Coach Aida Abd El Razek

الجامعة مش مجرد مكان بتاخد فيه محاضرات وتستنى التخرج؛ دي المساحة الذهبية اللي بتكتشف فيها إمكانياتك الحقيقية وتبني شخصيتك.

مش لازم تكون "عاشق لمجالك" عشان تنجح فيه وتتميز!

من الآثار الجانبية لثقافة الميديا، الترويج لـ فكرة: "لو مش بتحب كل مادة في كليتك بـشغف أسطوري، تبقى في المكان الغلط!". وده بيخلي الطالب أول ما يواجه مادة صعبة أو مملة، يقعد يجلد ذاته ويفكر يحول أو يسيب الدراسة!

في علم النفس الأكاديمي، ده اسمه "وهم الشغف المطلق".

الواقع العملي بيقول إن الشغف مش شيء بينزل عليك من السما جاهز الشغف بيكبر "بعد" ما تتقن المهارة وتفهمها، مش قبلها! طبيعي جداً تلاقي مواد رخمة ومواد ممتعة.

المطلوب منك في الجامعة مش "العشق الدائم"، المطلوب هو "الانضباط والسعي". وبمرور الوقت، الالتزام هو اللي بيخلق الإنجاز، والإنجاز هو اللي بيجيب الشغف الحقيقي

لما تخاف تجرّب أفكار جديدة.. عشان خايف تخرج برة "الـ Comfort Zone" لصحابك!

في سن الجامعة، الإنسان بيبدأ يعيد تشكيل أفكاره، اهتماماته، وحتى أهدافه في الحياة. بس كتير من الطلاب بيفرملوا نفسهم وبيخافوا ينضموا لنشاط معين، يقرأوا في مجال جديد، أو يغيروا اتجاههم الدراسية عشان خايفين من "نظرة شلتهم القديمة" أو تحولهم لـ "الشخص الغريب"!
ده بيخلق "انحصار النمو الذاتي".

الجامعة هي المساحة الذهبية للتجربة والتغيير. طبيعي جداً اهتماماتك تتغير، وطبيعي دوائرك الاجتماعية تتوسع وتتعدل بناءً على النسخة الجديدة اللي بتتشكل منك.

متخافش تكتشف أبواب جديدة؛ صحابك الحقيقيين هيفضلوا يحبوك ويدعموك حتى لو اختلفت مساراتكم، واللي بيحبك عشان بتمشي على مزاجه بس.. يبقى بيحب فكرته عنك مش شخصك.

من أكتر الحاجات اللي بتشغل بال الطالب وهو بيجهز للجامعة هي: "إزاي هعمل أصحاب؟"، "هل هعرف ألاقي ناس شبهي في وسط الزحمة ده؟

وتزداد الرهبة لما تدخل الجامعة وتشوف شلل كاملة ماشية سوا، تحس إنك متأخر وإن المكان كله "اتقفل على أصحابه خلاص"!

القلق ده ناتج عن "الرهبة من المجموعات الكبيرة".

الحقيقة النفسية هي إن التجمعات الضخمة اللي بتشوفها في أول أسبوع غالباً بتبقى تجمعات هشة قائمة على خوف محاولة "تفادي الوحدة"، ومش بالضرورة تكون علاقات عميقة!

التحضير النفسي الصح بيعلمك متضغطش على نفسك؛ كفاية جداً تبدأ بـابتسامة، أو سؤال بسيط عن المحاضرة مع الشخص اللي قاعد جنبك. الصداقات الحقيقية بتتبنى بالتدريج وبالمواقف، مش بسباق الانتشار.

جواز صالونات؟ ولا حب؟.. المهم "نتجوز صح"! 💍✨
​كتير مننا داخل على خطوة الجواز وهو شايل "شنطة" مليانة أوهام.. يا إما متخيل إنها حياة وردي طول الوقت 🌸، يا إما مرعوب من "بعبع" سنة أولى جواز والمشاكل اللي بنسمع عنها 😱.
​الحقيقة إن الجواز مش "حظ".. الجواز "وعي واختيار" 🧭.
​وعشان كدة، د. عايدة عبد الرزاق بتقدم لكم جلسات كوتشينج متخصصة للمقبلين على الزواج، عشان نبني البيت على أساس مش بس سليم، ده كمان مريح! 🏠🛋️
​إحنا هنغير الفكرة خالص.. وهنتعلم سوا:
​معايير الاختيار الذكية: إزاي تختاري شريك حياتك بـ "عقلك" 🧠 قبل "قلبك" ❤️؟ وإيه هي الصفات اللي بتبني بيت حقيقي مش مجرد صورة على السوشيال ميديا؟ 📱📸
​فك شفرة سنة أولى جواز: إزاي نعدي مرحلة "التعارف الحقيقي" بسلام ومن غير الصدامات المعتادة 🤝🕊️.
​إعادة صياغة مفهوم الجواز: بدل ما هو "قيد"، إزاي يكون "مساحة آمنة" للنمو والمشاركة 🌱🤗.
​الوعي بالنفس: قبل ما تدوري على "نصك التاني"، إزاي تكوني "نص كامل" وواعي بمتطلباته ✨🧘‍♀️.
​الجواز رحلة.. وشطارتك تبدأ من "البوصلة" اللي هتختاري بيها الطريق 🧭🛣️.
​ابدأي رحلتك الآن! 🚀
​احجزي جلستك مع د. عايدة عبد الرزاق وابدأي حياتك الجديدة بخطوات واثقة، وعقل فاهم، وقلب مطمن 💖✅.
​للتواصل والاستفسار:
ابعتلنا رقم الواتساب في رسالة خاصة 📩 وسنتواصل معكِ فوراً! 📱✨
​

