Better Me - Eman Ezzo

العلاقات المهمة في حياتك هيا اللي محتاجة مجهودك ووقتك علشان تستثمر فيها وفي نجاحها اللي هو نجاحك!

اختر علاقاتك بعناية علشان تتاكد ان وقتك ومجهودك في المكان المناسب.

#علاقات

كل عام وانتم يخير 💕

الأسرة مش بس أول مكان بنكبر فيه…هي أول مكان بنتعلم فيه يعني إيه علاقة.

منها بنتعرف على معنى الأمان، القرب، الحدود، الاختلاف، الاعتذار، والتواصل…
وبنشوف من خلالها إزاي الناس بتحب بعض، تختلف، تتعامل مع الضغوط، وتحل مشاكلها… ازاي تدعم تساند بعض.

الأسرة هي من أهم مصادر تشكيل نظرتنا للعلاقات وطريقة تواصلنا مع الآخرين.

متاح حاليا جلسات في قاع الهامور .

يعني ايه "اسرة" بالنسبة لك ؟
ايه شكلها وايه مواصفات الاسرة دي ؟
ايه نقاط قوتها ؟ ايه اهم حاجه بتميزها ؟
امتي تبقي راضي علي الاسرة دي ؟

لو عندكم اجابات علي الاسئلة دي شاركونا إجابتكم ☺️


#علاقات

رحلتي ..

يمكن خارجيا تشبه رحلة ستات كتير ولكن داخليا اكيد مختلفة مش لاني انا بس المميزة والمختلفة لكن علشان كل واحدة فينا مميزة وقصتها فيها اختلاف عن غيرها.

كل واحدة فينا وجعها وخبرتها مختلفين .. ممكن نكون مشتركين في بعض النقاط ولكن اختلافنا في نقاط اخري هو اللي بيميزنا…
من الإختلاف ده بتظهر قوة وتميز كل واحدة ..

رحلتي كانت ومازالت طويلة، عديت فيها بحلو كتير ووحش اكتر ويمكن هو ده السبب في الشخصية اللي وصلتلها دلوقتي.

بس ممتنة لكل محطة عديت عليها في رحلتي وممتنة لكل شخص عرفته وقابلته فيها حتي الناس السيئة والمؤذية بس دول اكتر ناس عرفوني قوتي وقدرتي علي التحمل.

ممتنة رغم الصعوبات وعارفه ان الرحلة فيها محطات كتيرة هتخليني اقوي وافضل.

انا ممكن اكون السيئة في رواية احدهم ولكني اكيد البطلة في روايتي ورحلتي!

#علاقات