Armenian National Ice Hockey Team

🤝 SOYUZ bc-ն կարող է դառնալ Հայաստանի հոկեյի ֆեդերացիայի նոր գործընկերը

Հայաստանի հոկեյի ֆեդերացիայի (ՀՀՖ) պատվիրակությունն այցելել է հոկեյի հանդերձանք արտադրող միջազգային SOYUZ bc բրենդի գրասենյակ։ Հանդիպման գլխավոր թեման համագործակցությունն էր, որի արդյունքում ընկերությունը կարող է դառնալ Ֆեդերացիայի, ազգային հավաքականի և Հայաստանի հոկեյի լիգայի պաշտոնական տեխնիկական գործընկերը։

ՀՀՖ-ի կողմից բանակցություններին մասնակցել են սպորտային տնօրեն Պյոտր Լեբեդևը, զարգացման գծով տնօրեն Բուլատ Մագսուտովը և Հայաստանի հավաքականի պաշտպան Սերգեյ Օգանեզովը։ Ֆեդերացիայի ներկայացուցիչները ծանոթացել են SOYUZ bc-ի արտադրանքին և բարձր են գնահատել հոկեյի հանդերձանքի որակը։

Հանդիպման արդյունքներով՝ կողմերը պայմանավորվել են ստեղծել համատեղ աշխատանքային խումբ, որը կզբաղվի համագործակցության հուշագրի նախապատրաստմամբ, համատեղ նախագծերի մշակմամբ և գործընկերության երկարաժամկետ ռազմավարության ձևավորմամբ։

Վստահ ենք, որ այս համագործակցությունը կօգնի ամրապնդել հավաքականների և ակումբների նյութատեխնիկական բազան, ինչպես նաև կդառնա ևս մեկ քայլ՝ Հայաստանում հոկեյի զարգացման ուղղությամբ։

Շնորհակալություն ենք հայտնում SOYUZ bc-ի ղեկավարությանը ջերմ ընդունելության և բաց երկխոսության համար։

🇦🇲 Հայաստանը 2027 թվականի Աշխարհի առաջնությունում հանդես կգա IV A դիվիզիոնում

IIHF-ի խորհուրդը թույլատրել է Հնդկաստանին և Մարոկկոյին մասնակցել հոկեյի Աշխարհի առաջնությանը։ Դրա հետևանքով IV դիվիզիոնում հայտնվել են ութ հավաքականներ, և ֆեդերացիան որոշել է այն բաժանել երկու ենթախմբի` A և B։

Հայաստանի հավաքականը A դիվիզիոնում կմրցի Քուվեյթի, Ինդոնեզիայի և Սինգապուրի հավաքականների դեմ։ Ամենաուժեղ թիմը կբարձրանա 2028 թվականի IIIB դիվիզիոն։

Մրցաշարի անցկացման հայտ են ներկայացրել Քուվեյթն ու Ինդոնեզիան։ Թե որտեղ կանցկացվի մրցաշարը, հայտնի կդառնա ավելի ուշ, IIHF-ի խորհրդից հայտնում է Հայաստանի հոկեյի ֆեդերացիայի գլխավոր քարտուղար Արամ Սարգսյանը։

IV B դիվիզիոնում հանդես կգան Իրանը, Մալայզիան, Հնդկաստանը և Մարոկկոն։

❗ Տափօղակով հոկեյի IV դիվիզիոնի 2026 թվականի աշխարհի առաջնությունը չեղարկվել է։

IIHF-ի խորհուրդը որոշել է չեղարկել Քուվեյթում կայանալիք մրցաշարը՝ Մերձավոր Արևելքում լարված իրավիճակի պատճառով։ IIHF-ը փնտրել է այլընտրանքներ՝ մրցաշարը այլ ամսաթվերով և այլ երկրում անցկացնելու նպատակով։ Սակայն այլընտրանքներ չեն գտնվել, և մրցաշարը չեղարկվել է։

Սա նշանակում է, որ բոլոր թիմերը կպահպանեն իրենց տեղը դիվիզիոնում։ 2027 թվականի մրցաշարի ընդունող երկրի վերաբերյալ որոշումը կկայացվի IIHF-ի այս տարվա համաժողովում։

IV դիվիզիոնի աշխարհի առաջնությունը նախատեսված էր անցկացնել Քուվեյթում ապրիլի 12-ից 18-ը։ Հայաստանի ազգային հավաքականը թիմը պետք է մրցեր IIIB դիվիզիոն տեղափոխվելու համար Քուվեյթի, Մալայզիայի, Ինդոնեզիայի, Իրանի և Սինգապուրի հավաքակնների դեմ։

