Judo Club 2012

İntizam, güc və çeviklik çempionların seçimi burada başlayır. Hər yaşa uyğun peşəkar cüdo məşqlərinə qoşulun, özünüzə olan inamı zirvəyə daşıyın.💪

Дисциплина, сила и ловкость -выбор чемпионов начинается здесь. Присоединяйтесь к профессиональным тренировкам по дзюдо для любого возраста и поднимите уверенность в себе на вершину.💪

📍Bakı ş., Şixəli Qurbanov küç. 6/10 (Nizami m/st,XİN yaxınlığı)

📞 (+994 12) 595 02 70
📞(+994 12) 595 02 72
📱 (+994 50) 999 02 72
Wp (+994 50) 990 02 72

“Judo Club 2012”nin iki üzvü ölkə kubokunun qalibi oldu!


Abşeron Olimpiya İdman Kompleksində sambo üzrə yeniyetmələr, gənclər və böyüklər arasında ölkə kuboku keçirilir. Yarışda müxtəlif yaş qrupları üzrə idmançılar bir neçə çəki dərəcəsində mübarizə aparırlar.

Turnirdə Judo Club 2012nin baş məşqçisi İmran İmanovun yetirmələri Emin Şirinov (98 kq) və Elşən Fərzəliyev (+98 kq) uğurlu çıxışları ilə fərqləniblər. Klubun hər iki üzvü bütün rəqiblərinə qalib gələrək qızıl medala layiq görülüb.

Qazanılan bu nəticə Emin Şirinov və Elşən Fərzəliyevə yeniyetmələr arasında sambo üzrə dünya çempionatında iştirak etmək hüququ qazandırıb.💪

📌Qeyd edək ki, cari ildə Azərbaycan çempionu adını qazanan Elşən Fərzəliyev, həmçinin Serbiyanın Novi Sad şəhərində yeniyetmələr arasında keçirilən sambo üzrə Avropa birinciliyində bürünc medala sahib olub.

“Judo Club 2012”nin növbəti beynəlxalq uğuru!🇦🇿

İspaniyanın Las-Palmas-de-Qran-Kanariya şəhərində cüdo üzrə yeniyetmələr arasında Avropa birinciliyi keçirilir.
Yarışların ikinci günündə “Judo Club 2012”nin iki üzvü mükafatçılar sırasında yer alıb. Klubun üzvlərindən Sadiq Məmmədov (-73 kq) gümüş, İlkin Qarayev (-66 kq) isə bürünc medallara layiq görülüb. 👏
İkinci yarış gününün yekunlarına əsasən Azərbaycan millisinin aktivində 2 qızıl, 2 gümüş və 3 bürünc medal var. Komandamız bu nəticə ilə hazırda ümumi komanda hesabında birinci pillədə qərarlaşıb.👏

📌Qeyd edək ki, iyulun 2-dək davam edəcək qitə birinciliyində 43 ölkədən 425 (232 oğlan, 193 qız) cüdoçu iştirak edir. Azərbaycan komandası 12 çəki dərəcəsində 17 (10 oğlan, 7 qız) idmançı ilə fərdi yarışlarda mübarizə aparır.

Murad Fətiyevdən ardıcıl ikinci medal!👏

“Judo Club 2012”nin yetirməsi Murad Fətiyev beynəlxalq arenada uğurlu çıxışını davam etdirir. İstedadlı cüdoçumuz bir həftə ərzində ardıcıl ikinci beynəlxalq medalını qazanaraq klubumuzun növbəti uğuruna imza atıb.💪
Ulan-Batorda keçirilən “Böyük Dəbilqə” turnirində bürünc medal əldə edən Murad Fətiyev bu dəfə Çinin Sindao şəhərində təşkil olunan Qran-Pri turnirində də eyni uğuru təkrarlayıb.
( -90 kq) çəki dərəcəsində mübarizə aparan cüdoçumuz yarışın bürünc medalına sahib çıxıb.
Murad Fətiyev mübarizəyə 1/16 final mərhələsindən başlayaraq əvvəlcə Çin təmsilçisi Şuo Li, daha sonra isə Rusiyanı təmsil edən erməni əsilli David Karapetyan üzərində inamlı qələbələr qazanıb.
1/4 finalda Özbəkistan cüdoçusu Nurbek Murtozoyevə məğlub olan idmançımız təsəlliverici görüşdə yerli idmançı Qi Hana qalib gələrək bürünc medal uğrunda mübarizəni davam etdirib. Həlledici görüşdə isə Qırğızıstan təmsilçisi Erjan Kanatbekov üzərində qələbə qazanan Murad Fətiyev bir həftə ərzində ardıcıl ikinci beynəlxalq bürünc medalını aktivinə yazdırıb.

