Oxygen gym

المعادله الصح 👌

خد رايح فين صلي علي النبي ❤️

📵 بلاش الظاهرة العجيبة دي يا كابتن…

داخل تتمرن ولا داخل تعمل Session تصوير؟!
كل تمرينة ماسك الموبايل…
شات… ريلز… تصوير… ومابين كل عدة وعدة نص ساعة راحة! 😅

عضلتك مش هتكبر من لمس الشاشة…
ولا الفورمة هتيجي بالكاميرا 📸

الجيم مكان شغل 💪
خش اتمرن بتركيز، احترم وقتك، احترم هدفك، وسيب الموبايل شوية.

النتيجة بتحب الناس اللي بتركز… مش الناس اللي بتستعرض 🔥

خد متنساش شعارنا الجميل صلي ع الحبيب

التستوستيرون مش بس هرمون… هو أسلوب حياة.

مشكلتك مش نقص مكملات…
مشكلتك غالبًا في الأساسيات اللي بتتجاهلها يوميًا.

إذا بدك ترفع التستوستيرون بشكل طبيعي 👇

✔️ نوم عميق وكافي
✔️ تمارين مقاومة (مش كارديو فقط)
✔️ أكل كافي ومغذي
✔️ دهون صحية (مش حرمان!)
✔️ عناصر أساسية مثل الزنك

جسمك بيعرف يوازن نفسه… إذا أعطيته البيئة الصح.

المشكلة؟
الناس بتدور على حلول سريعة…
وتنسى العادات البسيطة اللي فعلاً بتصنع الفرق.

ابدأ بالأساسيات…
والنتائج رح تيجي لحالها 💪

🌙 رمضان باقي عليه أيام… كل عام وأنتم بخير ❤️
رمضان مش دايت قاسي…
رمضان روح + لمة + توازن ✨
وفي شوية حاجات لازم نفكركم بيها .
1️⃣ أول يومين… بلاش تأزم نفسك
أول يومين مش وقت تحسب الجرام وتشد على نفسك زيادة.
متبوظش فرحة اللمة والعزايم علشان طبق رز زيادة 🍚
الأيام دي مش هتتعوض، ومحدش ضامن السنة الجاية مين هيبقى موجود معانا ❤️
عيش، استمتع، وبعدها نظبط الدنيا بهدوء.
2️⃣ التمرين بعد الفطار مش قبله
مينفعش تتمرن وإنت صايم تمرين مقاومة قوي ⚠️
ليه؟
لأنك معرض للجفاف
ومفيش طاقة كفاية
وأداؤك هيقل
الأفضل؟
بعد الفطار بساعتين تقريبًا 💪
طاقة أعلى
أداء أحسن
وحفاظ على الكتلة العضلية
3️⃣ المية أهم من أي حاجة
رمضان = خطر جفاف لو مهتمتش بالمية
اشرب بين الفطار والسحور تدريجيًا
مش مرة واحدة
العصائر الفريش (من غير سكر مضاف) ممكن،
لكن بحساب 👌
الجسم محتاج سوائل علشان الحرق والهضم والمفاصل.
4️⃣ المكسرات والفواكه المجففة مش عدو
التمر، الزبيب، اللوز…
مهمين لتعويض معادن وطاقة سريعة ⚡
لكن المشكلة في الكمية مش النوع 😅
قبضة إيد كفاية…
مش طبق كامل.
5️⃣ قمر الدين مش “صحي” زي ما الناس فاكرة ⚠️
أغلب الأنواع فيها نسبة سكر عالية جدًا.
يعني بتشرب سعرات من غير ما تحس.
لو هتشربه، يبقى قليل ومش يوميًا.
6️⃣ العرقسوس مفيد… بس خد بالك
العرقسوس ممكن يعلي الضغط لو اتشرب بكثرة.
خصوصًا للي عندهم ضغط مرتفع.
الاعتدال دايمًا هو الحل.
7️⃣ الخروب الطبيعي ممتاز
بس من غير تحليته بسكر.
المشكلة مش في الخروب… المشكلة في المعلقة اللي بنحطها 😅
8️⃣ سعراتك كلها بين الفطار والسحور
متفتكرش إنك “صايم” يبقى تقدر تاكل براحتك.
كل أكلك اليومي بيتحط في الـ 6–8 ساعات دول.
لو زودت عن احتياجك… هتزيد وزن حتى في رمضان.
9️⃣ الجيم مهم… بس متنساش التراويح ❤️
مش علشان تتمرن تسيب التراويح.
الجيم بعد التراويح 👌
توازن بين جسمك وروحك.
ده شهر عبادة مش شهر فورمة بس 🌙✨

