BSSF/Belarusian Sport Solidarity Foundation

МАК часова прыпыніў адхіленне Алімпійскага камітэта Расіі.

Выканаўчы камітэт Міжнароднага алімпійскага камітэта (МАК) прыняў рашэнне часова прыпыніць адхіленне Алімпійскага камітэта Расіі (АКР), якое дзейнічала з 12 кастрычніка 2023 года.

Як адзначаецца ў афіцыйным рэлізе МАК, рашэнне было прынята пасля юрыдычнай ацэнкі, паколькі АКР больш не ўключае ў свой склад рэгіянальныя спартыўныя арганізацыі на тэрыторыях, якія знаходзяцца пад юрысдыкцыяй Нацыянальнага алімпійскага камітэта Украіны. Акрамя таго, АКР афіцыйна пацвердзіў, што не вядзе і не будзе весці дзейнасць на гэтых тэрыторыях.

Адначасова МАК паведаміў, што яго ранейшыя рэкамендацыі для міжнародных федэрацый адносна ўдзелу расійскіх спартсменаў больш не прымяняюцца. Гэта азначае, што цяпер кожная міжнародная федэрацыя будзе самастойна вырашаць пытанне допуску расійскіх атлетаў і нацыянальных каманд у адпаведнасці са сваімі правіламі.

Пры гэтым МАК падкрэсліў, што працягне ўважліва сачыць за дзейнасцю АКР і пакідае за сабой права прыняць дадатковыя меры ў выпадку неабходнасці.

Рашэнне адкрывае новы этап у працэсе вяртання расійскага спорту на міжнародную арэну, аднак не азначае аўтаматычнага вяртання ўсіх зборных або адмены ўсіх абмежаванняў. Канчатковыя рашэнні цяпер будуць прымаць міжнародныя спартыўныя федэрацыі.

За апошнія месяцы падобныя рашэнні ўжо былі прынятыя ў дачыненні да шэрагу беларускіх і расійскіх спартсменаў у розных відах спорту, аднак падыход міжнародных арганізацый па-ранейшаму адрозніваецца ў залежнасці ад канкрэтнай федэрацыі.

🥀 Загінуў былы палітвязень і футбаліст Аляксей Ляўкевіч.

Стала вядома пра смерць былога палітвязня Аляксея Ляўкевіча. Паводле наяўнай інфармацыі, 38-гадовы мужчына трагічна загінуў у канцы чэрвеня 2026 года ў выніку няшчаснага выпадку — ён патануў на возеры.

Спорт займаў важнае месца ў жыцці Аляксея. На працягу многіх гадоў ён выступаў у аматарскім футболе і міні-футболе, гуляў у Прэм'ер-лізе 5×5 за каманды do-doma.by і «БелВЭБ», правёў дзясяткі матчаў і адзначыўся шматлікімі забітымі мячамі.

У канцы 2024 года Ляўкевіч быў затрыманы і пазней асуджаны па некалькіх палітычна матываваных артыкулах, у тым ліку за «абразу Лукашэнкі», «распальванне варожасці» і «абразу прадстаўніка ўлады». Пасля прысуду беларускія ўлады ўнеслі яго ў так званы «спіс тэрарыстаў».

23 сакавіка 2026 года Аляксей быў вызвалены разам з групай з 250 палітычных зняволеных пасля чарговага візіту ў Беларусь спецпрадстаўніка ЗША Джона Коўла. У адрозненне ад многіх іншых вызваленых, яму дазволілі застацца ў Беларусі.

Беларускі фонд спартыўнай салідарнасці выказвае шчырыя спачуванні родным, блізкім і сябрам Аляксея Ляўкевіча.

🕯️ Светлая памяць.

⚽️ УЕФА рэзка раскрытыкаваў FIFA пасля скандальнага рашэння па справе Фаларына Балагуна.

Саюз еўрапейскіх футбольных асацыяцый (UEFA) выступіў з беспрэцэдэнтна жорсткай заявай пасля таго, як FIFA адмяніла аўтаматычную дыскваліфікацыю нападаючага зборнай ЗША Фаларына Балагуна, дазволіўшы яму згуляць у матчы 1/8 фіналу чэмпіянату свету супраць Бельгіі.

Паводле інфармацыі Reuters, рашэнне было прынята пасля размовы прэзідэнта ЗША Дональда Трампа з прэзідэнтам FIFA Джані Інфантына, падчас якой амерыканскі лідар папрасіў перагледзець пакаранне футбаліста.

