Brothers Ahmed - التوينز

والله لولا أنانية لاعبي الأهلي كان الراجل ده مسجل النهاردة مش أقل من هدفين

بن جديدة مهاجم زي ما قال الكتاب يا جماعه الراجل ده عايز يدوق طعم الشبكه في اكتر من مره

بص عليه وقت ما الاجنحه بتستلم الكورة بيروح يجري ازاي علشان يقطع ورا المدافعين ويحط نفسه انفراد

بن جديدة النهاردة وهو بديل عمل كل حاجه الا أنه يسجل ، في فرصتين أو ثلاثة والله بيبقي فاضي تماما

ومفيش اي تمرير من اللاعيبة ، واكتر من مره يضايق ويمسك وشه حقك يابني والله العظيم

النهاردة لازم يبقي فيه عتاب كبير جدا جدا من اللاعيبة علي الأنانية ، مع الوقت يجي منك والله يا بن جديدة

مهاجم مخضرم يا جماعه ♥️♥️🦅

فيه لاعيبة كده تراهن عليها وانت مغمض ، يعني ينزل الملعب تبقي واثق بنسبة 100% في أداءة

من اللاعيبة ديه إمام عاشور افضل وامهر لاعب خط وسط في افريقيا وسابق مستواه بلاعيبة كتير كتير

اللاعب اللي كان نقطه قوه كبيرة جدا للزمالك محدش ينكر ، اللاعب اللي بيكلم الكورة كده برجله انت متخيل ؟

تجديده للأهلي مكسب كبير للفريق مفيش كلام ، لكن الأهم العقليه يا ميمو ، قدامك 4 سنين يخويا عايزين التزام

عايزين مساهمات و تأثير ، واثقين من ده بس الاهم تركز في الملعب

امام عاشور لعب مع الأهلي 105 مباراة ، سجل 32 هدف وصنع 25 وخد هداف الدوري وكل ده والله وهو حاطط رجل علي رجل

مستواك عالي يابني متعنا بموهبتك السنين الجاية ♥️👏🦅

الكل بيتكلم عن شخصية عموته وفي موقف حصل من وائل جمعة قدام الشرقية انبي لفت نظري جدا

وقت شرب الماية وفي ظل ما حسين عموته متعصب وبيدي تعليمات للاعيبة بكل قوة وائل جمعة لمح المصور بيقرب وبيسجل كل حاجه

راح للمصور ورفع أيده وقاله لو سمحت ابعد شوية بالكاميرا ومتصورش ، علشان السرية ومحدش يعرف التعليمات ولا من حق حد يسمع حاجه

موقف بصراحة يدل أن معانا مدير كورة عايز يقف ع الفرقة ، مدير كورة راجل ولا بيهتم باللقطه ولا بالشو

واحد من ريحة الجيل الذهبي ، كابتن تاريخي و معاه بطولات تاريخية بقيمة أندية

اللي زي جمعة و حسين عموته هما اللي هيرجعوا الفريق علي منصة البطولات من تاني ♥️♥️👏

لا خير فينا إذا نسينا ، عايزين نتكلم عن اكتر اللاعيبة ثبات للمستوي سواء في الأهلي أو منتخب مصر

مروان عطية لاعب ملتزم لأقصي درجة جوة الملعب وبره الملعب ، لاعب مكنة جري ، لاعب قريب من كل كورة ومن كل لاعب

مروان عطية رمانة ميزان وسط ملعب الأهلي و منتخب مصر ، حلقة الوصل بين الهجوم و الدفاع حرفيا

مروان عطية بيتطور جدا في استخلاص الكورة ، لعب شوط هايل علي لاعيبة برشلونة وخصوصا يامين يامال

بقا أسرع في تغيير اتجاه الكورة ونقل الكورة ع الطرف ، متستغربش خالص لو لقيت مروان مثلا مكان بن شرقي

يعني تلاقيه ع الخط ك جناح في وقت من أوقات المباراة ، تلاقيه في قلب الملعب مكان زيزو ، مروان ملوش مكان معين

من اكتر الصفقات المحلية السوبر اللي مناسبة للأهلي ، يابختنا بيك يا مروان 👏❤️🔥

اخبار أن حسين عموته هيدي فرصة لأشرف داري وهيركز معاه خصوصا في التدريبات

وخليني يا عزيزي اقولك أن لولا الإصابات كان اشرف داري ده نسخه ممتاز من مدافع يليق بالنادي الأهلي ، فيه كل الإمكانيات القوية