📸 Երեկվա խաղից հավաքել ենք ձեզ համար լավագույն տասը կադրերը

🏒 Երևանում ընկերական հանդիպումն ավարտվեց մեր հաղթանակով — 10:4

Երևանում չեխական թիմի դեմ երկրորդ հանդիպմանը Հայաստանի հավաքականը վստահ հաղթանակ տարավ՝ հանդիպման մեկնարկում արդեն հինգ տափօղակ նետելով։ Բայց այսօր փ արդյունքը կարևոր չէր, գլխավորը՝ հոկեյի մթնոլորտն էր։

🤍 Շնորհակալություն մրցակիցներին բաց և ազնիվ խաղի համար, իսկ երկրպագուներին՝ տրիբունաներում աջակցության համար

Հայաստանի հավաքականը Երևանում երկրորդ հանդիպումը կանցկացնի Չեխիայի հետ

Գյումրիում կայանալիք խաղի հաջորդ օրը Հայաստանի հավաքականը Երևանում կմրցի Չեխիայի ընտրանու հետ:

🗓 22 Փետրվար, 18:00

📍 Երևան, Երևանի գեղասահքի և հոկեյի մարզադպրոց

Մուտքն ազատ է

Սպասում ենք բոլորին:

🏒❤️ Գյումրիում հոկեյի երեկոն ավարտվեց։ Բայց այսօր գլխավորը ոչ թե արդյունքն էր, այլ սիրո և բարեկամության մթնոլորտը, որը ստեղծեցին մեր երկրպագուները։

🇦🇲🤝🇨🇿

🇦🇲🇨🇿 Հայաստանի հավաքականը կմրցի Չեխիայի հետ Գյումրիում

Փետրվարի 21-ին Հայաստանի ազգային հավաքականը ընկերական հանդիպում կանցկացնի Չեխիայի ընտրանու դեմ բաց երկնքի տակ։

📍 Գյումրի, Բարեկամության այգի

🕖 Սկիզբ՝ 20:00

Չեխիացի մեր ընկերները պատրաստել են հագեցած մշակութային ծրագիր, որը կմեկնարկի խաղից մեկ ժամ առաջ։ Սպասում ենք ձեզ ժամը 19-ից։

🎟 Մուտքն ազատ է

🎉 Միջոցառումը տեղի կունենա Հայաստանում Չեխիայի դեսպանատան աջակցությամբ։

Հայ-չեխական հոկեյի երեկոն անցկացվել է Գյումրիում նաև մեկ տարի առաջ։ Հայաստանի հոկեյի ֆեդերացիայի գլխավոր քարտուղար Արամ Սարգսյանի խոսքերով, միջոցառումը արդեն կարելի է համարել լավ ավանդույթ։

«Այս հանդիպումը հոկեյի և ընկերության իսկական տոն է, որն արդեն ունի իր պատմությունը։ Վստահ եմ, այս անգամ էլ սպասվում է յուրահատուկ երեկո և վառ էմոցիաներ», — ասաց նա։

🏒 Սպասում ենք բոլոր երկրպագուներին Բարեկամության այգում։

Սպորտի նախարարությունում մարզական լրագրողների վարկածով 2025 թվականի Հայաստանի լավագույն թիմը ճանաչվել է

«Տարվա լավագույն թիմ» անվանակարգում հաղթող է ճանաչվել Հայաստանի ֆուտզալի ազգային հավաքականը։ Մրցույթի հաղթողների ամբողջական ցանկը հրապարակված է նախարարության պաշտոնական կայքում։

🇦🇲 Մեր հոկեյի ազգային հավաքականի ընդգրկումը թեկնածուների շարքում արդեն իսկ կարևոր ազդակ է ամբողջ հայկական հոկեյի համար և կատարված աշխատանքի ճանաչում։

⚽️ Շնորհավորում ենք ֆուտզալիստներին արժանի հաղթանակի կապակցությամբ և մաղթում հաջողություն Եվրո-2026 մրցաշարում։ Եվրոպայի առաջնությունում թիմն իր առաջին հանդիպումը կանցկացնի հունվարի 21-ին Ուկրաինայի դեմ, ապա կհանդիպի Չեխիայի և Լիտվայի հավաքականների հետ։