У сваёй заяве UEFA адзначыў:

«Учорашняе рашэнне перайшло чырвоную лінію. Калі гаранты правілаў перастаюць забяспечваць іх непарушнасць, пад пагрозай аказваецца сумленнасць гульні, а аўтарытэт спаборніцтваў падрываецца. Такое рашэнне стварае небяспечны прэцэдэнт для ўсяго турніру і патрабуе аднолькавага падыходу ў аналагічных выпадках. Мы выказваем крайняе здзіўленне ў сувязі з гэтым беспрэцэдэнтным, незразумелым і неабгрунтаваным рашэннем».

Рашэнне FIFA ўжо выклікала шырокі рэзананс у футбольным свеце. Пратэст выказала таксама Футбольная асацыяцыя Бельгіі, якая атрымала права абскардзіць гэтае рашэнне. Шэраг вядомых трэнераў, футбольных функцыянераў і экспертаў заявілі, што сітуацыя можа нанесці сур'ёзную шкоду даверу да дысцыплінарнай сістэмы FIFA і прынцыпу роўнасці ўсіх удзельнікаў спаборніцтваў.

⚽️ ФІФА адмяніла аўтаматычную дыскваліфікацыю лідара зборнай ЗША, што выклікала шырокую дыскусію.

Міжнародная федэрацыя футбола (FIFA) прыняла незвычайнае рашэнне, дазволіўшы нападаючаму зборнай ЗША Фаларыну Балагуну згуляць у матчы 1/8 фіналу чэмпіянату свету супраць Бельгіі, нягледзячы на чырвоную картку ў папярэдняй сустрэчы з Босніяй і Герцагавінай.

Паводле рэгламенту, прамое выдаленне аўтаматычна цягне за сабой прапуск наступнага матча. Аднак Дысцыплінарны камітэт FIFA выкарыстаў артыкул 27 Дысцыплінарнага кодэкса, які дазваляе ў асобных выпадках адкласці выкананне пакарання. У выніку дыскваліфікацыя была прыпынена на адзін год з выпрабавальным тэрмінам: калі на працягу гэтага перыяду футбаліст здзейсніць аналагічнае парушэнне, пакаранне ўступіць у сілу.

Рашэнне выклікала неадназначную рэакцыю. Прэзідэнт ЗША Дональд Трамп публічна падзякаваў FIFA за тое, што, паводле яго слоў, арганізацыя «выправіла вялікую несправядлівасць».

У той жа час Футбольная асацыяцыя Бельгіі заявіла, што была «здзіўлена» рашэннем і вывучае магчымыя юрыдычныя крокі, паколькі лічыць, што яно супярэчыць прынцыпу аўтаматычнай дыскваліфікацыі пасля выдалення.

У шэрагу СМІ з'явіліся паведамленні, што прыняццю рашэння маглі папярэднічаць тэлефонныя размовы Дональда Трампа з кіраўніцтвам FIFA. Паводле публікацый, амерыканскі прэзідэнт прасіў перагледзець сітуацыю з Балагунам. Разам з тым FIFA афіцыйна не звязвала сваё рашэнне з палітычным умяшаннем, а спаслалася выключна на нормы Дысцыплінарнага кодэкса.

МАК унёс у Алімпійскую хартыю прынцып палітычнай нейтральнасці спорту.

Сесія Міжнароднага алімпійскага камітэта ў Лазане ўхваліла папраўкі ў Алімпійскую хартыю, якія ўзмацняюць прынцып палітычнай нейтральнасці спорту. Новыя нормы замацоўваюць абавязак арганізацый алімпійскага руху захоўваць нейтралітэт і абараняць спорт ад знешняга палітычнага, дзяржаўнага, сацыяльнага і эканамічнага ціску.

У абноўленай рэдакцыі Хартыі асобна падкрэсліваецца роля МАК у забеспячэнні нейтральнасці спорту «ў любы час» і недапушчальнасці выкарыстання Алімпійскіх гульняў у палітычных мэтах. Паводле МАК, рэформа павінна абараніць спартсменаў і спаборніцтвы ад знешняга ўплыву і захаваць аўтаномію алімпійскага руху.

Папраўкі сталі часткай шырэйшага працэсу рэформаў «Fit for the Future», які МАК рэалізуе з 2025 года. У цэнтры дыскусій знаходзіліся пытанні доступу спартсменаў да міжнародных спаборніцтваў незалежна ад палітычных рашэнняў дзяржаў і захавання незалежнасці спартыўных арганізацый.

