Taekwondo Team Aruba

Resumen di Taekwondo Team Aruba na AAU Nationals na Merca.

Resumen di e atletanan di Taekwondo Team Aruba cu a participa den AAU Nationals na Fort Lauderdale, Florida.

E siman a habri pa e atletanan di Taekwondo Team Aruba subi maat na Fort Lauderdale, Florida despues di a participa na un campeonato na Wesley Chapel na Tampa Bay Region, Florida y Training Camp na Margate, Florida y Pembroke Pines, Florida a duna cu nan tabata cla pa AAU Nationals despues di dos siman na Merca ta prepara.

Aidan Klaber a bringa Cadet Fly Weight a gana su prome pelea 2-0 contra di Lucas Rivera y despues perde 2-0 for di Ayansh Modi.
Rachid Erasmus a bringa Cadet Bantam a perde 2-1 contra di Dominque Changolla. Nakiomy del Rosario a bringa Cadet LT Middle a perde 2-1 contra di Aanya Munjal.
Quinten Klaber a bringa Cadet Light a gana 2-0 contra di Wesley Ferguson y a perde 2-0 for di Matteo Villalobos Ruiz.

Taekwondo Team Aruba ta gradici tur mayor, coach, trainernan y automobilistanan cu a haci posibel pa e atletanan di Taekwondo Team Aruba por a reprensenta Aruba na AAU Nationals cu bon resultado.

Media Team
Taekwondo Team Aruba

Taekwondo Team Aruba a participa na Training Camp na Margate Florida.

Algun atleta di Taekwondo Team Aruba a train hunto cu e team di AAU Nationals na Champions Martial Arts na Margate, Florida.
Na Margate, Florida training a wordo duna pa Clayton Coach Olympico di Brazil, Head Coach Cekem Turkia atleta nacional, Master Oh for di New York y Presidente di AAU.

Durante e siman di training tur tabata enfoca ariba e AAU Nationals y tur e scolnan di Champion Martial Arts a bini hunto pa train cu e mesun meta pa AAU Nationals. Taekwondo Team Aruba su atletanan a probecha di e oportunidad aki pa haña training di trainer y coachnan reconoci den e Mundo di Taekwondo.

Taekwondo Team Aruba ta gradici Master Wilson, Oh, Betancourt y tur otro pa e oportunidad brinda na Taekwondo Team Aruba su atletanan.

Media Team
Taekwondo Team Aruba

Taekwondo Team Aruba a logra 5 Medaya na Sunshine State Games.

Taekwondo Team Aruba a participa den Sunshine State Games na Wesley Chapel,
Florida Tampa Bay Region den preparacion di e plan di 2026/2027.
Taekwondo Team Aruba a participa cu 4 atleta den categoria di Cadet cu a bringa den
categoria -37, -41,-49, -51 y -53 kilo. Master Alberto Klaber ta contento cu e resultado
di e atletanan di Taekwondo Team Aruba den Sunshine State Games na Wesley Chapel,
Florida Tampa Bay Region. Nan a logra gana 2 Medaya di Oro, 2 Medaya di Plata y 1 Medaya di Brons.

Taekwondo Team Aruba ta gradici Pueblo di Aruba cu a contribui y a haci e biahe di Taekwondo
Team Aruba posibel.

Media Team
Taekwondo Team Aruba

Taekwondo Team Aruba a sali na tercer luga na Medellin.

Den fin di siman algun atleta di Taekwondo Team Aruba a participa na e evento yama Master Cup Mónica Urrego na Medellin, Colombia y a logra varios Medaya. E atletanan di Taekwondo Team Aruba a logra 5 Medaya di Oro, 3 Medaya di Silver y 1 Medaya di Brons y a logra sali na di tercer luga na e campeonato como team y a ricibi nan reconocimento cu hopi alegria y orguyo. Master Antwuan Wilson a coach e atletanan di Taekwondo Team Aruba.

Taekwondo Team Aruba a bay bon prepara y a mehora e technicanan di tur e atletanan. Taekwondo Team Aruba su atletanan ta participa na eventonan Internacional contra di atletanan di nivel halto y ta wordo bon reconoci na Paisnan Internacional.

Taekwondo Team Aruba ta gradici e mayornan cu a bende rifa y e automobilistanan cu ta contribui pa haci e biahenan di e atletanan di Taekwondo Team Aruba posibel.
Taekwondo Team Aruba ta gradici e Team di Corsou, Olympia Taekwondo Association Curaçao.
Taekwondo Team Aruba ta gradici Master Mónica Urrego pa e invitacion.
Taekwondo Team Aruba ta bay sigui representa Aruba unda cu nan bay.

Media Team
Taekwondo Team Aruba

Cuater atleta di Taekwondo Team Aruba a clasifica pa AAU National.

Den fin di siman cuater atleta di Taekwondo Team Aruba a participa den e Florida Gold Coast AAU District Qualifier na Miami, Florida. Nan a logra clasifica pa participa den AAU Taekwondo National Championships 2026 cu lo tuma luga na Fort Lauderdale, Florida na luna di Juni 2026.

Rachid Erasmus a gana Medaya di Oro den categoria Cadet -41 kilo. Aidan Klaber a gana Medaya di Brons den categoria Cadet -33 kilo. Nakiomy del Rosario a gana Medaya di Oro y Silver den categoria Cadet -51 kilo den dos categoria. Quinten Klaber a gana Medaya di Oro den categoria Cadet -51 kilo.

Taekwondo Team Aruba ta felicita e cuater atletanan cu nan logro y ta gradici e automobilistanan cu ta deposita nan confiansa den e botin ariba e brug di Renaissance y tur cu ta cumpra rifa pa e atletanan por logra biaha.

Media Team
Taekwondo Team Aruba