Rehab Cycling Team - RCT

رايد الجمعة إلى مدينة الشروق 😍

تمرينة دواثلون ل Hyde out 🥰

بمناسبة افتتاح فرع المقطم ( بالعربي عجلة ) 🤩
خصم خاص لفريق RCT 🚴🚴

30 % خصم على الصيانة

40 % خصم على الفيتينج

15 % خصم على قطع الغيار

15 % خصم على الاكسسوارات

10 % خصم على الكترونيات

10 % NUTRITIONS خصم على

15 % خصم على الملابس

الخصومات و العروض دي دائمة و مستمرة في فرعين المقطم و مدينة نصر في اي وقت و طوال السنة 🤝

للحصول على خصم الخدمات وقطع الغيار يرجى إظهار كارنيه الإتحاد المصري للدراجات الخاص بالفريق... لو لسه جديد معانا وماطلعتش كارنيه الإتحاد ممكن تبعت لنا رسالة على الصفحة بإسمك والخدمة اللي رايح تعملها قبل ما تروح المعرض بيوم عشان نبعت اسمك للمعرض وتستفيد بالخصم.

للطلبات و الاستفسارات عن طريق الواتساب او التليفون : 01099532897

الموقع على الخريطة:
https://maps.app.goo.gl/GLEf6sjnzWii9kjX6

ملحوظة هامة: احنا مش طرف في عملية البيع والشراء وغير مسؤولين عن العملية بأي شكل من الأشكال، احنا وفرنالكم الخصم فقط وكل المعاملات بين حضراتكم وبين المعرض مباشرة.

البوست المجمع لكل الخصومات والعروض وسياسة الخصومات في RCT
https://www.facebook.com/2005551136356893/posts/2625959080982759/

❓❓ البوست المثبت - قائمة الأسئلة الشائعة ❓❓

أهلا بيكم، البوست ده هيكون فيه أغلب الأسئلة اللي دايما بنتسألها وإجاباتها، ان شاء الله دائما هيكون في تحديث للبوست باستمرار.

اخر تحديث: 23 أبريل 2026

❓❓س: انتم مين وبتعملوا ايه؟

ج: احنا مجموعة من سكان الرحاب المهتمين برياضتي الدراجات والجري، الفريق مسجل رسميا في الإتحاد المصري للدراجات 🚴‍♂🚴‍♀.
بنعمل رايدات دورية (Group rides) مناسبة لكل الأعمار كالآتي:

- رايد السبت العصر: وده رايد ترفيهي بيكون مناسب للأطفال والكبار والمبتدئين بيكون غالبا داخل مدينة الرحاب مسافة من 15 ل 25 كيلومتر مع استراحات كتير. 💪😍

- رايد الجمعة الصبح: وده بيبقى تمرين للكبار والشباب فوق ال 16 سنة، متوسط سرعة من 16 ل 24 كيلومتر/ساعة، ومسافة من 35 ل 100 كيلومتر بره وجوه الرحاب 💪💪💪😉.

بننزل إيفنت على الصفحة قبل الرايد بيوم فيه كل التفاصيل، لو مانزلناش الإيفنت يبقى الرايد اتلغى. مكان تجمعنا لنشاط الدراجات ثابت وهو باركينج السينما اللي عند مول 1 الرحاب 📌.، وده الموقع على Google maps

https://maps.google.com/?cid=15429638858418663859

وده غير النشاطات الغير دورية والسفريات اللي بيتم الإعلان عنها كل فترة. 📣

ملحوظة: مواعيد رمضان بتكون مختلفة وبتتغير من سنة للتانية، برجاء مراجعة الصفحة للمزيد من المعلومات.

جميع نشاطاتنا مجانية تماما ويشترط في نشاط الدراجات الإلتزام بجميع اجراءات الأمان زي الخوذة والجوانتي والإضاءات الأمامية والخلفية والفيست الفسفوري العاكس والكاوتش الداخلي وعدة اللحام لكل الناس اللي طالعة الرايد وده عشان سلامتنا جميعا، وطبعا ماننساش نجيب مياة كفاية للشرب أثناء الرايد ونكون عاملين صيانة للعجل بتاعنا كوييس قبل كل رايد.

