FC Wetzikon Frauen 1

Was für en Match! Im erste Heimspiel hemmer hüt de Fc Küsnacht mit 8:0 gschlage. Ide erste Halbziit hemmer eusi Chancene nöd optimal verwertet. Ide 2. Halbziit hemmer denn Goal für Goal gschosse. Mir sind sehr zfriede mit eusere Leistig und freued eus scho uf de nächsti Match.💛🖤

Hüt hemmer mal wieder unterstützig gha vo de D-Meitli als Ballmeitli. Mir bedanked eus herzlich bi ihne.🫶🏼

Usserdem wird eusi Speakerin Pasci für längeri Ziit go reise, sie het hüt de letzti Match (für es ziitli) vo eus begleitet. S ganze Team dankt dir Pasci vo Herze für din Isatz und die unglaubliche Support. Dini Stimm het eus i de letzte Ziit begleitet, unterstützt und vorallem motiviert. Mir wünsched dir ganz viel Spass uf dinere Reis und werded dich vermisse.💛🖤

Leyla⚽️⚽️
Lucie⚽️⚽️
Leonor⚽️
Raniah⚽️
Fabi⚽️
Pita⚽️

Next Match⚽️

De Suntig spielemer euses erste Heimspiel vo dere Herbstrundi. Jetzt wemmer euses Resultat vo letzt Wuche bestätige und die 3 Pünkt dihei phalte. Mir freued eus uf eue Support!💛🖤

Hüt hämer uf de Heusser-Staub-Wiese gege Uster guet ih d Saison gstartet. Aber es gaht no besser.
S Spiel hämer dominierend gstartet und ih de erste Halbziit 3 Goal gschosse und eis unglücklichs Gegegoal becho. Mir sind glich ih die zweiti Halbziit gstartet und hend s 4. Goal für eus chöne schüsse. Leider simmer denn geg de Schlusspfiff immer meh zämebroche und hend churz hinterenand 2 Gegegoal becho.
Die erste 3 Pünkt hämer hei uf Wetzike gholt und jetzt gaht’s drum, ah de Schwächene z schaffe, wo mer hüt erchennt hend.

Danke ah alli Zueschauer und Zueschauerinne, es isch eh mega Atmosphäre gsi!

Angela Angelova ⚽️
Ramona Wehrli ⚽️
Angela Forrer ⚽️
Lucie Neumüller ⚽️

Team 26/27 💛🖤

Endlich isches wieder sowiit. Mir chömed Top motiviert us dere Summerpause. Nach de intensive Trainings und eusne Testspiel simmer parat zum i die neu Saison strate! Euses erste Spiel wird de Suntig in Uster apfiffe. Mir freued eus uf eue Support! ⚽️💛🖤

Let‘s go Fraue💪🏽

Schon bald startet unsere Herbstrunde. 💛🖤Mit einem Einsatz von 20.- bist du bei unserem Tippspiel auf Kicktipp dabei und kannst um tolle Preise mittippen. Melde dich über den nachfolgenden Link an: https://www.kicktipp.de/fc-wetzikon-damen1/
Die Rangliste + Resultate sowie unsere Spiele findest du auf https://matchcenter.fvrz.ch/default.aspx?v=1514&oid=11&lng=1&t=41562&a=trr

Spielplan Herbstrunde 2026 Frauen 1💛🖤

Hüt hemmer es sehr guets Spiel gspielt und hend die Pünkt dihei phaltet. Dur 3 Goal vo de Leonor hemmer de Match chöne mit neme 3:2 für eus entscheide. Mir hend no euse Saisonabschluss gfiiret nachem match. Mer bedanked eus ganz herzlich bi de hütige Fans ihr sind mega gsi!

Usserdem wemmer eus ganz ganz herzlich bim Oli und bim Bruno bedanke wo eus die Saison begleitet hend. Und es Grosses DANKE gaht an Adriano, wo eus die letzte 3 Spiel begleitet het. De Ronja dankemer für ihre Ihsatz die Saison und hoffed, dass sie nach ihrere Pause wieder zrugchunnt. Viele Dank au allne Fans und Supporter wo eus die Saison tatkräftig unterstützt hend!💛🖤

Leonor⚽️⚽️⚽️

Next Match⚽️
De Suntig spielemer euses letzte Meisterschaftsspiel die Saison. Mir wend bim letzte Heimspiel nomal en Sieg hole. Let‘s go Fraue💛🖤

Leider hets au hüt nöd ganz glanged. Obwohl mer es guets Spiel zeigt hend, hemmer am Schluss no s'dritte Goal becho, wo zu nere wiitere Niederlag gfühert het. Mir gebed nächst wuche bim letzte Match nomal alles zum nomal en Sieg chöne fiire.💛🖤

Angi⚽️
Raniah⚽️