Chimgee's Pilates

⏱️Өдөр бүр өөртөө ердөө 10 минутыг зориулаарай.

Өдөр бүрийн 10 минутын дасгалд надтай хамт нэгдээрэй! 🤝

📲 Chimgee’s Pilates Instagram
📘 Chimgee’s Pilates Facebook хуудсыг Follow хийгээд өдөр бүрийн 10 минутын дасгалыг хамтдаа хийцгээе.

Өдөр бүр өөртөө 10 минутыг зарцуулснаар,
жилийн дараа та өнөөдрийн өөрөөсөө илүү эрүүл, илүү хүчтэй, илүү уян хатан болсон байх болно. 💚

Том өөрчлөлт заавал их цаг шаарддаггүй.
Өдөр бүрийн 10 минут л хангалттай.

✨ Өнөөдөр эхэл.
✨ Өдөр бүр давт.
✨ Жилийн дараах өөртөө баярлалаа гэж хэлээрэй.

Өдөр бүр 10-хан дасгал. Өөрийнхөө төлөө 10 минут.

Сайнуу манайхаан 🤗
YouTube-д дараагийн шинэ дасгал орлоо!
Энэ удаагийн дасгал 15 минутын нурууны дасгал байгаа.
👍 LIKE
🔔 SUBSCRIBE
💬 Сэтгэгдлээ үлдээхээн мартваа
📲Хэн бүхэнд хэрэгтэй дасгал тул бусаддаа хуваалцаарай😉

Пилатес | Эрүүл, хүчтэй нуруу Энэхүү 15 минутын нурууны дасгал нь нурууны эрүүл мэндийг дэмжихэд ...

Бүжигчдэд зориулсан Пилатес мастер класс

Монголдоо очих бүрдээ бүжигчдэд зориулж Пилатесийн дасгал заах юмсан гэсэн нэгэн зорилго тээж явдаг байлаа. Харин энэ удаа тэрхүү хүслээ биелүүлж, өөрийн бүжиглэж байсан Үндэсний урлагийн их театрын бүжигчдэд зориулан нэг өдрийн Пилатес мастер класс хийх боломж надад олдлоо.

Яагаад бүжигчид Пилатесийг зайлшгүй хийх хэрэгтэй вэ?

1. Бэртэл гэмтлээс урьдчилан сэргийлэх
Бүжигчид өдөр бүр хөдөлгөөнтэй, бэлтгэл сургуулилттай байдаг ч мэргэжлийн өндөр ачаалал, давтагдсан хөдөлгөөн, олон цагийн бэлтгэлээс шалтгаалан бэртэл гэмтэл авах эрсдэл өндөр байдаг. Пилатес нь биеийн зөв байрлал, хөдөлгөөний хяналт, тэнцвэр болон булчингийн зөв оролцоог хөгжүүлснээр гэмтлээс урьдчилан сэргийлэхэд чухал ач холбогдолтой.

2. Хөдөлгөөний гүйцэтгэл, бүжиглэх ур техникийг сайжруулах
Бүжигчдийн булчингийн хүч, уян хатан байдал аль хэдийн өндөр хөгжсөн байдаг. Гэхдээ бүжгийн хөдөлгөөнөөр төдийлөн идэвхждэггүй, жижиг болон гүн булчингууд байдаг. Пилатес эдгээр булчингуудийг илүү нарийн мэдрүүлж, зөв ажиллуулахад тусалдаг. Ингэснээр хөдөлгөөний хяналт, төвийн хүч, тэнцвэр, тогтвортой байдал сайжирч, бүжгийн техник болон гүйцэтгэлийг сайжруулж бүжиглэх ур чадвар нэмэгддэг.

3. Хэт ачааллын дараа биеийг сэргээх
Олон дараалсан тоглолт, бэлтгэл сургуулилтын үед бүжигчдийн булчин, шөрмөс ихээхэн ачаалал авдаг. Пилатесийн дасгалууд нь булчингийн хэт ачааллыг багасгаж, хөдөлгөөний хүрээг нэмэгдүүлж, биеийг илүү зөв, тэнцвэртэй ажиллахад дэмжлэг үзүүлдэг.

Хэдийгээр ердөө 1 цаг 30 минутын мастер класс байсанч энэ хугацаанд Пилатесийн эдгээр гол чухал хүчин зүйлүүдийг ойлгуулахыг хичээж, суурь үндсэн дасгалуудаас эхлээд ахисан түвшний дасгалуудыг сонгон хийж, бүжигчдэд Пилатесийг зөвхөн “дасгал” бус, биеэ таних, хөдөлгөөнөө хянах, мэргэжлийн ур чадвараа дэмжих нэгэн чухал хэрэгсэл гэдгийг мэдрүүлэхийг зорилоо.

Өөрийн бүжиглэж байсан зааландаа эргэн очиж, энэ удаа багшийн хувиар бүжигчидтэйгээ ажилласан нь миний хувьд маш үнэ цэнтэй, дурсамжтай өдөр байлаа. 🤍

Бүжиг бол урлаг. Харин тэр урлагийг бүтээж буй бие бол бүжигчний хамгийн үнэтэй зэмсэг. Тиймээс тэр зэмсгээ зөв арчилж, хүчирхэгжүүлж, хамгаалах нь бүжигчин бүрийн чухал хэсэг юм.