📌Qeyd edək ki, Azərbaycan millisi turniri ümumilikdə dörd medalla başa vurub. Murad Fətiyevdən əlavə, Zelim Tçkayev (-81 kq) qızıl, Əhməd Yusifov (-60 kq) və Hidayət Heydərov (-81 kq) bürünc medal qazanıblar.
Nəticədə millimiz kişilər arasında komanda hesabında Yaponiya və Rusiyadan sonra üçüncü, ümumi komanda hesabında isə dördüncü yeri tutub. 57 ölkədən 500 (265 kişi, 235 qadın) cüdoçunun iştirak etdiyi nüfuzlu turnirdə Azərbaycan millisi 17 (11 kişi, 6 qadın) idmançı ilə təmsil olunub.

“Judo Club 2012”nin qələbə ənənəsi davam edir!

Monqolustanın paytaxtı Ulan-Batorda keçirilən cüdo üzrə “Böyük Dəbilqə” turnirinə yekun vurulub. Üç gün davam edən yarışda Azərbaycan milli komandası 1 qızıl və 3 bürünc medal qazanıb.🥇🥉

Medalçılar sırasında “Judo Club 2012” klubunun iki üzvü də yer alıb. Yarışın sonuncu günündə klubun üzvlərindən Murad Fətiyev (-90 kq) və Zelim Kotsoyev (-100 kq) turniri bürünc medalla başa vurublar.👏
Murad Fətiyev üçüncü yer uğrunda görüşdə çexiyalı Adam Kopeçkiyə qalib gələrək yeni Olimpiya tsiklinə medalla start verib.

Dünya, Avropa və Olimpiya çempionu Zelim Kotsoyev isə üçüncü yer uğrunda qarşılaşmada rusiyalı Arman Adamiyan üzərində qələbə qazanıb.👏

📌Qeyd edək ki, yarışın əvvəlki günlərində Azərbaycan millisinin heyətində Balabəy Ağayev (-60 kq) qızıl, Nizami İmranov (-66 kq) isə bürünc medal qazanıb. Bu nəticə ilə Azərbaycan komandası kişilər arasında üçüncü, ümumi medal sıralamasında isə dördüncü yeri tutub.

Turnirin əhəmiyyətini artıran əsas məqamlardan biri də onun Los-Anceles-2028 Yay Olimpiya Oyunları ilə əlaqəli olmasıdır. Belə ki, Ulan-Bator “Böyük Dəbilqə” turnirində cari Olimpiya tsikli çərçivəsində ilk dəfə olimpiadaya lisenziya xalları hesablanıb.

Övladınızın çevikliyini və istedadını kəşf edin! Akrobatik gimnastika dərslərimizə qeydiyyat davam edir. Peşəkar məşqçilərimizlə zirvəyə addımlayın!

Откройте для себя талант вашего ребенка! Открыта запись на занятия по акробатической гимнастике. Достигайте высот вместе с нашими профессиональными тренерами!

📍Bakı ş., Şixəli Qurbanov küç. 6/10 (Nizami m/st,XİN yaxınlığı)

📞 (+994 12) 595 02 70
📞(+994 12) 595 02 72
📱 (+994 50) 999 02 72
Wp (+994 50) 990 02 72

“Judo Club 2012” klubunda ümumrespublika seminarı keçirilib!


İyunun 7-də “Judo Club 2012” İctimai Birliyində Azərbaycan Braziliya Ciu-Citsu Klubları İctimai Birliyinin təşkilatçılığı ilə ümumrespublika seminarı keçirilib.

Seminar Azərbaycan Braziliya Ciu-Citsu Klubu İctimai Birliyinin sədri və təsisçisi, Braziliya Ciu-Citsusunun Azərbaycandakı banisi Taleh Həsənov tərəfindən aparılıb.

Tədbir zamanı iştirakçılara Braziliya Ciu-Citsusunun texniki və nəzəri əsasları, məşq metodikaları, idman etikası və inkişaf perspektivləri barədə ətraflı məlumat verilib, müxtəlif təlim proqramları təqdim edilib. Seminar çərçivəsində məşqçilər təlimatlandırılıb, idmançılar öz bilik və bacarıqlarını daha da inkişaf etdirmək imkanı əldə ediblər. Seminarın sonunda imtahan və qiymətləndirmə mərhələlərini uğurla keçən idmançılara müvafiq kəmər dərəcələri təqdim olunub.👏

Yüksək təşkilatçılıq səviyyəsində keçirilən seminar iştirakçılar tərəfindən böyük maraqla qarşılanıb və uğurla başa çatıb.

