Egyptian tactics

الزمالك بيعاني من مشكلة "العقم التهديفي"
** اسبابها إيه ..؟
اول حاجه اي فريق في العالم بيلعب 4_2_3_1
الجناحين بتوعه هما اكتر مركزين بيسجلو اهداف لاسباب فنيه كتيره جدا ده بجانب "المهاجم الصريح"
شوف ارقام صلاح وماني في اسوأ مواسمهم مع الليفر
شوف ارقام جناحين فريقك المفضل اوروبيا هتلاقي واحد منهم هو هداف الفريق
تعالو بقي بالارقام نشوف اجنحة الزمالك قدمتله إيه
** زيزو سجل 1 من ضربة جزاء
** شيكابالا سجل 0
** بنشرقي سجل 4
12 مباراه في الدوري + 2 في افريقيا = 14 مباراه
الجناحين بتوعنا سجلو فيهم 5 اهداف بس
** لو بصينا علي المنافس "الاهلي"
جناح واحد بس مسجل الـ 5 اهداف دول وفي عدد مباريات اقل "9" مباريات "كهربا"
وليد سليمان اللي ما بيلعبش مسجل 3
الشحات اللي بدأ متأخر فالدوري 2
طاهر محمد طاهر سجل هدف
جناحين المنافس مسجلين 11 اهداف في 10 مباريات
** اذن "العقم التهديفي" في الزمالك من اهم اسبابه الجناحين
** "رزاق سيسيه" جناح الاتحاد السكندري لوحده
مسجل 6 اهداف 😊 اكتر من
"شيكا ، زيزو ، بنشرقي" مجتمعين
** اكيد فيه اسباب تانيه للعقم التهديفي
زي صناعة الفرص والاسيست
ايه اكتر المراكز المفترض بيها تصنع فرص وباصات ما قبل التسجيل ..؟
"الباكين" .. "فتوح ، حازم"
ما هو احنا مش اكتر فريق بيتعب ويصنع مساحات علي الاطراف واكتر فريق بيعمل عرضيات اللي وصلت لـ 46 عرضيه في مباراه واحده عشان كل ده يطلع فشنك فالاخر
** تعالو نشوف بالارقام كده حازم وفتوح عملو كام اسيست في 14 مباراه ..؟
حازم اسيست 1 تسجيل اهداف 0
فتوح اسيست 1 تسجيل اهداف 1
من كام عرضيه عملوها بقي 😅
** شوف ارقام باك المنافس "معلول" كده
اسيست 4
تسجيل اهداف 2
في 9 مباريات بس
** عندنا مشكله كبيره في الجناحين" و "الباكين" بتوعنا
** هل ده عيب في اسلوب اللعب والمدرب ..؟
اشك في كده الباكين بتوعنا باسلوب لعبنا الحالي اكتر باكين في الدوري وصلو لمناطق ومساحات خطيره في الملعب واكتر باكين عملو عرضيات غير صحيحه
الجناحين من اكتر الاجنحه اهدارا للفرص ومن اسوأ الاجنحه في التحرك بدون كورة وصناعة الفرص
لو بصيت لباقي المراكز فهتلاقي ارقامها معقوله جدا مقارنة بارقام اي لعيبه في نفس مراكزهم
ساسي مسجل هدفين
امام عاشور مسجل 3
اوباما مسجل 7
** فيه مشكله تهديفيه اكيد معترفين بكده اسبابها ايه
عرفناها كويس من خلال الارقام والاحصائيات
المشكله عندنا جزء كبير منها في الباكين والجناحين
الجبهتين عندنا فيه مشاكله كبيره فيهم اما فالربط مابينهم
او في مرحلة ما بعد الربط "العرضيه"
** اكيد المشكله ليها اسباب تانيه زي "المهاجم"
بس اغلب الفرق في القاره باكملها بتعاني من الموضوع ده
والطريقه الرقميه 4_2_3_1 الاعتماد الاكبر علي التسجيل بيكون علي الاجنحه ولو مش هيسجلو بارقام عاليه ما نرجع لطريقة 442 ونلعب باتنين مهاجمين ونعتمد عليهم ونريح دماغنا
** مشكله تانيه مسببه للعقم التهديفي
"الدكه" الزمالك اقل فريق في الدوري ويمكن في افريقيا
علي مستوه قوة "دكة الاحتياط" ما عندناش لعيبه علي الدكه عندها القدره انها تنزل تطور الاداء او تحدث الفارق
** المفترض من المدرب يعمل إيه فالموقف ده ..؟
يعلم الباكين ازاي يعملو عرضيه وكانه بيدرب ناشئين..؟
ولا يعلم الجناحين ازاي يتحركو وازاي يسجلو

