خاطف قلبك

تامر حسنى
مساء و صباح العسل علي الناس الحلوه مش عايز اقول غير بحبكم والله والله من كل قلبي لما بدخل كل شويه اشوف تعليقاتكم بحس اني عايز اقولكم كده و خصوصاً لما الاقي ناس بتدعيلي في ظهر الغيب بقول احمدك يا رب 🤲 دي نعمه كبيره اوي اصل انا بقدر اوي الدعاء لانه اغلى هدايا الدنيا و الآخره .. لما بزعل و ببقى حزين بدخل اقرا كلامكم بقوى تاني والله والله دي حقيقه ربنا يخليكوا ليا عشان كده محدش يستغرب لما بفضل طول الوقت انزلكم حاجات تفيدكم او تعرفكم معلومه تنفعكم انا بحبكم من قلبي اقسم بالله من اعماق قلبي بحسكم من اهلي بجد لإن طريقة كلامكم ليا مش جمهور و نجم ابداً .. انا بحس في كل تعليق بيتكتب اني صاحب او من اهل اللي بيكتب عشان كده بقولكم شكراً🤝و بحبكم 🫶لانه احساس حلاوته متتوصفش

الطياره اتأخرت🥹 و الجو من برد جداً لحر جداً
من حقي اعرف انا في اي فصل في المطار ده 😡
و عملت كل حاجه نمت و صحيت و اتعرفت على اجانب كتير و بنحضر مشاريع دلوقتي و لسه الطياره مجاتش
على كل ده بقى و تخيلوا اروح ملاقيش حد عارفني في بونتكانا 🥴😱🤓😀 اكرم يارب
بس دي كل قصتي في ال ٨ ساعات اللي بقوا ٩ ساعات يلا سلام يا شباب بيقولوا الطياره وصلت و اي جديد هعرفكم 😀سلام👋

الشخص اللى بتقابله وتلاقيه مكشر ف وشك من غير سبب ماتقولش عليه شخص كئيب واحنا مش ناقصين اكتئاب
لان زى مافيه ناس عندها مشاكل ومش قادره تضحك زى مافى ناس عندها مشاكل وقادره تضحك وتدارى الوجع