✨ مواعيد الچيم في رمضان ✨🌙

حافظ على نشاطك ولياقتك طول الشهر الكريم 💪

⏰ قبل الفطار:
من 3 عصرًا إلى 5 مساءً

🌙 بعد الفطار:
من 7 مساءً إلى 4 صباحًا

مستنينكم تتمرنوا وتحققوا هدفكم حتى في رمضان 🔥

رمضان كريم وكل سنة وأنتم طيبين ❤

قَالَ: قَالَ رَسُولُ اللَّهِ ﷺ:
"المُؤْمِنُ الْقَوِيُّ خَيْرٌ وأَحَبُّ إِلَى اللَّهِ مِنَ الْمُؤْمِنِ الضَّعِيفِ"

يلا نحسمها بقى 🔥
—

نتمرن في رمضان؟ أيوه.
قبل الفطار ولا بعده؟ حسب هدفك وحالتك.

🕒 التمرين قبل الفطار

✔️ مناسب للي عاوز يحرق دهون
✔️ تمرين خفيف–متوسط
❌ مش مناسب لأوزان تقيلة
❌ خطر لو مفيش خبرة أو شرب مية قليل

⏱️ أفضل وقت:
قبل الفطار بـ 45–60 دقيقة
علشان تفطر على طول وتعوض السوائل

🕘 التمرين بعد الفطار

✔️ الأفضل لمعظم الناس
✔️ قوة وطاقة أعلى
✔️ أمان أكتر على الجسم

⏱️ أفضل وقت:
بعد الفطار بـ 1.5–2 ساعة
أوزان مظبوطة… أداء أحسن

الخلاصة 👊
• مبتدئ؟ بعد الفطار
• أوزان تقيلة؟ بعد الفطار
• عاوز تحرق دهون وتمرنك خفيف؟ قبل الفطار

رمضان مش شهر أرقام
رمضان شهر استمرارية وعقل
تمرن صح… وخلّي صحتك أولوية 💪🤍

خد نسيت تصلي علي النبي ❤️

أستنا نتيجه بكره بعد تعب النهارده

خد بقا متنساش تصلي علي النبي❤️

رمضان قرب…
وشهر زي ده مش بيتعوض
مش شهر أكل ونوم وتمرين وبس

ده شهر ترتيب أولويات 👊

مينفعش تقول:
«أنزل أتمرن وبعدين أشوف الطاعة»
ولا:
«التمرين هيضيع عليّا التراويح»

لا…
إحنا نِظبط اليوم
علشان لا الطاعة تروح
ولا الجسم يتهمَل

🕋 الصلاة في وقتها
📿 الأذكار ثابتة
📖 ورد يومي مهما كان بسيط
💪 تمرين ذكي في وقت ما يسرقش منك قيام ولا تراويح

التمرين وسيلة
مش غاية
والجسم أمانة
بس القلب أولى

رمضان مش 30 يوم
رمضان فرصة
والفرصة دي لو راحت… مش بترجع

شد حيلك
ظبط وقتك
وخلي نيتك دايمًا:
ربنا الأول… وكل حاجة بعدها تتظبط لوحدها

وكل سنة وإنتوا طيبين
ورمضان كريم علينا جميعًا

خد نسيت شعارنا الجميل صلي علي الحبيب❤️

لسه مكملين في سلسلة أكبر كدبة في عالم الرياضة 👇
كذبة النهارده:

“إلعب فوق بس… بلاش رجل علشان متقصرش”

تعالى نفهم ونقفل الموضوع ده نهائيًا ⛔️

أولًا:
مفيش حاجة اسمها تمرين رجل يقصّر
الطول وراثة + صفايح نمو
ولو كده، لاعيبة الكرة وأبطال الأولمبياد كانوا كلهم قصار 🤷‍♂️

ثانيًا:
تمرين الرجل مش رفاهية
ده نص جسمك
وأقوى محفّز طبيعي لهرمونات البناء (زي التستوستيرون)

ثالثًا:
جسم فوق من غير رجل =
منظر مش رياضي
قوة ناقصة
وثبات ضعيف في كل التمارين

رابعًا:
اللي بيقولك بلاش رجل
يا إما جاهل
يا إما بيبرر كسله
يا إما عايزك تبقى “شكل” مش “رياضي”

الخلاصة 🔥
الرياضة مش صدر وباي
الرياضة جسم كامل
والرجل مش هتقصرّك…
الجهل هو اللي مخلّي الناس تصدق الكدبة دي

وعي غيرك ✔️
وكمل السلسلة 💪

خد رايح فين نسيت تصلي علي النبي ❤️