Khmer Canada Sports Association

សមាគមកីឡាខ្មែរកាណាដា បានបង្កើតក្រុមបាល់ទាត់ថ្នាលសំរាប់កុមារអាយុក្រោម១៥ឆ្នាំ ដែលមានឈ្មោះថា Bayon United ។ ការបង្កើតក្រុមបាល់ទាត់ថ្នាលនេះឡើងក្នុងគោលបំណង អោយក្មេងៗខ្មែរដែលកូនធំដឹងក្តីនៅកាណាដា មកលេងកីឡាដើម្បីសុខភាព មិត្តភាព សាមគ្គីភាព និងការទំនាក់ទំនងគ្នារបស់អាណាព្យាបាល នៅក្នុងសហគមន៍ខ្មែរនាទីក្រុងម៉ុងរេអាល់ ខេត្តកេបិក ប្រទេសកាណាដា។
សមាគមកីឡាយើងខ្ញុំ រីករាយទទួលស្វាគមន៍ ដល់បងប្អូនខ្មែរទាំងអស់ ដែលមានបំណងនាំកូនៗមកលេងបាល់ទាត់រៀងរាល់ចុងសប្តាហ៍ ដោយមិនគិតថ្លៃ។

សេចក្តីថ្លែងអំណរគុណ!

សមាគមកីឡាខ្មែរកាណាដា សូមថ្លែងអំណរគុណដល់កីឡាករទាំងអស់ដែលបានចូលរួមក្នុងកម្មវិធីការប្រកួតបាល់ទាត់សហគមន៍អាសុីឆ្នាំ២០២៦ លើកទី២នេះ និងសូមអរគុណដល់សប្បុរសជន ដែលបានឧបត្ថម្ភជាថវិការ និងភេសជ្ជៈ ព្រមទាំងអ្នកស្ម័គ្រចិត្តដែលបានជួយរៀបចំកម្មវិធីនេះ ដែលប្រព្រឹត្តទៅបានដោយជោគជ័យយ៉ាងរលូន។

- គ្រូបង្វឹក លោក Lyhon Mar
- Mr. Bunkorn Yun, Development Key Plus Inc.
- Mazone Confort (514-838-1056)
- Mr. Chandara Uch, COMPTABLETAXES
- MR. Sambath Hel, Notary
- Mr. Rithy Pen, Neakreach Entertainment
- Lucky Band
- Bonjour Coiffure Unisex
- Restaurant Jardin Des Delices
- SUBARASHI SUSHI
- MEMOIR Photography
- DJ Dantronix
- Mr. Khuy Raksmey
- Ms. Danika Meas

ជាពិសេសក្រុមការងារស្ម័គ្រចិត្ត ជួយរៀបចំចាត់ចែងម្ហូបអាហារ និងផ្លែឈើ ដល់កីឡាករនិងសំរាប់កម្មវិធីទាំងមូលផងដែរ សូមអោយជួបប្រទះតែពុទ្ធិពរទាំងបួនប្រការគឺ អាយុ វណ្ណៈ សុខៈ ពលៈ រកសុីមានបាន និងជោគជ័យគ្រប់ភារកិច្ច។

សូមអរគុណ 🙏🙏🙏

សមាគមកីឡាខ្មែរកាណាដា បានរៀបចំកម្មវិធីប្រកួតបាល់ទាត់លក្ខណៈមិត្តភាព ក្នុងសហគមន៍អាសុី ដែលហៅកាត់ថា Asian Soccer Tournament 2026 ដែលបានប្រារព្ធធ្វើនៅ Samuel-Morse Park នាទីក្រុងម៉ុងរេអាល់ ថ្ងៃពុធ ទី២៤ ខែមិថុនា ឆ្នាំ២០២៦ ដែលជាថ្ងៃបុណ្យឈប់សំរាករបស់ខេត្តកេបិក ហៅ St Jean Baptiste ។

ជាលទ្ធផលនៃការប្រកួត ក្រុម Montreal-Est United (ស្រីលង្ការ )ទទួល បានចំណាត់ថ្នាក់លេខ ៦ ក្រុម Bayon United (ខ្មែរ) ទទួលបានចំណាត់ថ្នាក់លេខ ៥ ក្រុម Stechco 2 (វៀតណាម) ទទួលបានចំណាត់ថ្នាក់លេខ ៤ ក្រុមកីឡាបាល់ទាត់ខ្មែរម៉ុងរេអាល់ ចំណាត់ថ្នាក់លេខ ៣ ក្រុម Stechco 1 (វៀតណាម) ទទួលបានចំណាត់ថ្នាក់លេខ ២ ក្រុម All Stars Lao ទទួលជ័យលាភីជើងឯកប្រចាំព្រឹត្តិការណ៍។

🏆Estano មកពីក្រុម Stechco 1 ទទួលពានរង្វាន់កីឡាករដែលស៊ុតបញ្ចូលទីច្រើនជាងគេ (6គ្រាប់)។
🏆 Savry Chim មកពីក្រុម Khmer Montreal ទទួលពានរង្វាន់អ្នកចាំទីដែលល្អជាងគេ។
🏆 ក្រុម Montreal-Est United ទទួលពានរង្វាន់ Fair Play ។

កម្មវិធីប្រកួតបាល់នេះ ជាលើកទី2 ហើយ ដែលក្រុមកីឡាបាល់ទាត់ទាត់ខ្មែររៀបចំបង្កើតឡើងក្នុងគោលបំណងលេងកីឡា ដើម្បីសុខភាព មិត្តភាព និងបង្កើនការទំនាក់ទំនងនៅក្នុងសហគមន៍អាសុី នាទីក្រុងម៉ុងរេអាល់ ខេត្តកេបិក ប្រទេសកាណាដា។ កម្មវិធីបានបញ្ចប់ដោយរលូនតាមការគ្រោងទុក បើទោះបីជាសីតុណ្ហភាពក្តៅយ៉ាងណាក៏មិនអាចបង្អាក់ដំណើរនៃកម្មវិធី យើងក្រោមរូបភាពសប្បាយរីករាយរាក់ទាក់គ្នាយ៉ាងក្រៃលែង។

Happy St Jean-Baptiste’s Day !!!
ម៉ុងរេអាល់ ថ្ងៃទី ២៤ ខែមិថុនា ឆ្នាំ២០២៦



#