Jsk vérité

لي يحبّ الشبيبة ماشي بالهدرة ، حان وقت اليد فاليد ، الأوفياء يريدون ملعب مكتظّ ، ملعب لي فيه ضغط إيجابي ، ضغط على المنافسين في إطار الرياضي ، نحن الشبيبة من بكري الأنصار هي لي تجيب النقاط الثلاث 🔰

الأصداء لي عندنا المدرب خدم مجموعة، أنا ماشي فايح الإبط و نقولك روح الملح و روح المجموعة و لبيبيط ، بصح حنا علابلنا الشبيبة من بكري كي تكون النية فالاعبين confirmé يديرولنا مجموعة شابة و إن شاء الله يكون عام شباب

مالا بركاونا مالتفشاش ، جياسكا كيما هداك لي زاد و صاب روحوا مرفّه ، أنت كيف كيف زدت حبيت الشبيبة و راك تحبّ الفريق LE PLUS TITRÉ , هي لي راهي مطلعتك سروالك في حومتك و في كل الولايات 🔰🔰🔰

هل تعتقدون أن فريد غايا سيكون ضمن تعداد شبيبة القبائل هذا الموسم، أم سيتم تسريحه؟ لم يتبقَّ سوى بضع ساعات على غلق سوق الانتقالات 🤏

آخر منشور تاع الصفحة ✌️غلطة كبيرة كي عاودت وليت و كلاني قلبي على الفريق 🔰

ماتخلوش أولاد المحبوس و أرامل مول الفندق يحشوهالكم و لا جميع مساهم مرّ على الفريق ، كاين لي راهو يدوموندي تروح الشركة باش جي شركة أخرى تمدّ واش ماقدرتش تمدّ هذه الشركة الفاشلة لي اليوم بان عيبها

هادوك راهم حايبين يبينوا بلي هوما لي عندهم الحقّ و بلي المحبوس لي خلى الفريق بديون تفوق 300 مليار هو لي ناس ملاح ، و لازم يخرج و غير هو لي يقدرلها ، و زعما يدخلولكم الثقفايليت و غلطنا فيه ، هادوا حبّوا نرجعوا ليامات الزقّو و البوشي يسال و الخضار يسال

أرامل مول الفندق لي كان يخلّص الاعبين باش تخسر الشبيبة و يولّي رئيس و لي كان يفاكتوري قرعة ماء بـ 750 دج ، كانوا يديروا معاه الإجتماعات و خانوا صحابهم مدابيهم تروح الشركة باش يولّي هو البطل المغوار

الـperiode هادي راح تكون LA MANIPULATION مالا ماتكونوش كباش و تآمنوا بالخوروطوا ، دراري صغار مايعرفوش التاريخ و ماعرفوش شبيبة الألقاب ماتقدروش توهموهم بزوج مڤطعين كانوا يحتافلوا بالشراب في عيد ميلاد الفريق لي تأسّس في مسجد 🔰🔰🔰🔰

الخلاصة : الشعب نريد تغيير الشركة باش جي شركة أخرى تمدّ كل الإمكانيات، تمدّ l’budget لي لازم باش تقدر تنافس الفرق الأخرى 🔰🔰

حبّوا الفريق أخطيكم مالعيباد ، ناصروا الشبيبة و فقط

حنا هوما شبيبة القبائل، غدوة يفتح موقع تذكرتي أشري تيكي ، نهار السبت ألبس الأصفر 🔰 أنت دير لي عليك أوقف مع الفريق و ليامات تبيّن , العام الماضي مع نفس الفريق الحكم دار رأيوا فالفريق لاخطرش كانت المقاطعة ، نقولها و نعاودها حذاري التطياح للاعبين قبل المباريات

لي يهدر على المقاطعة و الله مايحبّ الفريق ، حنا نحبّوا الفريق فالفرحة و la douleur 🔰ما حبيتش تروح ربي يسهّل عليك بصّح ماتطلقش السلبية على الأنصار لاخطرش عندنا أنصار قوم تُبّع influençable يشوفوا هاذ التعليقات يقولك مانروحوش