متستنيش إن الجامعة تكون زي الأفلام.. عشان متتصدمش بالواقع العادي!

ساعات كتير التحضير النفسي للجامعة بيبقى متغذي بـصور الميديا والأفلام: خروجات يومية، شلة صحاب متكاملة بتتجمع في الكافيه كل يوم، وقصص حب أسطورية تبدأ من أول أسبوع!

فلما تبدأ الدراسة وتلاقي الموضوع عبارة عن مواصلات، محاضرات طويلة، امتحانات ميدتيرم متلاحقة، وتعب.. تبدأ تحس بـإحباط صامت وكأن فيه حاجة غلط في تجربتك!

ده اسمه "فجوة التوقعات والواقع"

الجامعة فيها لحظات حلوة جداً وذكريات بتعيش، بس فيها كمان أيام عادية، إرهاق، وتكيف محتاج وقت. العلاقات الحقيقية مبتتبنيش في يومين، والشغف بيكبر مع الممارسة مش بالضرورة من أول محاضرة.

الاستعداد النفسي الصح بيطلب إنك تدخل بـ "توقعات مرنة": تقبّل إن البدايات فيها لغبطة، وسيب التجارب تشكل نفسها بـ الهدوء والتدرج الطبيعي بعيداً عن أوهام الشاشة.

لما القوانين الصارمة تختفي فجأة.. ومسؤولية حريتك بتبقى هي الاختبار الحقيقي!

في المدرسة، كان فيه جدول حاسم، زي موحد، ومتابعة يومية من البيت والمدرسين. أول ما تدخل الجامعة....
مفيش غياب بالصرامة القديمة، مفيش حد هيقولك ذاكر، ومحدش هيدور وراك عملت الواجب ولا لأ!

النفس اللي اتعودت على "السيطرة الخارجية" بتتلخبط لما تتحط قدام "المسؤولية الذاتية الكاملة". فتلاقي طالب بيضيع وقت بـ غزارة وبيسوف، وطالب تاني حاسس بـ التوهان والانفصال!

التحضير الحقيقي للجامعة مش بس شراء أدوات؛ التحضير هو إنك تبني "نظام ضبط داخلي". أنت دلوقتي السائق الحقيقي لـ مركبك؛ حريتك الجديدة مش عشان تضيع منك السنين، الحرية اتعطت لك عشان تتعلم إزاي تدير وقتك وطاقتك ونفسك بـوعي ونضج.

متدخلش الجامعة وأنت متوقع إن الكل بيبص عليك.. محدش فاضي يركز في تفاصيلك!
مع بداية تحضيرات الجامعة، وشراء الهدوم الجديدة، والتفكير في أول يوم.. بيتكون عند أغلب الطلاب قلق مرعب: "أنا هلبس إيه؟"، "ش كلي هيعجبهم؟"، "لو اتلخبطت في المحاضرة الكل هيتريق عليا!".

عقلك الباطن بيمثلك إن الحرم الجامعي كله عبارة عن مسرح، وأنت واقف تحت تسليط الضوء، والكل قاعد يقيّم مشيتك، لبسك، وطريقة كلامك!

الحقيقة النفسية المريحة هي: محدش فاضيلك! كل طالب داخل الجامعة محمل بـمخاوفه الخاصة، وتفكيره في شكله، وقلقه من المستقبـل.

الوعي بالظاهرة دي بيدي حرية مرعبة؛ لما تفهم إن الناس مركزة مع نفسها مش معاك، هتبدأ تتصرف بـتلقائية وبساطة، وهتتخلص من العبء المجهد لـ "إتقان المشهد الأول".

جمعة مباركة