كابتن مصطفى أبوسعده Coach mostafa aboseada

لو عايز توصل لهدفك الصحي وتخس أو تبني عضل، اتعود تحضر أكلك وتاخده معاك من البيت.

ومتقولش: "أنا كبير وهشيل أكل معايا؟ الناس هتقول عليا إيه؟"

سيبك من كلام الناس... إنت عندك هدف وعايز توصله، ركّز فيه وبس.

مفيش أي عيب إنك تاخد أكلك معاك، بالعكس ده دليل إنك ملتزم وبتحترم هدفك وصحتك.

اللي هيضحك عليك يومين، مش هو اللي هيشيل نتيجة اختياراتك بعد كده.

اهتم بنفسك، وسيب الناس تتكلم... وإنت كمل في طريقك. 💪🔥

أكيد سمعت حد بيقول:
"أنا لو شميت ريحة سندوتش بس بزيد 2 كيلو!" 🍔

وفي المقابل تلاقي واحد تاني بياكل قدامك أكل يكفي 3 أفراد، ووزنه ثابت ولا كأنه أكل حاجة! 😂

طيب هل الكلام ده حقيقي؟

الحقيقة إن فيه اختلافات فعلًا بين الناس في طبيعة الجسم والجينات ومعدل الحرق، لكن الموضوع مش بالبساطة اللي الناس متخيلاها.

زمان كانوا بيقسموا الأجسام لـ 3 أنواع:

⭕ الإكتومورف
وده الشخص الرفيع اللي بيشتكي إنه بياكل كتير ومش بيعرف يزيد وزنه بسهولة. معدل الحرق عنده غالبًا أعلى، وزيادة الوزن بالنسبة له محتاجة مجهود وسعرات أكتر.

⭕ الميزومورف
وده النوع اللي في النص. لو أكل زيادة شوية ممكن وزنه يزيد، ولو التزم بالأكل والتمرين شوية وزنه ينزل بسهولة معقولة.

⭕ الإندومورف
وده اللي تلاقيه بيقولك: "أنا جسمي عريض بطبعه!" 😅
وزنه بيزيد أسرع من غيره، وبيحتاج مجهود أكبر عشان يخس ويحافظ على النتيجة.

بس خلي بالك... ❌

التصنيف ده مش معناه إن مصيرك اتحسم وخلاص.

يعني لو جسمك بيزيد الوزن بسهولة، تقدر تخس.
ولو جسمك صعب يزيد، تقدر تبني عضلات وتزيد وزن.

الجينات بتأثر، لكن مش هي اللي بتقرر النتيجة النهائية لوحدها.

الأكل المناسب، والتمرين الصح، والاستمرارية... دول اللي بيصنعوا الفرق الحقيقي. 💪🔥

دلوقتي قولّي في التعليقات...
إنت من النوع اللي وزنه بيزيد من ريحة الأكل؟ 😅
ولا من النوع اللي بياكل الدنيا كلها ولسه رفيع؟ 🤔

تخيل إن الراجل ده عمره 57 سنة ولسه محافظ على جسمه ولياقته بالشكل ده!

ولو مش عارف مين ده، فده مدرب فريق Paris Saint-Germain، واللي قدر يحقق لقب UEFA Champions League مؤخرًا.

الراجل واثق في نفسه وفي جسمه لدرجة إنه لما جات اللحظة المناسبة، احتفل وسط آلاف الناس من غير أي إحراج.

دلوقتي اسأل نفسك:
عمرك كام سنة؟ 🤔
عامل إيه مع صحتك؟
آخر مرة اهتميت بأكلك أو تمرينك كانت إمتى؟
ولو بصيت في المراية دلوقتي... هتكون راضي عن اللي شايفه؟

العمر مجرد رقم، لكن اللي بيفرق فعلًا هو أسلوب حياتك والعادات اللي بتعملها كل يوم.

ابدأ النهارده... لأن جسمك بعد 5 سنين هو نتيجة القرارات اللي بتاخدها دلوقتي. 💪

في ناس أول ما الأضحية تتدبح، أول حاجة يدوروا عليها هي لية الخروف 😅

يلمّوها ويحفظوها في الفريزر، وكل شوية يطلعوا حتة منها يسيحوها ويطبخوا بيها طول السنة.

يا عزيزي المتابع... الموضوع ده مش أحسن اختيار لصحتك.