لحد دالوقت انا شايف الراجل ده هو الافضل فالدوري المصري بل وافريقيا
المدرب اللي اتهموه بانه مدرب ددفاعي هو حاليا اكثر المدربين خلقآ للفرص المحققه
هتبص لو هنتكلم علي التسديدات بس في مباراتين افريقيا الزمالك سدد 35 تسديده
باتشيكو قولنا وهنقول تاني احسن مدرب يقرأ الخصم وبيركز علي نقاط القوة والضعف في المنافس
وبيهتم اولا بغلق نقاط القوة ثم البحث عن الهدف
يعني طول ما انا مش بستقبل يبقي هسجل في اي وقت
الحقيقه باتشيكو مش واخد حقه حتي من الاعلام الزملكاويه
وكنت اتمني من عفيفي يوضح شغل وتعب باتشيكو في حلقه خاصه عن باتشيكو
لو دورت اخر 10 سنين هتلاقي باتشيكو مع الزمالك هو الافضل من حيث الانطلاق فالدوري
****نقطه مهمه
فيريرا لما جا الزمالك وشاف مستوي اللاعب المصري في الدفاع والالتزام والتكتيك ولقي ان الوقت ضيق ولعيبه مصر عشان يفهموا وينفذوا محتاجين سنتين
قرر انه ينزل لمستوي وعقليه اللعيبه دي يعني لعيبه لا بتنفذ ولا تلتزم لا دنا هقطع قلبكم دفاع بقي واهري روحكم والعب 4/3/3
واعتمد علي السرعات برضوا هل نجح؟ ايوه نجح ولكن اخفق في افريقيا وراح شال 5 برا
*****
باتشيكو بقي رافض النزول لمستوي اللعيبه لا انا هاخدكم ونطلع لفوق من حيث التنظيم التنفيذ الالتزام
هتهاجم وهتدافع
هتدلع هتغلط هتطلع برا مفيش معلم فالفريق انا المدرب انا النجم
ولك في شيكا عبره
اللعيبه بتضيع اه بتضيع انت وانا بنقول لازم يتدربوا علي حته التهديف اكيد هو شايف يعني وبيدربهم هيعمل ايه؟!!!!!
يعني واحد زي حازم امام مش بيعرف يرفع عرضيه صح هل هيعلموا مثلا؟!!!!!!!! ده قرب يعتزل
واخيرآ
باتشيكو بيحاول يصنع من فريق الزمالك فريق متكامل ومتوازن ما بين الدفاع والهجوم
بيعمل فريق جماعي ليس فيه نجم ان غاب النجم يقع الفريق
دفاعنا عنه لانه الافضل وعشان هو الافضل هنفضل ندعمه