Разам з тым рашэнне ўжо выклікала дыскусіі ў міжнароднай спартыўнай супольнасці. Крытыкі лічаць, што новыя нормы могуць паўплываць на будучыя рашэнні адносна вяртання пад санкцыямі нацыянальных каманд і спартсменаў, у тым ліку з краін, якія былі абмежаваныя з-за вайны ва Украіне. Сам МАК падкрэслівае, што гаворка ідзе не пра канкрэтныя краіны, а пра агульны прынцып абароны спорту ад палітычнага ўмяшання.

Нагадаем, што ў траўні 2026 года МАК ужо адмяніў свае рэкамендацыі аб абмежаванні ўдзелу беларускіх спартсменаў у міжнародных спаборніцтвах, пакінуўшы пры гэтым у сіле асобныя абмежаванні ў дачыненні да Расіі.

📢 Вышло расследование об исчезновении Анатолия Котова.

Белорусский расследовательский центр совместно с Deutsche Welle и международными партнёрами опубликовал масштабное расследование, посвящённое обстоятельствам исчезновения международного координатора Белорусского фонда спортивной солидарности Анатолия Котова.

Напомним, Анатолий Котов исчез 21 августа 2025 года во время поездки в Турцию. До своего исчезновения он работал координатором по международным коммуникациям BSSF, а ранее занимал ряд высоких должностей в белорусском государственном управлении и спортивных структурах, включая должность генерального секретаря Национального олимпийского комитета Беларуси.

Авторы расследования проанализировали маршрут поездки, собрали новые свидетельства и документы, а также восстановили хронологию последних известных событий, предшествовавших исчезновению Анатолия. В материале рассматриваются различные версии произошедшего и приводятся новые факты, которые ранее не были публично известны.

Для команды BSSF это расследование имеет особое значение. Почти год спустя судьба нашего коллеги остаётся неизвестной, а его семья, друзья и коллеги продолжают ждать ответов на ключевые вопросы.

Мы благодарим журналистов и расследователей за проделанную работу и надеемся, что публикация поможет привлечь дополнительное внимание международного сообщества к этому делу.

🔗 Ссылки на расследование и публикации — в первом комментарии.

🕯️⚽️ Ад атакі дрона загінула жонка трэнера Рэчыцкай ДЮСШ №2.

Сталі вядомыя новыя падрабязнасці трагедыі, якая адбылася ў Бранскай вобласці Расіі, дзе беспілотнік атакаваў аўтобус з беларускай дзіцячай футбольнай камандай.

Паводле інфармацыі выдання Times.by, у выніку атакі загінула жанчына, якая суправаджала дзяцей. Ёй аказалася жонка трэнера Рэчыцкай ДЮСШ №2.

У аўтобусе знаходзіліся 44 чалавекі, у тым ліку 28 дзяцей. На адпачынак у Геленджык накіроўваліся 11–12-гадовыя выхаванцы дзіцяча-юнацкіх спартыўных школ Рэчыцы і Гомеля. Такія аздараўленчыя паездкі для юных футбалістаў арганізоўваліся і раней.

Па інфармацыі Следчага камітэта РФ, пасля выбуху былі шпіталізаваныя сем чалавек. Вядома, што адно дзіця знаходзіцца ў цяжкім стане. Астатнія пацярпелыя атрымліваюць неабходную медыцынскую дапамогу.

Інцыдэнт адбыўся на трасе Гомель — Бранск, калі двухпавярховы аўтобус ДЮСШ №2 Рэчыцы рухаўся ў бок Краснадарскага краю.

У Беларускім фондзе спартыўнай салідарнасці выказваюць шчырыя спачуванні родным і блізкім загінулай.

🚨⚽️ Беларуская дзіцячая футбольная каманда трапіла пад атаку беспілотніка.

У Бранскай вобласці Расіі беспілотнік атакаваў аўтобус, у якім ехала дзіцячая футбольная каманда з Беларусі. Пра інцыдэнт паведамілі мясцовыя ўлады і расійскія СМІ.

Паводле папярэдняй інфармацыі, у аўтобусе знаходзіліся 44 чалавекі, у тым ліку 28 дзяцей. Пацярпелі шэсць чалавек, сярод якіх чацвёра дзяцей. Адзін чалавек загінуў. Усім аказваецца неабходная медыцынская дапамога.

Пазней стала вядома, што гаворка ідзе не пра каманду з Гомеля, як паведамлялася раней, а пра выхаванцаў ДЮСШ №2 горада Рэчыца. Каманда накіроўвалася на спартыўныя зборы і адпачынак у расійскі Геленджык.

Бранская вобласць мяжуе з Украінай і з'яўляецца адным з рэгіёнаў Расіі, якія рэгулярна падвяргаюцца атакам беспілотнікаў з пачатку поўнамаштабнай вайны. За апошнія месяцы мясцовыя ўлады неаднаразова паведамлялі пра ўдары па транспартнай і грамадзянскай інфраструктуры.

