Salle de sport mehal pour femmes

21/09/2026

27/08/2026

💥التوقيت الجديد
الثلاثاء: 14 / 16
الخميس: 16 / 18
الجمعة : 16 / 18
مرحبا بالجميع 😊

29/06/2026

السلام عليكم العودة للعمل غدا على الساعة 14 ان شاء الله

23/06/2026

السلام عليكم نعتذر من المشتركات القاعة ستكون مغلقة طيلة الاسبوع بالنسبة للتوقيت الخاص بالنساء .

31/05/2026

السلام عليكم ورحمة الله
العودة للعمل يوم الثلاثاء 02 جوان ان شاء الله
التوقيت الجديد الخاص بالنساء
الثلاثاء : 14 الى غاية الساعة 16
الخميس 16 الى غاية الساعة 18
الجمعة 16 الى غاية الساعة 18

28/05/2026

صحا عيدكم العائلة الرياضية كل عام وانتم الى الله اقرب أدام الله عليكم اعيادكم وافراحكم، ورزقكم صحة ابدان وعافية الارواح، اتهلاو في صحتكم 💪👌❤️☺️

21/03/2026

سلام لبنات صحا عيدكم تعيدو بالصحة ولهناء ان شاء الله سيتم استئناف العمل فالقاعة بالنسبة للنساء يوم الثلاثاء ان شاء الله
التوقيت
الثلاثاء: 14/ 16
الخميس : 14 / 16
الجمعة: 14 / 16
السعر:
الحصة 250 دج
الاشتراك الشهري
حصتين فالاسبوع 1800 دج
ثلاث حصص فالاسبوع 2200 دج
المكان: حي اول نوفمبر شارع تحصيص عفاس، الطريق الوطني رقم05 بالقرب من مركز الشرطة

06/02/2026

💢رد اعتبار
السلام عليكم ورحمة الله
في الاونة الاخيرة خرج كلام يمس بالقاعة الرياضية تاعنا نحب نوضح بلي النجاح ميجيش صدفة، يجي بالخدمة والانضباط والاحترام
💥القاعة تاعنا معروفة بنظافتها وتنظيمها ونتائج اعضائها وهذا بشهادة الناس لي تتمرن عندنا يوميا
لي عندو اي شك مرحبا ييه يشوف بعينو ويحكم بنفسو
حنا نركزو على التطوير وخدمة الناس، ونخليو الكلام الفارغ لصحابو
المستوى يبان فالافعال ماشي فالهدرة، والحمد لله عندي سنوات وانا في هذا المجال الناس لي تعاملت معايا تشهدلي بالتربية وحسن الاخلاق والمعاملة ، وحرصي الشديد على تطبيق قوانين القاعة لاينقص من قيمة المشتركات شيء بل يساهم في الحفاظ على أمانهم داخل القاعة.
ولي يحب يقدم اي انتقاد بطريقة لبقة و يكون بوسعي تطبيقه يحضر عندي للقاعة ويقدمهولي وجها لوجه ليس عبر حسابات مستعارة .

12/01/2026

أمريكا تقلب هرمها الغذائي.. بصح إحنا واش دخلنا؟! 🇺🇸🔄

راهي مقلوبة الحالة هاد الأيام بتحليلات الهرم الغذائي الأمريكي الجديد (2025-2030). أمريكا استعرفت بلي الألبان كاملة الدسم والدهون الطبيعية والبروتين العالي هو الصح، وحذرت من السكر المضاف والمصنّع.

ولكن من وجهة نظري العلمية لازم منتبعوهمش.
أولا لازم تعرف بالهرم الأمريكي "بيزنس" مش غير علم! 💸
أمريكا بدلتو عدة مرات مش هاد المرة برك. الهرم اللي كبرنا عليه كان فيه أخطاء كارثية (مثل وضع الخبز والعجائن في القاعدة!). علاش؟
ببساطة تحت ضغط لوبيات صناعة الحبوب والزراعة في أمريكا ماشي لمصلحة صحتك!

جيناتك متوسطية : (النيوتروجينوميكس 🧬)
علمياً، كاين تداخل كبير بين جيناتك واش تاكل. الأجسام تختلف في قدرتها على هضم الكربوهيدرات أو الدهون بناءً على تاريخ أسلافنا الجيني.
إحنا كجزائريين، جيناتنا تطورت آلاف السنين مع نظام البحر المتوسط (زيت الزيتون، البقوليات، الخضار الموسمية).
اتباع "هرم" مصمم لمجتمع
أمريكي يعيش 90% من حياته على "الأكل الصناعي" والمعلبات ما يناسبناش بيولوجياً. الـ DNA تاعك يحوس على زيت زيتون خضر بلادك

"الهرم المقلوب" هو الأصح 🔻
أخيراً استعرفوا بالحقائق! التوجه العالمي الجديد (وحتى التعديلات نتاعهم دكا) بدات تركز بلي الخضروات والبروتين هما الأساس، والنشويات (خاصة البيضاء) لازم تطلع للقمة، يعني نستهلكوها بأقل كمية ممكنة
نظامنا

هو "الملك" المتربع على العرش 👑
للعام الثامن على التوالي (حتى في 2025-2026)، يُصنف نظام البحر المتوسط كأفضل نظام غذائي في العالم للوقاية من أمراض القلب، السكري، والزهايمر.
علاش؟ لأنه يعتمد على الدهون الصحية (زيت الزيتون البكر) اللي تحمي الشرايين، بدل الزيوت المهدرجة اللي هلكت الناس.
يعتمد على الألياف (البقوليات والخضر) اللي تحمي الكبد من التشحم وتنظم السكر.

وخلاصة الكلام.
ما تسناش أمريكا تقلك واش تاكل باش تولي صحي. "عولة" دارك، زيت زيتون بلادك، وخضر موسمك هي اللي راهي متوافقة مع الـ DNA نتاع
كُل مما تنبت الأرض في وقتها..ركز على وقتها وصحتك في طبيعة بلادك! 🇩🇿

11/01/2026

السلام عليكم لوكان يخيروك تشري بروتين واي او كرياتين واش حا تشري ؟؟
الكرياتين نلقاوه فاللحوم الحمراء و الدواجن و الألبان...الخ
دوزة تاع كرياتين 5 غرام = حوالي 1 كلغ لحم
الواي البروتين
نلقاوه فالبيض فاللحوم فالدواجن ....الخ
دوزة تاع واي بروتين لي فيها 24 غرام بروتين = اربع حبات بيض او 100 غرام سكالوب
معا العلم كاين علبات تاع لاواي لي فيهم كرياتين
منقول