الدهون الحيوانية المشبعة جسمك محتاج منها كميات قليلة جدًا، لأنها موجودة أصلًا في اللحمة واللبن والجبنة والزبادي ومنتجات الألبان المختلفة.

إنما لما يبقى الطبخ كله معتمد على الليّة والسمن البلدي والدهون الحيوانية بكميات كبيرة، هنا المشاكل تبدأ تظهر واحدة واحدة...

ارتفاع كوليسترول 🩸
كبد دهني 🫀
ضغط دم مرتفع 📈
وزيادة في مخاطر أمراض القلب مع الوقت.

بص على أي حلة معمول فيها كمية دهون زيادة... تلاقي وشها طبقة دهون سميكة كأنها محتاجة تتشال بالمعلقة قبل ما تتاكل! 😅

المشكلة مش في إنك تاكل لحمة، المشكلة في كمية الدهون اللي بتدخل جسمك يوميًا من غير ما تحس.

عشان كده حاول تخلي الدهون الحيوانية في أضيق الحدود، واعتمد أكتر على طرق طهي أخف وصحية.

ولو مصر تحتفظ بالليّة... احتفظ بيها للذكرى مش للأكل! 😂🐑

انا قسما بالله العظيم ما عاد عندي ثقة حرفيآ في اي مخلوق خلقة ربنا

I swear to God Almighty I literally no longer have any trust in any creature God created

ناس كتير بتسأل: إيه الأصعب؟ زيادة الوزن ولا خسارة الوزن؟ 🤔

اللي وزنه بيزيد من مجرد ما يبص للأكل هيقولك إن التخسيس هو الأصعب، واللي بيعاني من النحافة وضعف الشهية هيقولك إن زيادة الوزن هي التحدي الأكبر.

لكن من وجهة نظري، لا ده الأصعب ولا ده الأصعب...

الصعوبة الحقيقية إنك تحاول توصل لهدفك من غير خطة غذائية واضحة أو برنامج تدريبي مناسب ليك.

لما يكون عندك نظام أكل محسوب، وتمارين مناسبة لهدفك، ومتابعة مستمرة، سواء هدفك تخسيس، زيادة وزن، أو بناء عضلات، الطريق بيكون أسهل بكتير وأسرع.

لو نفسك توصل لهدفك بشكل علمي ومنظم، وتبطل تضيع وقت في التجارب العشوائية، ابعتلي وهساعدك بخطة مناسبة لهدفك ومتابعة أونلاين من أي مكان في العالم. 💪

📱 واتساب: 00201009304903

أو تواصل مباشرة:
https://wa.me/201009304903

العيد خلص... والميزان فتح محضر ضدك!

لو واقف على الميزان النهارده ومصدوم من الرقم، أحب أقولك إن الخروف بريء من كل التهم!

أنت بس حولت الفطار فتة، والغدا رقاق، والعشا كفتة، وبين الوجبات "حاجة بسيطة ندوقها"

متقلقش... مش كل اللي زاد ده دهون، جزء كبير منه أكل ولسه في المعدة ومياه محتبسة من الملح.

اشرب مياه كتير، ارجع لنظامك الطبيعي، اتحرك شوية، وسيبك من فكرة "أعاقب نفسي ومآكلش يومين".

العيد يومين تلاتة... إنما الكرش لو استوطن هيقعد معاك السنة كلها!

#تخسيس #دايت #جيم

🏋️‍♂️ رسالة لكل واحد مستني يوم الإثنين عشان يبدأ 🏋️‍♂️

بص يا بطل... مفيش وقت مثالي للدايت، ومفيش يوم سحري هتصحى فيه فجأة تحب التمرين وتبطل أكل حلويات.

الفرق بين اللي وصل واللي لسه بيتمنى، إن الأول بدأ وهو مش جاهز 100٪.

انزل الجيم حتى لو مالكش نفس، امشي نص ساعة حتى لو تعبان، وكل أكلك الصح حتى لو وقعت في وجبة أو اتنين.

النجاح في التخسيس مش إنك تكون مثالي... النجاح إنك ترجع تكمل كل مرة تقع فيها.

متستناش بكرة... ابدأ باللي تقدر عليه النهارده

#رياضة #دايت #تخسيس #جيم #تحفيز

أريد تقديم تحية خاصة كبيرة لأبرز مرسلي النجوم لديّ. شكرًا لكم جميعًا على الدعم الذي قدمتموه!

Khaled Elgohary