ك طول و التحامات واللعب بالرأس ، كل ما يبدأ يفوق ويتألق يتصاب ، الراجل ده محتاج برنامج بدني علي اعلي مستوي

افتكر أن كولر اول حاجه عملها خصص برنامج بدني لكل لاعب وده ساعد لاعيبة كتير علي الاستمرارية زي متولي

ليه لا؟ ليه متديلوش فرصة ؟ ولا هادي رياض نافع والجزار عليه كلام مع ياسين مرعي

جرب اشرف داري مش هتخسر حاجه ✊♥️🦅

محمد الشناوي عنده رصيد عظيم جدا عند جمهور الأهلي ، الحارس التاريخي بلا منافس وبلا منازع

انجاز عظيم كأكثر حارس في تاريخ نادي القرن تصدي لضربات الجزاء وتصدي لأسماء عظيمة وصعبة

يقال إنه الموسم الاخير للعملاق الشناوي ، الراجل ده بيحب الأهلي بجد ، الراجل ده كان موجود وحاضر في بطولات عريقة للأهلي

شهد علي تتويج الاهلي ببطولات أفريقية وياما شال كؤوس ، منصة التتويج عارفة كويس اسم محمد الشناوي

من افضل حراس افريقيا بدون جدال بشهادة حارس عظيم زي عصام الحضري ، الواحد فرح امبارح بالشناوي والله

باذن الله تختم مسيرتك في الأهلي يا شنو ♥️👏

الجول قدام برشلونة ده باذن الله يبقي دافع عظيم لبداية موسم تاريخي لزيزو انا متاكد

النهاردة شوفنا زيزو في وسط الملعب في مركز 8 علشان يقوم بعمليه تدوير الكورة ويخلي الرتم اسرع خصوصا في المرتدة

زيزو النهاردة كان بيميل ناحية بنشرقي في اكتر من مرة علشان يعمل معاه ثنائية علي الخط وكان متفوق في المباراة

اسوء عيب في زيزو هو التردد أمام المرمي وده ظهر جدا الموسم الماضي ، النهاردة بنشوف هدف ممتاز بشماله

وخد بالك الهدف من مسافة صعبه وفي حارس مش سهل زي جوان غارسيا وكمان بالرجل اللي مش أساسية

استمر يا زيزو واقف ودانك ✊♥️🦅

لفت نظري في مباراة الأهلي ضد يوروبا الإسباني التاكلينج اللي قدامك بتاع عمرو الجزار

الواحد انبسط كده تلقائيا لما شافه في الملعب من تاني وبيأدي وبيعمل تاكلينج كمان ، ده الواحد كان قرب ينساه

الواحد بيحزن جدا والله لما تجيب لاعب واعد من فريق زي المحلة ويتركن وميلعبش ولا دقيقه الموسم الماضي

لاعب علي فكرة كورته حلوه جدا وبيعرف يطلع بيها واللي شافه مع البنك الاهلي و المحلة هيعرف كده شويه ثقه بس

اتمني من كل قلبي يثبت نفسه لحسين عموته ويحجز مكانه أساسي جمب هادي رياض ، هما دول جودة المدافعين اللي عايزينهم

اتمني يبقي خليفة وائل جمعة ليه لا ؟ والله مش ترول الهيئة تقول كده وباذن الله الإمكانيات تبقي شبهة كمان

دفاع الموسم ده سئ ومحتاجين زي الجزار كده ❤️✊

لما عيني بتيجي علي حسين عموته بفتكر البدري تلقائيا

حاسس ان الراجل ده هيفرض شخصية عظيمه علي كل اللاعبين ، هيخلق حالة من الانضباط افتقدناها كتير

هيزرع في اللاعيبة يعني ايه أداء رجولي في الملعب ، يعني الالتزام التكتيكي تحت اي ظرف وتحت أي بند

متفائل جدا ب عموته ويارب يكون عند حسن ظننا ، أهم شئ كان بيميز البدري نظرته اللي كانت بتوقع قلب اي لاعب

عارف ان فيه مدرب دكر واقف ع الخط ، الغلطة ب فوره ، التجاوز بعقاب شديد ، هتدلع هتقعد دكه

هتشوف نفسه هتترمي بره القائمة فيه 100 لاعب غيرك عادي والفريق مش هيقف علي حد

كل الدعم يا عموته ✊❤️🦅