Kobra Kikboksinq Klubu

07/06/2023

Bugün Kobra kikboksinq klubu komandamız , Gənclər və İdman Naziri, hörmətli Fərid Qayıbovun qəbulunda olduq. İdmanın inkişafı və bir sıra mövzuları müzakirə etdik. Cənab Nazir gələcək planlarımızda bizə öz tövsiyyələrini verdi. Bizə zaman ayırıb qəbul etdiyi üçün cənab Nazirə Kobra komandası adından dərin təşəkkürümüzü bildiririk.

29/04/2023

Növbəti möhtəşəm qələbə 🇦🇿🇹🇷

23/02/2023

Klubumuzun yetirməsi, Azərbaycan çempionu, dəfələrlə beynəlxalq çempionatların qalibi Nihad Orucov, bugünkü çempionatda qalib gələrək birinci yerə layiq görüldü. Şəxsi məşqçisi Elgiz Abdullayev başda olmaqla Nihadı və onun timsalında bütün Kobra komandasını ürəkdən təbrik edirik.

19/11/2022

14/08/2022

Bugün Kikboksinq üzrə Azərbaycanın milli komandası, Türkiyənin Konya şəhərində keçirilən İslam həmrəylik oyunlarında vətənimizi təmsil etmək üçün yola düşdülər. Avqust ayının 19 na kimi davam edəcək gərgin mübarizədə İn Şaa Allah sevinən tərəf biz olarıq. Milli komandamıza ugur diləyir və çox saylı qızıl medallarla vətənə dönmələrini arzu edirik. Nəzərinizə çatdırmaq istərdik ki, milli komandamızın heyətində Klubumuzun fəxri idmançısı, 2 qat Azərbaycan çempionu Fəridə Abdullayeva da 52 kq çəki dərəcəsində mübarizə aparacaqdır. Bütün komandamız adından Fəridəyə qəlbən uğur diləyir və başımızı uca tutmaq üçün əlindən gələni əsirgəməyəcəyinə inanırıq. 🇦🇿🇹🇷

23/05/2022

Beləliklə 20 - 22 may 2022 ci il Kikboksinq üzrə Azərbaycan çempionatına, Kobra Kikboksinq klubu olaraq 6 idmançı ilə yarışa start verdik. Hər bir idmançımızın layiqincə performans göstərməsinə baxmayaraq, onlardan 4 ü medallara layiq görüldülər. Klubumuzun xanım idmançısı Fəridə Abdullayeva 🥇 qızıl medal, Telman Süleymanov və Elmar Abdullayev 🥈gümüş medal, Rövşən Əliyev isə 🥉bürünc medala yiyələndilər. İdmançılarımızın əzimkar hazırlıqlarına görə əlindən gələni əsirgəməyən peşəkar məşqçilərinə, başda Elgiz Abdullayev, Zaur Məhərrəmov, klubumuzun direktoru Faiq Abdullayev və bütün əziyyəti keçən hər kəsi səmimi qəlbdən təbrik edir, daha da yüksək uğurlara imza atmağı diləyirik. Nəzərinizə çatdırmaq istəyirik ki, bu son deyil və qarşıda bizi Avropa və İslam həmrəylik çempionatları gözləyir. Bir daha idmançılarımızı təbrik edir və ən uca zirvələrə yüksəlməsi diləyirik.

10/02/2022

Əziz dostlar Cobra Pervizin "All Star" adlı klipi artıq rəsmi YouTube səhifəsində. Dinləyin və zövq alın. Klipi izləmək üçün Linki əlavə edirik.

https://youtu.be/4FgQVPyqNw8

28/01/2022

Həftənin tək və cüt günləri məşqlərimizə siz də qatılın.

14/11/2021

Hər zaman idmançılara böyük qardaş olan, vətənini, millətini sevən, imanlı və gözəl qəlbli insan, Kikboksinq federasiyasının idarə heyətinin sədri cənab Adil Əliyev !!!