في بيتنا كورة

انا بحب اللعيب الراجل المجتهد عنده نواقص اه عنده نواقص بس لاعب راجل مجتهد ماتش عن التاني تركيزه بيعلي مش افضل حاجة بس ارحم من اللي عندك .

الجزار مدافع كشخصية شبه الاهلي قوي بس محتاج بردو شوية شغل و يطور من نفسه بس انا مبسوط بيه و ليه كمان عشان الراجل ده اتركن مع السباك توروب ٦ شهور من غير ما يلمس كورة.

في رقمين مهمين قوي محتاجين نقف عندهم و هما ٩ و ٢١

- عارف ٩ دول عدد الركنيات اللي حصل عليها النادي الاهلي ٩ ركنيات بالتمام والكمال لم يتم الاستفادة بركنية وحيدة في مباراة مقفولة زي مباراة سموحة.

- الرقم الثاني هو ٢١ تسديدة علي المرمي رقم مرعب بس بيفكرني بأرقام العام الماضي مع يس توروب تسديدات بلا اي هدف.

- الرقم التالت و ده ايجابي شوية هو معدل الاهداف المحققة يعتبر هدفين و كورة ياسر مش من ضمنهم.

- الرقم الرابع هو صفر وده رقم خاص بسموحة الذي لم يسدد اي تسديدة علي مرمي الاهلي و مع ذلك كورة فادي فريد اللي عمرو الجزار لحقها كانت ممكن تبقي هدف.

الحمدلله علي الثلاث نقاط و تصدر الدوري بجوار بيراميدز. ومش عاوز حد يزايد علي حبي للاهلي

بس هي ايه نغمة احنا اول الدوري لسه والراجل بيجرب ديه.

بيجرب ايه يا جدعان و هي فترات الاعداد بتتعمل ليه اصلاً طب بلاش، فترات الاعداد المباريات اللي فاتت في الدوري ايه اللي قدمه اللعيبة اللي زي طاهر و زيزو في مركز ١٠ يخليك تكمل بيهم بنفس المنظر.

الراجل ده بجد بيستفزني عشان هو مش مدرب سيئ زي توروب و ريبيرو هو مدرب مقبول مع الاندية اللي دربها بس اللي بيعمله مع الاهلي ده صعب بجد و تحس انه لا يفقه شيء عن لاعبيه.

٩٠ دقيقة اليوم من الولا حاجة ولا جملة ولا شكل ولا لون الاهلي بيكسب بالاندفاع و ضغط الفريق اللي قدامه و لمحات للاعيبة زي اليوم من ياسر و قبله قفشة و بن جديدة و بن شرقي.

التدريب مش هو الحل الامثل لأختيار اللاعب اللي يلعب يا كابتن بجد طاهر ٣ مباريات لم يقدم شيء يذكر ، زيزو مش بيعرف يباص و معندوش رؤية و مش بيعرف يستلم بضهرة عشان يلعب في اهم مركز في الملعب.

انا محتاج حد يرد عليا و يقولي جملة واحدة بيعملها عموته مع الفريق توصلنا للجول ؟!

بعد طول انتظار و المشهد الشهير لياسر و هو مستغرب ان مروان كان رجل المباراة.

ياسر ابراهيم بعد الجول العالمي هو رجل المباراة.

بالكربون يا حبيبي بالكربون نفس هدف كومباني الشهير في ليستر سيتي ياسر ابراهيم ده مفتكرلوش اي شوطة علي اي مرمي بجد طلع دانة من رجله لبست في الشبكة صحيح لكل مجتهد نصيب.

الحمدلله الحمدلله الحمدلله

طاهر محمد طاهر يغيب عن النادي الاهلي المباراة القادمة لتراكم البطاقات 🔴

٦٦ دقيقة من طاهر محمد ❤️

الابداع مستمر مع الكابتن عموته،

طاهر مازال بيعلي علي نفسه يعني لو كنت فاكر اني سيء هوريك الاسوء 😅

زيزو مركز ١٠ مش ممكن ولا رؤية للملعب ولا باص بيخترق الدفاعات واول ما راح يمين ظهر كويس.

فيه فدادين بين الخطوط اول نص ساعة .

شوط اول زي المبارتين اللي فاتوا من سيء لأسوأ، ٤٥ دقيقة في الولا حاجة حرفياً

مفيش جملة واحده بتم في الفريق بن شرقي مقفول عليه عشان هو المنفذ الوحيد في الفريق.

اتمني نفكر بقي و نعدل الملعب بزيزو يمين و احمد رضا بدل طاهر و علي محمود ١٠ مكان زيزو.

عظمة طاهر بيعلي علي نفسه و بيضيع الكورة و الجول فاضي و بيحطها في القائم 😍