المقاطعة = سمحت فالفريق 🔰

الشبيبة هي لي راهي تخليك تمشي راسك فالسماء رغم قريب 20 سنة بدون بطولة ، أنت مناصر لأحسن فريق جزائري 💚💛💚💛💚💛💚💛

يوم السبت لازم يكون الملعب ممتلئ ، لازم الوقوف مع الفريق خلال 90 دقيقة، الاعبين الحاليين ليس لهم علاقة بتسيير الفريق، حذاري شتم الاعبين قبل بداية المباراة
الاعبين راهم خايفين من ردّة فعل الأنصار، و هوما ليس لهم دخل فالإنتدابات ، نكونوا حاضرين، نغنوا للاعبين و الفريق خلال 90 دقيقة و إن شاء الله نجيبوا 3 نقاط🔰🔰

يا صحافة ITFC ، يا الكهول لي موالفين تروحوا لآيت أحمد و تطرحوا أسئلة STANDARD ، نسمعوا غير زوج أصوات يهدروا ..

كونوا رجال خطرة في حياتكم و أطرحوا الأسئلة المناسبة :

ما هو المشروع الرياضي الحقيقي للـJSK خلال 3 سنوات القادمة ؟🔰🔰

ما هو الهدف الرسمي هذا الموسم: البطولة، الكأس، أم بناء فريق للمستقبل ؟🔰🔰

على أي معايير تم إختيار اللاعبين الجدد ؟🔰🔰

هل الانتدابات كانت بالتنسيق الكامل بين المدير الرياضي والمدرب ؟🔰🔰

هل توجد معايير واضحة وشفافة لاختيار اللاعبين أم أن العلاقات والمعارف يمكن أن تؤثر ( المناجرة ) ؟؟🔰🔰

هل توجد صلاحيات واضحة بين الإدارة، المدير الرياضي والمدرب ؟🔰🔰

هل التشكيلة الحالية قادرة على المنافسة على البطولة ؟🔰🔰

إذا لم تحقق JSK أي لقب هذا الموسم، هل تعتبر المشروع فاشلاً ؟🔰🔰

ما هي خطة الشركة لإعادة الشبيبة إلى الألقاب و المنافسة الإفريقية الحقيقية ؟🔰🔰

هل تعتقد أن الإدارة الحالية تمتلك فعلاً الخبرة الكافية لإدارة نادٍ بحجم شبيبة القبائل ؟ 🔰🔰

هل الشركة المالكة عندها une limitation فالأجور ؟🔰🔰

هل المدرب راه قانع بالاعبين لي عندوا ؟🔰🔰

لماذا الشبيبة لا تستطيع شراء عقود كالفرق العاصمية ؟🔰🔰

السيد الرئيس، أنصار JSK لا يريدون سماع المزيد من المشاريع والوعود ، أعطنا شيئاً واحداً تستطيع أن تلتزم به أمام الملايين: ما هو اللقب الذي تستهدفه، ومتى ستفوز به، ومن سيتحمل المسؤولية إذا فشلتم ؟؟؟ 🔰🔰

كاش مانسيت سؤال زيدولنا خاوتنا 🔰🔰

جريدة ( شيفون تاع الزجاج) راهي تقول بلي الفريق راح يجيب لاعبين إثنين قبل نهاية الميركاتو، هذه الجريدة معروفة تغطي على البوبيا لي حطاتوا الشركة الخضراء، يعطيلها معلومات مقابل تبرديع الشعب 🔰🔰

الفريق يحتاج 5 لاعبين على الأقل و هوما واش يديرو ؟ يقطعوا على الأنصار رحمة ربي و يقنعوك بلي لازم غير زوج و زعما course contre la montre شغل راح يديروا فينا مزية ، شغل عاشق les restaurants جاء البارح برك 🔰🔰

