Rooh El Koloub

⚽ ماتش الكورة النهاردة.. بركان مشاعر لـ ابنك!
​مع كل جون أو خسارة، انفعالات طفلك بتتحول في ثانية من قمة الحماس لقمة العصبية والإحباط. وبدل ما الماتش يقلب بنوبة غضب وعياط.. عجلة المشاعر (Feeling Wheel) وعجلة الغضب (Anger Wheel) هما المدرب السري اللي هيعلم طفلك يكسب ماتش التحكم في انفعالاته!🏆
​🌈 الـ Feeling Wheel (جوه وبره الملعب):
​بتساعد الطفل يفهم مشاعره اللحظية ويسميها صح، ويتعلم:
​✔️ يفرق بين التوتر من النتيجة، والإحباط من الخسارة، وفرحة المكسب.
​✔️ يعبر عن زعله بثقة وبكلام واضح بدل ما يكتمه.
​✔️ يستوعب إن المكسب والخسارة جزء من اللعبة والحياة.
​🔥 الـ Anger Wheel (وقت العصبية والبلنتي):
​أداة عملية وممتعة للتحكم في الانفعالات، بتعلمه:
​✔️ يهدّي نفسه فورًا وقت الضغط والعصبية.
​✔️ يفكر قبل ما يتصرف ويختار ردود أفعال أهدى وأذكى.
​✔️ يعبّر عن غضبه بالروح الرياضية.. بدون ضرب، صراخ، أو عناد.
​✨ الألعاب دي هي "الكارت الرابح" خصوصًا للأطفال اللي:
​بيتعصبوا وينفعلوا جدًا مع الماتشات.
​بيكتموا مشاعرهم أو بيبكوا لو خسروا.
​عندهم اندفاع وعناد وقت الحماس الزايد.
​💫 ومع الاستخدام المستمر.. الهدوء والتحكم في الانفعالات هيكونوا هما النتيجة! ❤️
​🎁 حولي حماس الماتش لفرصة تربوية ذكية واطلبي العرض دلوقتي:
الـ Feeling Wheel + الـ Anger Wheel
​📩 ابعتولنا رسالة بـ "عجلة المشاعر والغضب" وسيبوا الباقي علينا! ⚽❤️💥

🎉 خبر كنا مستنيينه من زمان... وأخيرااااا بقى حقيقة!
SUPER BOYS & GIRLS وصل الشيخ زايد 💙🚀
لو نفسك طفلك يتعلم بطريقة مختلفة...بعيدا عن الحفظ والتلقين...تعالى يعيش تجربة هيحكي عنها أول ما يرجع البيت
مش هنقعد ندي محاضرات...
إحنا بنتعلم بالحركة واللعب والتحديات والتجارب والضحك والعمل الجماعي... لأن الطفل بيتعلم أكتر لما يعيش الموقف بنفسه
🌟 خلال أثركامب هنشتغل على أهم المهارات اللي كل طفل محتاجها في حياته:
💙 Emotional Intelligence
يتعرف على مشاعره، يفهمها، ويعرف يعبر عنها بثقة
🛡 Boundaries
يتعلم يقول "لأ" وقت اللزوم، ويحمي نفسه باحترام وثقة
🌈 Gratitude
يكتشف قوة الامتنان وأثره على السعادة والثقة والعلاقات
💪 Bullying
يتدرب على الرد على التنمر بذكاء وثقة، ويحافظ على كرامته
⭐ Self-Esteem
يبني تقديرًا صحيًا لنفسه ويؤمن بقدراته
🤝 Respect
يحترم نفسه والآخرين ويكوّن علاقات صحية
🎯 Responsibility
يتحمل مسؤولية اختياراته وقراراته بطريقة تناسب عمره
🧩 Problem Solving
يفكر، يحلل، ويلاقي حلولًا بدل الاستسلام للمشكلة
كل ده من خلال...
🎲 ألعاب تفاعلية
🏃‍♂️ تحديات حركية
🎭 تمثيل مواقف
🧠 أنشطة ممتعة
🎨 تجارب عملية
💬 نقاشات تناسب الأطفال
🏆 وتشجيع يخلي كل طفل يطلع وهو شايف نفسه بطل
لأن هدفنا مش يوم ممتع وبس...هدفنا إن كل طفل يرجع البيت وهو:
✨ اهدى
✨ واثق بنفسه اكتر
✨ اذكى عاطفيا
✨ يعرف يحل مشاكله
✨ ويكون مستعد يواجه الحياة بقلب قوي وعقل واعي
📍 المكان: الشيخ زايد
📅 موعد الكامب: (كل ثلاثاء بدايه من ١٤ يوليو الي ١ سبتمبر)
📍 العنوان واللوكيشن: (نادى الكرمة الحى ال١٦ مدخل زايد ٥ خلف مزار مول الشيخ زايد)
https://maps.app.goo.gl/PzizgUwoQ7JNvRCJA?g_st=aw
📱 للحجز والاستفسار: (01114243409)
🌐 Website / Social Platform:(https://linktr.ee/atharcamps )

