم تمل بكل حاجه عشان توصل لأي هدف انتا تحتاجه وافرح بأي كتله عضليه وصلتلها وحافظ عليها ..نكمل موضوعنا

النوع الاول هو
عدد التكرارت من ١-٦
النوع ده من التكرارت بيستخدموه اللاعبين اللي عايزين يزودو القوة البدنية .كل لاعبين القوة البدنية المشهورين بيستخدمو النظام ده
بيكونو متجاهلين الشكل العضلي ويركز ع شئ واحد هو الوزن
وهيستفيد طبعا من الشكل بس هيكون الاستفادة من الشكل قليلة
اكتر مقارنة بالقوة اللي هيتكسبها
عدد التكرارت من ١-٣ هيكون فيه تاثير
١٥٠-١٨٠ % للقوة
و١٠-٢٠ % للحجم العضلي
٥-١٠ % القدرة ع التحمل
ولوعدد التكرارت من ٤-٦ هيكون فيه تاثير
١٤٠-١٦٠ % للقوة
٣٠-٤٠ % للحجم العضلي
١٠-٢٠ % القدرة ع التحمل
وللعلم بعد دفعة القوة بتحتاج ٣-٥ دقائق من الراحة لاعادة الدفعة بنفس الاداء

النوع التاني هو

عدد التكرارت من ٨-١٢
النوع ده المعروف لاغلب لاعبين كمال الاجسام
العدد ده من التكرارت هيعززلك الشكل العضلي بشكل كبير
وطبعا هيساعدك كقوة بدنية بنسبة عالية كمان
الاستفادة العضلية بالعدد هتكون
١٠٠ % الاستفادة من القوة
١٠٠ % الاستفادة من الحجم
١٠٠ % الاستفادة من قدرة التحمل
بعد دفعة من النوع ده بتحتاج من ٤٥ ل٩٠ ثانية لاداء الدفعة اللي بعدها بنفس المستوى

النوع الثالث هو

عدد التكرارت +١٥
التكرارت ده هتكون الاستفادة بالقدرة ع التحمل وشويه للقوة البدنية وشويه للشكل العضلي
٣٠ % الاستفادة من القوة
٤٠-٦٠ % الاستفادة من الحجم
١٨٠-٢١٠ % القدرة على التحمل
بعد دفعة من التكرارت دي بتحتاج من ٣٠-٤٥ ثانية لاداء الدفعة بنفس المستوى ، واحيانا بتختلف بحسب عدد التكرارت اذا كان كبير
اكيد بيحتاج وقت اكتر
نصيحتي ليك يا جيماوي لو حابب الاستفادة الكبرى
خلي التكرارت من ٨-١٢ سواء كنت عايز تنحف او تتخن
وخلي تحسين قدرتك ع التحمل عن طريق الكارديو
عدد التكرارت الكتير مش هيفيدك مثل الكارديو ومش هيحرقلك سعرات زي الكارديو
خلي دائما الاستفادة العضلية دائما ١٠٠ %
وعدد المجموعات بيعتمد ع نوع تمرينك

"بنعمل دايت وملتزمين بس مش بنخس" ..
"مش عاملين دايت بس ده أكلنا العادي وعمالين نزيد ومش فاهمين في إيه!" ..

ده سببه الكالوريز المخفية (أو المخيفة) إن جاز التعبير
طيب إيه هي الكالوريز المستخبية جوا الاكل وإحنا مش شايفين ولا عارفين؟؟
١) القهوة فيها كالوريز مستخبية كتير.. سكر، لبن، كريمة وFlavor.
٢) العصاير الطبيعية اللي من غير سكر انتو بتتعاملوا معاها معاملة المياه وهي فيها كالوريز كتير جدًا.. كوباية البرتقال فيها نفس كالوريز كان الكوكا!
٣) الصوصات والصلصات.. كاتشاب وباربيكيو.. ودريسينج السلطة وخلطات التتبيل ودبس الرمان.
خليني بس أقولكم إن التشيكن سيزر سالاد اللي في Chilli's فيها 650 كالوري!
٤) الزيوت والدهون اللي بنطبخ بيهم..
السمنة والزيت لازم يتعايروا ميتدلقوش.. ومش معنى إنك بتاخد زيت زيتون وإنه صحي إنك تاخد 6 ولا 7 معالق في اليوم.
معلقة زيت الزيتون الكبيرة فيها 120 كالوري ودي نفس #كالوريز السمن والزبدة!