just koora

صاحبي يا صاحبي ...
تعالى اطلع معايا برة السرب ٧ دقايق بس وبعدها عاوز ترجع السرب تاني ارجع براحتك ...
المهم يا غالي ... مش عاوزك تبقى ذيهم

أيوة الناس ال بتخدعها المظاهر دي .. أنا مش عاوزك تبقى ذيهم ..
.
هنا أنا مش هقول احكام على حد لا سمح الله وكمان مفيش تجميع ... بس هاقولك على كام تركاية كدة و انت شغل مخك
.

التركات كلها ف هيودوا دماغك وحماسك وعاطفتك فين واذاي
.
يا صاحبي العالم ملعب كرة كبير و كله قذارة ولعب ديرتي لاسوء ليفل في الديرتي
.
لو محل بقالة عاوز يعمل تركاية علشان يضمن زبون هيسمي المحل اسم ديني علشان ولاد دينه يشتروا منه مش علشان هو مؤمن لا سمح الله ... لانه عادي ممكن يسميه اسم ديني و يغش ف الميزان
(دي اسمها تجارة اديان يا مسكين)

لو شخص حاسس أنه عاوز يكسب احترام الناس بأي طريقة هتكون له اسهل طريقة أنه ياخد مظهر ديني

ويملى كلامه بكلام ديني
علشان يحس أن له قيمة

الفلوس كمان يا صاحب
اعرف ان احتمالية الفساد ف اي صناعة أو مجال تتناسب طرديا مع مقدار الأموال فيه

يعني يا صاحبي كل ما الفلوس ذادت احتمالات الفساد ذادت
و بالمناسبة الفلوس ذيادة قوي ف ٣ صناعات

السلا. ح
الأدوية
الترفيه .. و ال منها كرة القدم

ف انت يا صاحبي مسكين ماشي تصدق اي حد
بس هي مش كدا .. مش كل من قال فلسطين فلسطين يبقى فعلا مو. جوع ع ال بيحصل فيهم
ولا كل من رفع علمهم بقى رمز للشجاعة
يا صاحب .... يا صاااااااحب
عواطفك بتسوحك .. بتميلك وتمرجحك
كله عاوز يكسب بنط ومفيش اسهل انك تركب الترند علشان الناس تصفق لك
.
الله اعلم بالقلوب و بالنيات
بس الله ال إدانا المشاعر ... ادانا معاها العقل علشان ميتضحكش علينا
خلى تقييمك للأمور دائما بعيد عن المظاهر .. اللقطات .. العواطف
خليك عاقل يا صاحبي بلاش تبلع برشامة الوهم ال بيسقوهالك ف تمشي عمياني ف سرب متكون علشان خاطر يكب فلوس ف جيوب النخبة ويفضل هو طول الوقت جعان ...

خليك بعيد عن اي حد ف مكان المفروض يتكلم فيه بالعقل ف يقوم يثير فيك نزعة عاطفية سواء بالحب أو الكره ناحية شيئ معين

افرزوا الناس متبقوش طراطير الله يباركلكم
.
انا محكمتش على حد
انا مجمعتش الكل
انا قولت كلام عام و منطقي وبيحصل و انت دورك تفكر ف مين فعلا إنسان بجد
و اي فعلا بيحصل بجد
واي فعلا يتصدق بجد
وبين ال بياخد لقطة
او يركب ترند
او يشربك برشامة الوهم يا مسكين

لما هديت كدا وفكرت ف الماتش
اه في اخطاء تحكيمية أثرت علينا بالسلب
بس للاسف احنا كمان ضيعنا اسهل فوز كات ف المتناول بعدم قراءة الماتش اخر ربع ساعة

صلاح بعد الاسبرنت بتاع الهدف التاني شطب بديا وكتر خيره فعلا

ميسي لما ساب العمق وراح على اليمين مفيش حد بقي بيضغط عليه ولا اصلا عارفين تقفل زوايا التمرير للكرة ال بتوصل له

مرموش بعد ما راح الستي شاف نفسه وطول البطولة مقدم اسوء اداء ومش فاهم نزل ليه في وقت انت محتاج تقفل وتحافظ على النتيجة

تريزيجيه مش حلو دفاعيا وجربته كتير مش بيغطي الطرف ولا بيسند الباك ف ميسي بقي علي راحة راحته

الفكرة ان الكلام علي اخطاء التحكيم هيغطي علي الكوارث ولأخطاء ال عملها حسام و اللعيبة اخر الماتش (بعيد عن انهم يشكروا جدا وشرفونا وكتر خيرهم)

بس لو عندك هدف اتلغى ف انت نجحت انك تسجل غيره وبقيت النتيجة ٢/٠ ف المفروض انت الماتش ف ايدك

ولو فيه خطأ من الجكم في الهدف التالت بتاع الارجنتين

ف للاسف مفيش اخطاء في الهدف الاول و لا التاني

ف احنا نشيل ٨٠٪؜ من ال حصل و ال ٢٠ التانية يشيلها الحكم

فريق فاقد احترامه من ايام يد مارادونا

كأس العالم خسرت كرستيانو رونالدو

المفاجاة الكبرى 😂
المانيا تودع البطولة من دور ال ٣٢ بعد خسارتها ركلات الترجيح أمام باراغواي بعد التعادل بهدف لمثله
اشعر بالسعادة 😂

جنوب افريقيا 🇿🇦 ✅
المغرب 🇲🇦 ✅
كوت دي فوار 🇨🇮 ✅
بلدي 🇪🇬❤️✅🫡
كاب فيردي 🇨🇻🔄
السينغال 🇸🇳 🔄
الجزائر 🇩🇿 🔄
الكونغو 🇨🇩🔄
غانا 🇬🇭✅

الماما افريكا حاضرة بقوة

بما اننا اتاهلنا شبه رسمي
إليكم كل المنافسين المحتملين للدور القادم
* نتاهل اول احتمال نقابل:
كوريا الجنوبية (تالت المجموعة الأولى)
كاب فيردي او اورجواي (تالت المجموعة السابعة - لم تحسم بعد)
السنغال او العراق السنغال اقرب لحسم تالت المجموعة التامنة
الجزائر او النمسا (تالت المجموعة التاسعة)
او الإكوادور لو فازت علي المانيا (مستبعد)
او كوت دي فوار لو اتغلبت من جوراساو و المانيا اتغلبت من الإكوادور (برضو مستبعدة)

* لو اتاهلنا مركز تاني
الاحتمال الاكبر هيكون البارغواي وممكن استراليا ٠٠ امريكا احتمال برضو لكن مستبعد

* لو لا قدر الله اتاهلنا تالت:
هنقابل اما سويسرا او فرنسا يا لطيف او اورجواي ك احتمال بعيد
تتمنوا نقابل مين الدور الجاي؟

مفيش كام صاروخ نوووي يشيل الشعب ده و يريح الكوكب

حسب فابريزيو
المحادثات المباشرة بين الريال ومورينيو بدأت