Curve Devils

الصفقة الثانيه
كل الدعم يا هداف و بإذن الله نصنع تاريخ مع بعض🦅❤️

النادي الأهلي يعلن عن التعاقد معه لاعب خط وسط نادي انبي 5 مواسم ❤🦅

للتذكير و مهم يا شباب
النهارده مصر على موعد مع لحظة تاريخية، والأغنية دي اتعملت علشان تكون صوت كل مصري.
احفظوها، ورددوها، وخلوها تتغنى من كل مدرج وكل مكان، دعمًا ومساندةً لمنتخبنا الوطني.

كرة القدم في الأساس وسيلة للمتعة، لكن أول ما توصل لدرجة إنك تتمنى خسارة بلدك أو تشجع ضد منتخبها، يبقى الموضوع خرج من حدود التشجيع وبقى أزمة في الانتماء والهوية

اللي يفرح بهزيمة وطنه عشان لاعب عالمي أو نادي أجنبي، محتاج يراجع نفسه، لأن قيمة الإنسان مش بتتحدد بقربه من اسم مشهور، ولا بانتمائه لفريق بعيد عنه آلاف الكيلومترات، لكن بجذوره وانتمائه

تشجيعك لأي فريق حقك، لكن وقت ما اسم بلدك يكون في الملعب، مفيش اسم أكبر من اسم بلدك، أما إنك تفضل ميسي أو غيره على منتخب بلدك، فدي مش ثقافة كروية ولا انفتاح، دي حالة من فقدان الهوية، ومحاولة لتعويض إحساس بالنقص على حساب بلدك و اتمني متعيش وسطنا و روح عيش معاهم.

يارب فرحنا يارب احنا بنحب مصر احنا شعب غلابه و محتاجين نفرح يارب يارب اكرمنا يارب🇪🇬❤️

خير الكلام ما قل ودل

وده أول انطباع خرجت بيه من المؤتمر الصحفي الأول لحسين عموتة

لا وعود خيالية، ولا فرقعة إعلامية، ولا تصريحات من نوع “هنكتسح العالم” كلام قليل لكنه واقعي و وضح شخصية مدرب فاهم حجم المسؤولية

على عكس مؤتمرات سابقة اتبنى فيها سقف طموحات ضخم بالكلام قبل ما نشوف أي شغل على أرض الملعب، عموتة اختار الطريق الأصعب: يسيب الملعب هو اللي يتكلم

أكتر حاجة شدتني في كلامه إنه كان واقعي و وضح إن هدفه يرجع الأهلي لمكانه الطبيعي، لكن من غير وعود كبيرة ولا كلام للاستهلاك الشغل هو اللي هيحكم بس لو كل المنظومة اشتغلت مع بعض

بصراحة أنا متفائل جدًا بشخصية الراجل قبل حتى أفكاره الفنية

صحينا النهاردة لاقينا الرجالة اولتراس اهلاوي عاملين اول اغنية في تاريخ منتخب مصر و ده طبعاً استكمالاً لرحلتهم الوطنية الكبيرة اللي هما جزء منها من دعم و مساندة و تشجيع منتخب مصر في كافة المحافل و رفع رأسها و الحفاظ علي هوية مدرجاتها خارج الارض حتي الان

اولتراس اهلاوي مش ناسيين حضورهم و دعمهم القوي علي مدار السنين وقت وجودهم في مصر و كانوا سبب قوة المدرجات المصرية وقتها ، هما اول اولتراس في مصر و الاولتراس الوحيد اللي لسه مكمل حتي الان و جميع المدرجات المصرية اللي موجودة دلوقتي ماشية علي خطاهم و لسه بيتعلموا منهم دروس في التشجيع و كل ما له علاقة بالمدرجات

ويكفي أن نتذكر البنر التاريخي “We Are Egypt”، اللي لخّص في كلمات قليلة اعتزازهم بهويتهم المصرية، ورسالة أن الانتماء للنادي لا يتعارض أبدًا مع الانتماء للوطن

و لما بيحضر أولتراس أهلاوي خارج مصر، بيكون اسم مصر حاضر ديماً قبل أي شيء، وهو اللي منحهم احترام واسع جداً بين روابط الألتراس في أكثر من دولة و كلنا شاهدين زي المولودية و فرايبورج الالماني و الرجاء المغربي و الترجي التونسي و غير الصداقات اللي لسه منعرفش عنها حاجة

عكس رابطة بتدعي انهم اولتراس و اسمهم كوفتا سود كل لما يخرجوا برا يىىىـوئوا سمعة مصر و خنـ.ـاقة جنوب أفريقيا تشهد و صفقات المعسل اللي بيعملوها برا مصر علشان يمولوا التيفوهات لو الدعم وقف من ممدوح عباس و حسين لبيب و دايماً مصدرين الوحش بس عن مصر و عملوا كـ.ـوارث كفيله بحل نشاط جروبهم للأبد و لسه بيتعلموا من اهلاوي و مفيش حاجة واحدة عملوها تعبر عن وطنيتهم او يحسسونا انهم معانا في مصر

اهلاوي نقي و وطني للأبد … النصر لمصر و الحرية لجمهور الاهلي❤️🇪🇬🦅

ده صباح الخير اوي
صحيفة ذا أثلتيك المقربة من ريال مدريد قالت ان نادي ريال مدريد مهتم جداً بالتفاوض مع عمر مرموش بعد كأس العالم

شايف ان الخبر ده يبين قد اي ان اللاعب المصري قادر يوصل لأكبر مكان بالعالم و اتمني اللعيبه المصريه النهارده تصدق نفسها هما قادرين يوصلوا لفين و قادرين لو تألقوا يجيلهم عروض منين و يكون الخبر ده حافز لكل لاعيب في منتخبنا النهاردة و لكل موهبة صغيره لسه في مصر

إِن يَنصُرْكُمُ اللَّهُ فَلَا غَالِبَ لَكُمْ ۖ🇪🇬