У Беларускім фондзе спартыўнай салідарнасці выказваюць спачуванні ўсім пацярпелым і жадаюць хутчэйшага выздараўлення дзецям і дарослым.

Спорт павінен аб'ядноўваць людзей і быць бяспечнай прасторай для дзяцей. Асабліва трагічна, калі ахвярамі вайны і ваенных дзеянняў становяцца юныя спартсмены, якія не маюць ніякага дачынення да канфліктаў і палітыкі.

❗️ЕГФ абмеркавала пытанне вяртання зборных Беларусі, але рашэння пакуль не прыняла.

13 чэрвеня ў Кёльне адбылося заключнае пасяджэнне Выканаўчага камітэта Еўрапейскай федэрацыі гандбола (EHF) у сезоне 2025/26. Адным з пытанняў парадку дня стала магчымае вяртанне беларускіх каманд і спартсменаў да міжнародных спаборніцтваў.

У афіцыйным паведамленні ЕГФ адзначаецца, што Выканаўчы камітэт разгледзеў рэкамендацыі Міжнароднага алімпійскага камітэта адносна допуску беларускіх спартсменаў і абмеркаваў іх магчымы ўплыў на міжнародны гандбол. Пры гэтым былі ўлічаныя розныя нацыянальныя прававыя абмежаванні і рашэнні дзяржаўных органаў асобных краін.

Па выніках абмеркавання Выканаўчы камітэт ЕГФ не прыняў ніякага рашэння аб вяртанні Беларусі.

Такім чынам, на сённяшні дзень адхіленне беларускіх нацыянальных зборных і клубаў ад спаборніцтваў пад эгідай ЕГФ працягвае дзейнічаць.

Важна адзначыць, што пытанне вяртання беларускага гандбола ўпершыню за доўгі час было вынесена на афіцыйны ўзровень абмеркавання ў кіраўнічых органах ЕГФ. Аднак адсутнасць рашэння сведчыць пра тое, што ўнутры еўрапейскай гандбольнай супольнасці захоўваюцца сур'ёзныя разыходжанні, а палітычныя і прававыя абставіны працягваюць адыгрываць істотную ролю.

Паводле вынікаў праведзенага аналізу, ЕГФ не апублікавала стэнаграму пасяджэння, вынікі галасавання або пазіцыі асобных членаў Выканаўчага камітэта. Таму на дадзены момант невядома, хто менавіта выступаў за ці супраць магчымага вяртання Беларусі.

BSSF працягне сачыць за развіццём сітуацыі і інфармаваць пра ўсе наступныя рашэнні міжнародных спартыўных арганізацый.

♟️⚖️ ФІДЭ прыпыніла членства Федэрацыі шахмат Расіі.

Міжнародная шахматная федэрацыя (FIDE) прыпыніла членства Федэрацыі шахмат Расіі пасля таго, як расійскі бок не выканаў рашэнне Спартыўнага арбітражнага суда (CAS) адносна дзейнасці на акупаваных тэрыторыях Украіны.

Раней CAS задаволіў апеляцыю Украіны і абавязаў расійскую федэрацыю на працягу 90 дзён спыніць шахматную дзейнасць на тэрыторыях, якія знаходзяцца пад расійскай акупацыяй. Тэрмін выканання рашэння скончыўся 9 чэрвеня, аднак патрабаванні суда выкананыя не былі.

У выніку FIDE прыняла рашэнне аб прыпыненні членства расійскай федэрацыі.

❗️Важна адзначыць, што гэтае рашэнне не датычыцца расійскіх шахматыстаў індывідуальна. Яны па-ранейшаму змогуць удзельнічаць у міжнародных турнірах, выконваць нарматывы, набіраць рэйтынгавыя ачкі і праходзіць кваліфікацыю на галоўныя спаборніцтвы пад эгідай FIDE.

Нагадаем, што ў 2023 годзе Федэрацыя шахмат Расіі ўключыла ў свой склад арганізацыі з акупаваных тэрыторый Данецкай, Луганскай, Запарожскай і Херсонскай абласцей Украіны, што і стала падставай для судовага разбору.

Рашэнне FIDE яшчэ раз дэманструе падыход, які ўсё часцей выкарыстоўваецца ў міжнародным спорце: санкцыі могуць прымяняцца да нацыянальных федэрацый, але не абавязкова пазбаўляюць асобных спартсменаў права ўдзельнічаць у міжнародных спаборніцтвах.