Sonda seminar iştirakçıları Azərbaycan Cüdo Veteranları Assosiasiyasının prezidenti, “Judo Club 2012” İctimai Birliyinin sədri və klubun təsisçisi, veteran cüdoçular arasında dünya və Avropa çempionatlarının dəfələrlə qalibi və mükafatçısı Azər Əsgərova yaradılmış yüksək təşkilati şəraitə, göstərilən qonaqpərvərliyə və tədbirin uğurlu keçirilməsinə görə öz təşəkkürlərini bildiriblər.👏

Seminar iştirakçıları həmçinin, belə tədbirlərin idmançılar və məşqçilər üçün böyük əhəmiyyət daşıdığını vurğulayıb, gələcəkdə də bu cür seminarların davamlı keçirilməsinin vacibliyini qeyd ediblər.

Özünüzü kəşf etməyə və daxili gücünüzü artırmağa hazırsınız?
“Judo Club 2012” hər kəsi peşəkar Aikido məşqlərinə dəvət edir!

Aikido sadəcə bir döyüş sənəti deyil. Bu, rəqibin gücünü ona qarşı yönəltməyi öyrədən unikal fəlsəfə, bədəni tonusda saxlayan idman və mükəmməl bir özünümüdafiə sistemidir. Burada həm stresdən uzaqlaşacaq, həm də bədəninizə və ağlınıza tam nəzarət etməyi öyrənəcəksiniz.

Готовы ли вы открыть в себе новые возможности и раскрыть свою внутреннюю силу?

“Judo Club 2012” приглашает всех желающих на профессиональные тренировки по Айкидо!

Айкидо- это не просто боевое искусство. Это уникальная философия, обучающая направлять силу соперника против него самого, спорт, поддерживающий тело в тонусе, и идеальная система самообороны. Здесь вы сможете как избавиться от стресса, так и научитесь полностью контролировать свое тело и разум.

📍Bakı ş., Şixəli Qurbanov küç. 6/10 (Nizami m/st,XİN yaxınlığı)

📞 (+994 12) 595 02 70
📞(+994 12) 595 02 72
📱 (+994 50) 999 02 72
Wp (+994 50) 990 02 72

🎈 1 İyun – Uşaqların Beynəlxalq Müdafiəsi Günü münasibətilə balaca idmançılarımızı ürəkdən təbrik edirik!

“Judo Club 2012” olaraq inanırıq ki, hər bir uşağın uğuru, sağlam inkişafı və xoşbəxt gülüşü gələcəyimizin ən böyük zəmanətidir.

Qoy bütün uşaqlar sevgi, qayğı və diqqət içində böyüsün, arzularına doğru inamla addımlasınlar. Onların əldə edəcəyi hər uğur bizə qürur yaşatsın.

Xoşbəxt uşaqlar, güclü gələcək deməkdir! 🥋✨

Açıq Avropa Kubokunda bürünc medal!

“Judo Club 2012” klubunun cüdoçusu Aslan Kotsoyev Açıq Avropa Kubokunun mükafatçıları sıra sında yer alıb. Klubun istedadlı yetirməsi Türkiyənin İstanbul şəhərində keçirilən yarışda (-90 kq) çəki dərəcəsində bürünc medal qazanıb.
Mübarizəyə 1/16 finaldan başlayan idmançımız ardıcıl olaraq qazaxıstanlı Bekasıl Kojaxmet, gürcüstanlı Saba Qvelesiani və rusiyalı Abdula Süleymanova qalib gələrək yarımfinala yüksəlib. Bu mərhələdə digər rusiyalı cüdoçu Ademirkan Tambiyevə uduzan Aslan Kotsoyev bürünc medal uğrunda görüşə çıxıb. Həlledici qarşılaşmada Yaponiya təmsilçisi Sanşiro Ubadan üstün olan cüdoçumuz fəxri kürsünün üçüncü pilləsinə yüksəlib.
📌Qeyd edək ki, 27 ölkədən 502 (302 oğlan, 200 qız) idmançının iştirak etdiyi yarışda Azərbaycan komandası 1 qızıl, 1 gümüş və 5 bürünc medal qazanıb. Yığmamız 7 medalla ümumi komanda hesabında 5-ci, kişilər arasında isə 3-cü yeri tutub.