أنا نعرف حاجة تم تسريح 15 لاعب و الفريق حاليا يملك 20 لاعب و عدد الإجازات 30 و اللاعبين الأجنبيين مزال 2 , الله يسهّل عليكم كيفاش جيبوا 5 قلب الحبّة الشعب لت يرضى إلّا بالاعبين confirmé , إذا راحوا لمهابل باش جيبوا المهابل غير مكلاه خلوها هكذا 🔰🔰

الدراهم يديروا طريق فالبحر ، حطّ الباكي جيب 20 لاعب قبل نهاية الميركاتو ماشي غير 5 🔰🔰

مناصر وفيّ للصفحة تلاقى بواش fréro عاشق les restaurant جبدلوا على الميركاتو الإجابة كانت صادمة : IL N’YA PAS D’ARGENT 😂😂

كونك راجل و أهدر يوم الأربعاء، قابل الشعب لاخطرش علابلنا بلي هداك البوبيا جايبنوا باش يدير ترشيد النفقات

بعدا هداك العڤون الرسمي لي بعتوه يقابل الأنصار 😂😂 و الله ماعلابالوا وين راهي رايحة ، روح أفريها على الأقمصة تاع نهار السبت ( راح نلعبوا بتاع العام الماضي ) 🔰🔰

كيما كلّ عام شركة فاشلة تسير ببيع أحسن الاعبين 🔰🔰🔰

كلّ الاعبين لي جايبينها موراهم فايحين البيطان يتباعوا بالسومة و يخلصوا أكثر من واش راهم يدّوا فالفريق حتى حميدي عندوا إتصالات من أوروبا أمّا لمهابل لي كانوا يخرجلهم الهدرة و يعطولهم أسرار الفريق 10 دج مايجيبوهالكش و تزيد تعطيلهم تعويض باش يروح !!!
يا المغندف مزال مافقتش بلي راهم يصابوطيو فالفريق ؟ 🔰🔰

مزال مافقتش بلي من نهار راح المحبوس و هوما جايبينها وراء كلّ الاعبين لي عندهم أسموات ؟ 🔰🔰

هادي ڤاااااع باش يقولك بلي الكينڤ لي عمروا ماكان و لا راح يكون كينڤ بلي هو لي عندوا الحق ، هو الاعبين لي كانوا يدّوا 100 مليون كانوا يسالوا 15 شهر 🔰🔰

الشركة المالكة و الله ما علابلها بالفريق ، يمدّوا budget و أخطي راسي ، غدوة من غدوة يديرلك ندوة و يقولك هايليك شحال صرفت من نهار جئنا للفريق ، تجبدلك les bilans لتم جيك لحظة إدراك و تعرف الحقيقة الأليمة 🔰

لتم تفهم بلي جميع إدارة جات و جابت معارفها معاها الكلّ خالص بيهم بالاعبين بالمناجرة صحابهم ڤاع رفدوا شكارة و أنت المناصر لي خليت خدمتك و المستقبل ديالك و تحديت كل الظروف بلي كانوا يتمنيخوا بيك 🔰🔰

أنت مسؤول في شركة و خاطيك كرة القدم ولا لست مناصر للشبيبة و تشوف بلي الأنصار ديالك مقسومين واش دير ؟ يديك النيف ؟ يقولك هوما ماشي متفاهمين ، مليحة ليا ندير واش نحب

نزيد نروحلك بعيد هل تعلم أخي المناصر أنّ كاين ناس كانت تروح للبيرو باش تهدر على الصفحات ؟ هل هذا يعقل ؟ تسما أنت باش تروح تضرب على الإسقدامات تروح دير طريق للإدارة باش يصيبوا فاش يمسحوا الفشل ديالهم 🔰🔰

نقولها و نعاودها الحلّ راه في يد الأنصار ، يا نكونوا يد واحدة و نلتفوا وراء الفريق ديالنا يا كملوا فالصراعات الشخصية ديالكم و نزيدوا 20 سنة أخرى بدون بطولة 🔰🔰