💙 لأننا في SUPER BOYS & GIRLS... لا نبني أطفالا مثاليين بل نبني أطفالا أقوياء من الداخل يعرفوا نفسهم من جوة ويحترمون غيرهم ويتركون اثراااا جميلا أينما ذهبوا

🚀 الأماكن محدودة... احجزوا مكان طفلكم من الآن ونبدأ سوا رحلة تصنع فرقا حقيقيا في شخصيته

وزارة الطاقة" في البيت (وفر واكسب!) 💡❄️
​الصيف يعني التكييفات شغالين، النور منور في الأوض الفاضية، وفاتورة الكهرباء بتيجي "تخض"!
​التطبيق العملي: اعملي معاهم اتفاق كوتشينج ذكي. سلميهم منصب "مفتش الطاقة" في البيت بالدور. اللي عليه الدور يلف يقفل التكييف اللي شغال في أوضة فاضية، يطفي الأنوار، ويقفل باب التلاجة وراه.
​المكافأة المالية: قولي لهم: "فاتورة الكهرباء الشهر اللي فات جت برقم معين.. لو الشهر ده بفضل مساعدتكم الفاتورة جت أقل، الفرق والتوفير ده هناخده ونطلع بيه خروجة حلوة سيلفي كلنا، أو نقسمه عليكم كاش".
​النتيجة: هنا أنتِ مش بس بتعلميهم وعي مالي، أنتِ بتعلميهم مسؤولية، وبتحافظي على موارد البيت، وبتخليهم يحسوا إنهم شركاء في إدارة نجاح البيت ده.

التربية المالية مش إننا نقول "معيش" و"الحياة غالية".. التربية المالية هي إننا نقول: "معانا.. بس بنصرف بذكاء وفي مكانه الصح". الإجازة لسه طويلة، استغليها صح وطلعي منهم "مديرين ماليين" شاطرين!
​شاركوني: إيه أكتر فكرة من الـ 3 دول حاسين إنها هتجيب نتيجة فورية مع أولادكم وتقلل الزن؟ 👇

عايز طفل بمواصفات (سوبر) في الذكاء المالي والنفسي؟ 🧠💼.. فوت خطة الحصالة التقليدية، وتعال نلعب تقيل!"
​لو فاكر إن التربية المالية هي مجرد "حوش قرشين في حصالة"، فالفكرة دي قدمت خلاص. في زمن الاستهلاك السريع ده، إحنا محتاجين نربي أطفال عندهم "حصانة مادية" وذكاء مرن يفيدهم لما يكبروا.
​لو طفلك شبط في لعبة غالية، دي مش أزمة.. دي فرصتك الذهبية عشان تطبق معاه خطة الـ 5 خطوات للطفل السوبر:
​1. معادلة الـ (50 / 30 / 20) للطفل 📊
​متاخدش منه كل فلوسه للعبة. علمه يقسم مصروفه أو أي مبلغ يجيله لـ 3 أجزاء:
​50% للهدف (اللعبة اللي عايزها).
​30% للإنفاق اليومي (حاجة بيحب يشتريها دلوقتي).
​20% "للمستقبل" (دي فلوس مبيتلمسش، بتشيلوها سوا لحدث كبير).
الدرس هنا: مفيش حاجة اسمها أحوش كل حاجة وأتحرم، ومفيش حاجة اسمها أصرف كل حاجة وأفلس.
​2. مهارة "أبحاث السوق" والتفاوض 🔍
​الطفل السوبر مبيشتريش من أول محل. اطلب منه يعمل "بحث". ينزل معاكم كذا مكان، أو يدور أونلاين على سعر اللعبة في أكتر من مكان. لو لقاها في مكان أرخص، الفرق ده يدخل في جيبه كمكافأة لذكائه. علموه يسأل البائع: "لو أخدت دي، فيه عليها عرض؟".
​3. نظام "التمويل المشترك" (لوحة الاستحقاق) 🤝
​لو اللعبة غالية جداً، ادخل معاه شريك بنسبة (50-50). بس النص بتاعك مش هيتقدم ببلاش؛ هيتقدم مقابل "أسهم مجهود". يعني يعمل "عرض تقديمي" أو يشرح لك هو ليه يستحق اللعبة دي، وإيه المهام الاستثنائية اللي هيعملها في البيت عشان "يقنعك" كشريك وممول إنه يدفع النص التاني.
​4. اختبار الـ 48 ساعة (فرملة العاطفة) ⏱️
​لما الفلوس تكتمل، متجروش تشتري فوراً. قول له: "الفلوس جاهزة اهي، هنستنى 48 ساعة كاملين والفلوس في إيدك، لو لسه عايزها بعد يومين هنزل نشتريها". الخطوة دي بتفصل بين "الاندفاع العاطفي" وبين "الرغبة الحقيقية". مفاجأة: أوقات كتير الأطفال بيغيروا رأيهم ويقرروا يشيلوا الفلوس لحاجة أهم!
​5. فكرة "إعادة التدوير المالي" (بيزنس الالعاب القديمة) ♻️
​عشان يشتري الجديد، لازم يتخلى عن القديم اللي مبيستخدموش. خليه يجمع ألعابه القديمة السليمة، واعرضوها للبيع (لأقارب، أو جيران، أو جروبات مخصصة لكدة) بسعر رمزي، والفلوس اللي تطلع تدخل فوراً في تمويل اللعبة الجديدة.
​الخلاصة: إحنا مش بنعلم الطفل يحوش عشان يشتري لعبة.. إحنا بنعلم طفل عمره 8 أو 10 سنين إزاي يدير ميزانية، ويتفاوض، ويفكر بعقلية مستثمر مش مستهلك.
​تفتكروا أولادكم يقدروا على تحدي الـ 48 ساعة ويصبروا والفلوس في إيديهم؟ شاركونا في التعليقات! 👇

