22/05/2026
Սաներս ավարտեցին ու ստացան սերտեֆիկատներ, որ ավարտել են քառամսյա կուրսը եւ ես բոլորին ասացի, որ դա հիշողություն է, բայց ոչ դասավանդելու հնարավորություն։ Այսօր յոգա դասավանդում է Երեւանում արդեն ամեն երկրորդ մարդ ու յոգայի դպրոցները սննդի խանութներից ավելի շատ են, այնքան շատ, որ մարդիկ արդեն խճճվում են՝ ուր գնան… Ես դասավանդում եմ արդեն քսան տարի, այդ ժամանակ քիչ էին յոգա կենտրոնները, լավ է, որ բացվում են, բայց վատ է, որ դասավանդում են յոգայից բացարձակ անտեղյակ, բայց մի քիչ ճկուն մարդիկ։ Յոգան մտքի ճկունության մասին է ու ներքին խաղաղության ու ազնվության։
Դասավանդման քսան տարիների ընթացքում թե ինչեր եմ տեսել , դա միայն ես գիտեմ։ Բայց միշտ զգոն եմ եղել ու ուժեղ, հաղթահարել եմ ամեն ինչ ու այնքան երջանիկ եմ, որ դրական մարդիկ ավելի շատ են, ու նրանք ինձ միշտ հանդիպում են ու ես նրանց հետ սիրով կիսում եմ գիտելիքս։ Յոգան … յոգան ներսիդ դեւերին հաղթելու մասին է, երբ քեզ մի «փշուր» լույս են տալիս՝ շնորհակալությամբ ընդունելն է։ Ես հենց սկզբից ասում եմ՝ չբողոքեք ոչ մի կենտրոնից, որտեղից եկել եք… անգամ եթե վնասվել եք, կապ չունի… բողոքող մարդը բոլորից է բողոքելու ու միշտ դժգոհ է լինելու, հետդ մեկի մասին բամբասողը մյուսի հետ քեզ էլ է քննարկելու, դա մարդու որակ է ու տեսակ։ Ու բողոքող մարդը միշտ դժբախտ է լ