غير مسموح بالمشاركة في الرايد بدون خوذة 🚳
No Helmet .. No Ride 🚳

ده لينك الصفحة بتاعتنا، اعملوا أعجبني (Like) ومشاهدة أولاً (See First) عشان تتابعوا الإيفنتات بتاعتنا اللي بتنزل قبل الايفنت بيوم أو يومين بكل التفاصيل، وابعتوا دعوة لكل أصحابكم عشان يتابعونا هم كمان 💪😍.

https://www.facebook.com/rehab.cycling.team

ودي صفحتنا على انستجرام Instagram

https://www.instagram.com/rehab.cycling.team/

وده نادي استرافا الخاص بينا Strava Club

https://www.strava.com/clubs/RCT-EG

❓❓س: أنا عايز أشارك معاكم لأول مرة، أعمل ايه وإيه المطلوب مني؟

ج: بالنسبة لنشاط الدراجات حضرتك تشرفنا في رايد السبت لجميع الأعمار، تابعوا الصفحة بتاعتنا بننزل مناسبة (Event) قبلها بيوم بنكتب فيه ميعاد التجمع والتحرك بالظبط، كل المطلوب حضرتك تيجي بالعجلة والخوذة بتاعتك على ميعاد التجمع في باركينج السينما مول 1 مدينة الرحاب، مدة الرايد حوالي من 3 ل 4 ساعات عشان تعملوا حسابكم على كده. لو تقدر تمشي بالعجلة لمدة نصف ساعة لوحدك أكيد هتقدر تكمل الرايد معانا ان شاء الله.

❓❓س: ينفع أشارك لأول مرة معاكم في أي رايد ولا لازم أحضر رايد السبت الأول؟

ج: الرايدات بتاعتنا مستويات زي ما احنا شارحين فوق، لو أول مرة تشارك معانا يبقى لازم تيجي على الأقل كذا مرة يوم السبت عشان تعرف طريقة مشينا واشاراتنا وتعليمات السلامة داخل الرايد الجماعي، بعد كده لو حاسس انك تقدر تطلع بالمستوى بتاعك اسأل الكابتن امتى تحضر أول رايد جمعة خفيف وبعد كده تواظب على كل الرايدات، وده طبعا مع مراعاة كل شروط السلامة والتنبيهات اللي بننزلها داخل كل ايفنت.

❓❓س: عايز أخلي أطفالي يشاركوا معاكم، ينفع؟

ج: رايد السبت العصر مناسب لجميع الأعمار من اول 10 سنوات، المهم يكون بيعرف يسوق ومتمكن من عجلته ويكون معاه خوذة.

ونشاط الجري مناسب لجميع الأعمار، والأطفال مسؤولية ذويهم أثناء الجري.

❓❓س: أنا مش عندي عجلة وعايز أشارك معاكم، أعمل ايه؟

ج: للأسف مفيش عندنا ولا في الرحاب على حد علمنا حد بيأجر عجل،

❓❓س: أنا مش بعرف أسوق عجل وعايز أشارك معاكم، أعمل ايه؟

ج: دلوقتي بقى فيه مجموعات وأفراد كتير جدا بيعلموا ركوب الدراجات، وفي مدربات بنات كمان، احنا بنساعدكم بدون مقابل اننا نوصلكم بمدربين ومدربات حسب رغبتكم، كل اللي عليك تبعت رسالة واتس اب لكابتن هبة تقولها محتاج ايه وهي توصلك بالشخص المناسب ليك، رقمها هو 01121222245

عموما موضوع تعليم قيادة الدراجات فعلا بسيط وغالبا بياخد من ساعة ل 3 ساعات على حصتين تلاتة مثلا، يا ريت تشوفوا الفيديو ده هيفيدكم برضه ان شاء الله:
https://youtube.com/watch?v=zLaIeTRQGbg

❓❓س: عايز أشتري عجلة أو اكسسوارات، أشتري ايه ومنين وبكام؟

ج: برجاء مراجعة بوست دليل شراء الدراجة ومستلزماتها من هنا

https://www.facebook.com/rehab.cycling.team/posts/2623784217866912

❓❓س: سمعت إنكم بتقدموا خصومات للأعضاء في الفريق، ممكن تفاصيل أكتر؟

برجاء مراجعة البوست المجمع لخصومات الأعضاء مع سياسة الخصومات من هنا

https://www.facebook.com/story.php?story_fbid=2625959080982759&id=2005551136356893

شكرا على وقتكم ونتمنى نكون جاوبنا على استفساراتكم؟

تمرينة دواثلون من الرحاب للجامعة البريطانية 😍

رايد الجمعة إلى حديقة الميريلاند 🤩🥰

رايد الجمعة إلى مدينة الشروق 🤩

رايد الجمعة إلى محور شنزو آبي 😍💪

تم الغاء رايد السبت نظرا لسوء الاحوال الجويه

رايد السبت 7/3/2025
عاش لأبطال رايد العيله عاش شباب وبنات RCT 😍😍