يا ماما.. أنا ليه معيش آيفون زي بقية زمايلي في التمرين؟" 💔📱
​الجملة دي نزلت عليا زي الدش البارد، وابني راجع من التمرين وشايل طاجن ستة وجايب وشه الأرض. في اللحظة دي، كأب أو كأم، بتتحرك جوانا مشاعر كتير.. ساعات بنحس بالذنب إننا مش ملاحقين على طلباتهم، وساعات بنتعصب ونقول: "احمد ربنا على اللي في إيدك وبلاش بصة لغيرك!".
​بس الحقيقة؟ الموقف ده مش مصيبة، ده "فرصة دهبية" عشان نعلم أولادنا يعني إيه وعي مالي ويعني إيه ثقة بالنفس من وهم لسه صغيرين.
​تعالوا أقولكم إزاي نعدي الموقف ده بذكاء ومن غير ما نحسسهم بالحرمان:
​1. بلاش قفش.. طبطبي على مشاعره الأول 🫂
​أول رد فعل بلاش يكون هجومي. قولي له: "أنا فاهمة يا حبيبي إن الآيفون شكله شيك وكول وكل الناس بتحبه، وطبيعي لما تشوفه مع صحابك تعوز زيّه". لما بنحترم مشاعرهم، بيدونا ودنهم عشان يسمعوا الباقي.
​2. لعبه "الاحتياج" ضد "الرغبة" 📊
​فهميه ببساطة: "التليفون إحنا جايبينه ليه؟ عشان أطمن عليك، وتكلمني بعد التمرين، وتلعب عليه لعبة خفيفة.. تليفونك الحالي بيعمل ده؟ اه بيعمله. يبقى ده احتياج. أما الآيفون فده رغبة (منظرة أو فخفخة) مش هتقدم ولا تأخر في اللي أنت محتاجه فعلاً".
​3. علميه لغة الأولويات (حسبة بسيطة) 💰
​بلاش كلمة "معيش فلوس"، قولي له: "إحنا معانا فلوس الحمد لله، بس بنوجهها صح. ثمن الآيفون ده ممكن ندفع بيه اشتراك التمرين بتاعك لسنتين قدام، أو نسافر بيه مصيف حلو، أو نجيب بيه اللبس والكوتشي اللي بتلعب بيهم.. تفتكر أنهي أهم؟" هنا هو بيفهم إنها مسألة اختيار أولويات مش فقر وحرمان.
​4. أنت بطل باللي بتعمله.. مش باللي ماسكه في إيدك 🏅
​اربطي قيمته بمهارته مش بممتلكاته: "الكابتن في التمرين بيسقفلك عشان بتلعب صح وبتعرق، مش عشان نوع تليفونك. الآيفون مش هيخليك تكسب البطولة.. مجهودك وتمرينك هما اللي هيخلوك بطل".
​كلمة سر لكل أم وأب:
ولادنا مش محتاجين نلبي لهم كل طلباتهم عشان يطلعوا شبعانين، ولادنا محتاجين يفهموا الدنيا ماشية إزاي عشان يطلعوا شخصياتهم قوية ومش مهزوزة قدام أي مظاهر.
​قولولي.. لو ابنك أو بنتك حطوكم في نفس الموقف، بتتصرفوا إزاي؟ شاركوني في الكومنتات 👇✨