يذكرني برونالدينيو عندما يكون تحت تأثير الخمر

لاهلي وموسيماني ومشكلتة مع هزيمة سيمبا
** مشكله فنيه كبيره ظهرت في الاهلي مؤخرا ومع مرور الوقت المشكله بتكبر اكتر
** إيه هي المشكله ..؟
الاهلي وهو معاه الكورة كويس جدا المشكله بتبدأ مع استخلاص المنافس للكره
** "ضغط عالي" مزري وبائس من الخط الهجومي للاهلي
[ بواليا ، الشحات ، كهربا ، قفشه ]
الرباعي ده ضعيف جدا في الضغط علي خطوط دفاع الخصوم ضعاف في الالتحامات والانقضاض
حتي البدلاء اضعف منهم
معدلات استخلاص الاهلي للكره في وسط ملعب المنافس مزريه جدا لو هتقارن الاسماء دي بـخط هجوم الاهلي في مرحله سابقه
[ وليد ازارو ، رمضان صبحي ، مؤمن زكريا ، عبدالله السعيد]
** المنافس اللي كان بيعدي بكورة واحده خط وسط الملعب كان بيعمل فرح ولو عدا بكورة كان بيلاقي صداده بتتحرك بعرض الملعب تقتل الهجمه "حسام عاشور"
اللي أكيد كانت مهمته اسهل بكتير من "ديانج" لان عدد الهجمات اللي كانت بتعدي من منظومة الضغط المتقدم
[ازارو ، رمضان ، زكريا ، السعيد]
اقل بكتير منها في وجود الرباعي الحالي والوحيد في اسكواد الاهلي الحالي اللي فيه نفس مواصفات الرباعي السابق هو " وليد سليمان" لكنه كثير الاصابات
**عشان كده الاهلي تحت قيادة
[ البدري & مارتن يول]
او اي اسم درب المجموعه دي ارجع لاحصائيات الاستحواذ او احصائيات استقبال الاهداف [شريف اكرامي]
كان بيعمل ارقام قياسيه وده مش لجودة اكرامي كحارس مرمي ده سببه ندرة الهجمات اللي بيتصدالها
** الاهلي وموسيماني بيعانو جدا امام اي فريق بيعرف يبني الهجمه من تحت وعنده سرعه في التحول من الحاله الدفاعيه للهجوميه في غياب منظومة الضغط من خط هجوم الاهلي ارجع لمباريات
[ المقاصه ، دجله ، سيراميكا ، الانتاج ، المقاولين ]
في الدوري وشوف ااحصائيات الفرق دي صنعت كام فرصه وهجمه امام الاهلي
** لكن هل المشكله دي مشكلة افراد فقط ..؟
الحقيقه المشكله دي بيشارك فيها المدرب [موسيماني]
اللي بدأ علاجها متأخر بعلاج خاطئ وهو تغيير الخطه الرقميه لـ 433
وزيادة عدد الدفندرات امام الفرق اللي بتجيد الاستحواذ والتدرج وتطور الامر انه يلعب بـ 4 دفندر في مباراه في حادثه غير مسبوقه
** جزء كبير من المشكله مش بس في القدرات الفرديه لخط هجوم الاهلي الجزء الاكبر بيرجع لاسلوب اللعب الهجومي وتمركزات الخط الهجومي للاهلي بتعليمات من "موسيماني"
** التمركز الهجومي للاعبي الاهلي بيسبب عشوائيه كبيره للمنظومه الدفاعيه للاهلي في حالة فقدان الكره
** ناهيك ان الاسكواد الحالي للاهلي مافيهوش لاعب في مركز 6 بمواصفات "حسام عاشور"
كلهم عندهم ميول هجوميه كلهم بيوصلو لاماكن في الملعب بتصعب عليهم تأدية دورهم الاساسي "افساد الهجمات"
** عايز تتأكد اكتر من صدق تحليلنا ..؟
ارجع للفتره الاخيره في ولاية "فايلر"
واللي غير فيها الطريقه الرقميه لـ 433 بعد غياب "رمضان صبحي" واصابة "مروان محسن"
** اعتقد المشكله دي هتطول مع الاهلي فتره وخصوصا ان موسيماني مدرب معندوش مرونه تكتيكيه كبيره تمكنه من العلاج الصحيح للمشكله هو اسلوب وافكار واحده بيسعي لتطبيقها

دا خالد الغندور كان شغال مذيع لفريق المزاريطه ودلوقتى ربنا كرمه وبقا شغال فى قناه المزريطه نفسها

المتحدث الرسمي لنادي جالاتا سراى: لا يحق للزمالك بيع مصطفى محمد حتى لو تلقى عرض بـ 20 مليون دولار، سنفعل بند شراء اللاعب هذا العام مقابل 4 مليون دولار حسب الإتفاق مع مسئولى النادى

بعثة فيتا كلوب في طريقها إلى القاهرة لمقابلة الأهلي في دوري أبطال افريقيا

إحتفال أحمد حسن كوكا بهدفه القاتل بالدقيقة 88 في أيندهوفن ، والذي قاد به أولمبياكوس إلى دور الـ 16 من الدوري الأوروبي

استقر باتشيكو علي تثبيت حمزة المثلوثي في التشكيل الاساسي في المباريات المقبلة بعد ظهوره بمستوي مميز في مباراة تونجيت

الناس البتنتقد ابو جبل وبطالب ان محمد عواد طب هل الحل ان محمد عواد يلعب طبعا لا المشكلة كلها في مدرب الحراس في مشاكل في المركز دا ولازم يتم تغير مدرب الحراس