Concordia Sports Academy

الاحتفال بأبطالنا
Celebration 🎊

في كونكورديا الحكاية مش بطولة وميدالية وصورة على البوديوم وبس ❤️

الحكاية بدأت من ناس آمنت إن البطل الحقيقي بيتبني كل يوم
في تمرين صعب
في كلمة تشجيع
في مرة بنقوم فيها بعد خسارة
وفي أهل واقفين ورا ولادهم من غير ما يزهقوا

وفي قلب الحكاية دي ييجي كابتن تامر عبد المنعم
الاسم الكبير والخبرة الحقيقية اللي صنعت أجيال من الأبطال
مدرب مش بس بيدرّب على الفوز، لكنه بيبني شخصية وانضباط وثقة وعقلية بطل
وبيزرع في كل لاعب إن النجاح مش صدفة، وإن الميدالية آخر خطوة في رحلة طويلة من الالتزام والتعب والإصرار

لللاعيبة اللي كل واحد فيهم شايل حلم وبيحارب علشانه
ولأولياء الأمور اللي يمكن ما بيقفوش على البوديوم… لكن من غيرهم مفيش بوديوم أصلا

كونكورديا بالنسبة لينا مش مجرد أكاديمية
كونكورديا عيلة

عيلة بتفرح لنجاح كل لاعب كأنه نجاحها
وتزعل لخسارته كأنها خسارتها
وتسنده لحد ما يرجع أقوى

ويمكن أجمل حاجة في أي بطولة مش عدد الميداليات
لكن عدد الناس اللي واقفة جنب بعض بصدق
وده بالضبط سر عيلة كونكورديا ❤️

شكرا لكل مدرب
لكل لاعب
لكل أب وأم
ولكل حد بيحط جزء من قلبه في الرحلة

لأن الأبطال مش بيتصنعوا لوحدهم
الأبطال وراهم عيلة كاملة اسمها كونكورديا 🥋🏆❤️

#كونكورديا

٣ سنين ورا بعض
وكرمة على القمة🔥
للعام الثالث على التوالي تتوج كرمة محمد رجب بالمركز الأول والميدالية الذهبية في بطولة الجمهورية للتايكوندو 👏❤️

النتيجة دي مش صدفة… دي
حصيلة تدريب مستمر، التزام، إرادة، وشغل كبير مع مدرب بحجم الكابتن تامر عبد المنعم، اللي قدر يحول الموهبة لإنجاز يتكرر سنة بعد سنة
ألف مبروك يا كرمة 💪🥇
ومبروك للكابتن تامر على ثمرة تعب ومجهود واضح في كل بطولة
٣ سنوات… ٣ مراكز أولى… ولسه الحكاية مكملة 🔥

🔥 بطلتنا كتبت اسمها بين أبطال الجمهورية

نتقدم بخالص التهنئة لبطلتنا المميزة
تولين صلاح محمد
بمناسبة فوزها بـ المركز الثالث والميدالية البرونزية في بطولة الجمهورية للتايكوندو – وزن 44 كجم 🥋🏆

إنجاز يستحق الفخر، ونتيجة تعكس الالتزام والتدريب والإصرار 💪

ألف مبروك يا تولين… ومن منصة تتويج لمنصة أكبر بإذن الله 🥉✨

تولين صلاح برونز🥉 مصر وزن ٤٤ كجم ..
Keep it up 👊

تايكوندو الشارقه الاماراتى ضيف عزيز .تمنياتنا لكم بتحقيق كل ما تتمنوه من نجاحات

البطوله مش مجرد ميداليه دى رحله كفاح و أحنا لسه في أولها ..مبروك لأبطالنا

ما تستناش يوم البطولة
الحق اتمرن على السيستم من دلوقتي
🥋🔥
جهز فريقك، اختبر الأداء
وادخل البطولة وأنت واثق من كل تفصيلة
عرض خاص للفرق لفترة محدودة

للاستفسار والحجز 📞: 01027105552

Concordia little fighters👊

اجهز لبطولتك و جدد سينسورك