MY SUPER LRADER... JOUD💙💙💙

✨ في فرق بين طفل يسمع المعلومة... وطفل يعيشها✨
الحضور المباشر في Super Boys & Girls مش مجرد كرسي وسيشن ساعتين...
هو مكان آمن يضحك فيه الطفل ويتحرك ويجرب ويغلط ويتعلم.ويكتشف قد إيه هو قوي
لما الطفل يقف قدام زمايله ويرد على متنمر...لما يستخدم نبرة صوته بثقة...لما يدافع عن حدوده...ولما يكتشف نقطة قوة جواه عمره ما كان واخد باله منها...
ساعتها... الثقة بتتحول من مجرد كلمة إلى سلوك
في كل لعبة...وفي كل نشاط...وفي كل موقف بنمثله...
إحنا مش بنحفظ الأطفال ردود جاهزة...
إحنا بنبني شخصية تعرف تتصرف في الحياة
💙 بنتعلم إزاي نواجه التنمر
💙 بنتعلم إزاي نختار الصحاب الصح
💙 بنتعلم نعبر عن مشاعرنا
💙 وبنكتشف إن لكل طفل موهبة ونقطة قوة تميزه عن غيره
لأن الطفل اللي يعرف قيمته...صعب جدًا أي كلمة تهزه
والطفل اللي يثق في نفسه...يعرف يحمي نفسه ويحترم غيره
الحضور المباشر مش مجرد حضور...
هو تجربة مليانة حركة وضحك وثقة وذكريات بتفضل مع الطفل بعد انتهاء السيشن

🌟 Super Boys & Girls
لأننا لا نصنع أطفالًا مثاليين...بل نصنع أطفالًا أقوياء واثقين وسعداء بأنفسهم 💪❤️
#التنمر

يا كابتن.. أنا مش هكمل تمرين، ومحدش يكلمني!" 😡⚽
​المشهد ده بنشوفه كتير جداً في الملاعب والصالات.. طفل خسر ماتش، أو زميله اتعصب عليه، أو الكابتن زعق له عشان يصحح له حركة، فتلاقي الطفل فجأة:
​رمى المضرب أو الكورة وعِند ومش عايز ينزل الملعب.
​أو قعد في جنب وعيط ورفض يتكلم مع حد.
​أو اتعصب واندفع لدرجة إنه ممكن يضرب زمايله.
​كأمهات وكوتشز، بنفتكر ده "دلع" أو "قلة التزام"، بس الحقيقة إن الرياضة بتضغط على مشاعر الطفل جداً، وهو بيبقى جواه زحمة مشاعر (إحباط، خوف من الفشل، إحساس بالظلم، أو غيرة) ومش عارف يفرملها أو يعبر عنها.
​الرياضي البطل مش بس اللي عضلاته قوية.. البطل الحقيقي هو اللي عنده "وعي مشاعري" وبيعرف يتحكم في أعصابه وقت الضغط. 🏆
​عشان كده، الـ Feeling Wheel ❤️ والـ Anger Wheel 🔥 هما أهم أداتين لازم يكونوا في شنطة تمرين ابنك من النهاردة:
​🌈 الـ Feeling Wheel (وقت الإحباط والخسارة):
​بدل ما ابنك يرجع من التمرين قفل وشه وساكت، العجلة دي بتخليه يشاور ويقولك بالظبط هو حاسس بإيه: "أنا حاسس بالإحباط عشان مخسرتش قبل كده" أو "خايف الكابتن يزعل مني". لما بيسمّي مشاعره، تكرار الإحباط عنده بيقل، وثقته في نفسه بتزيد عشان يرجع أقوى.
​🔥 الـ Anger Wheel (فرامل العصبية في الملعب):
​دي بقى "التايم آوت" بتاعه وقت النرفزة. بتعلم الطفل أول ما يحس ببركان الغضب جوه الملعب إنه يقف، يتنفس، ويهدي ضربات قلبه، ويفرغ غضبه في "أداؤه الرياضي" بدل ما يتهور، يعند، أو يضيع مجهوده ومجهود فرقتة.
​الخلاصة:
الأدوات دي مش مجرد تسلية.. دي "كتالوج" بيعلم ابنك الذكاء العاطفي جوه وبره الملعب، عشان يطلع بطل حقيقي شخصيته قوية ومش مهزوزة قدام أي خسارة أو ضغط.
​🎁 عرض الأبطال لفترة محدودة:
الـ Feeling Wheel + الـ Anger Wheel.. الاتنين مع بعض في باقة واحدة عشان تجهزي ابنك نفسياً وعقلياً للتمرين وللحياة.
​📥 ابعتيلنا رسالة دلوقتي على الخاص واحجزي العرض لطفلك قبل الماتش الجاي!