Sardarapat Football Club

☀️Վարդավառը նշեցինք, հիմա կարելի է մի քիչ հանգստանալ 💦

•

🥳 Այսօր «Սարդարապատ» ֆուտբոլային ակումբի պաշտպանն Արման Մկրտչյանը նշում է իր 27-ամյակը։

✨ Շնորհավորում ենք ծննդյան օրվա առթիվ և մաղթում քաջ առողջություն, վառ հաղթանակներ, վստահ խաղ, նոր նվաճումներ և մեծ հաջողություններ մեր թիմի կազմում։

•

✍️ ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ ․ ԼԵՎՈՆ ՊԵՏՐՈՍՅԱՆ

«Սարդարապատ» ֆուտբոլային ակումբը ուրախ է հայտարարել Լևոն Պետրոսյանի հետ պայմանագիր կնքելու մասին։

🇦🇲 22-ամյա ֆուտբոլիստը «Փյունիկի» սան է։ Լևոնը դեռ երիտասարդ տարիքից անցել է ակումբի համակարգով, իսկ 2022 թվականին կատարել է իր նորամուտը «Փյունիկի» գլխավոր թիմի կազմում Հայաստանի Պրեմիեր լիգայում։ Նա նաև ներկայացրել է Հայաստանի տարբեր տարիքային հավաքականներ։

Վերջին մրցաշրջանում Լևոնը վարձավճարով հանդես է եկել «Գանձասարում», որտեղ շարունակել է զարգանալ և ձեռք բերել կարևոր խաղային փորձ։

Վստահ ենք, որ նրա արագությունը, տեխնիկական որակները և առաջընթացի ձգտումը կարևոր դեր կունենան մեր թիմի առաջիկա մրցաշրջանում։

Բարի գալուստ «Սարդարապատ», Լևոն։ Մաղթում ենք վստահ խաղ, վառ պահեր և բազմաթիվ հաղթանակներ մեր գույներով։

•

ԲԱՐԻ ԳԱԼՈՒՍՏ ՏՈՒՆ, ՎԱՉԵ ԳԱԲՐԻԵԼՅԱՆ!

🤩 «Սարդարապատի» սան, դարպասապահ Վաչե Գաբրիելյանը վերադառնում է հարազատ ակումբ։

Անցած մրցաշրջանը Վաչեն վարձավճարով անցկացրել է ԲԿՄԱ-ում, որտեղ ձեռք է բերել կարևոր խաղային փորձ և շարունակել իր առաջընթացը։

👋 Ուրախ ենք կրկին տեսնել Վաչեին հարազատ գույներով և մաղթում ենք վստահ խաղ, բազմաթիվ հաջողություններ ու հաղթանակներ «Սարդարապատի» կազմում։

•

✌️Իր տեղում է և բոլորին մաղթում է հիանալի տրամադրություն։ 😄

•

🤩 «Արմավիրում կանանց ֆուտբոլի զարգացումը՝ որպես հավասարության, կրթության և հզորացման լծակ» ծրագրի շրջանակում կայացավ մեր կանանց թիմի համար նախատեսված առաջին հանդիպումը։

🇦🇲 Հյուրերն էին Հայաստանի ազգային հավաքականի ֆուտբոլիստուհիներ Լուսինե Կոստանյանը, Միլենա Սայադյանը և Էլինա Մարտիրոսյանը։

Նրանք կիսվեցին իրենց անցած ճանապարհով, պատմեցին իրենց փորձի, հաղթահարած դժվարությունների մասին և օգտակար խորհուրդներ տվեցին մեր երիտասարդ ֆուտբոլիստուհիներին։ Հանդիպումն անցկացվեց բաց հարցուպատասխանի ձևաչափով, ինչը հնարավորություն տվեց աղջիկներին անմիջականորեն շփվել ազգային հավաքականի խաղացողուհիների հետ։

👏 Ուրախ ենք ծրագրի շարունակության համար և վստահ ենք, որ այն կարևոր դեր կունենա մեր ֆուտբոլիստուհիների զարգացման ճանապարհին՝ ինչպես խաղադաշտում, այնպես էլ դրանից դուրս։

•

⚽️ Նոր մրցաշրջանին նախապատրաստվելու շրջանակում մեր թիմը կանցկացնի մի շարք ընկերական հանդիպումներ։

•

Դուք քվեարկեցիք, և հաղթողը հայտնի է։ 🏆

⚽️ Գոռ Աբրահամյանի գոլը «Անդրանիկի» դեմ՝ Հայաստանի Առաջին լիգայի 13-րդ տուրի խաղում, երկրպագուների քվեարկությամբ ճանաչվել է 2025/26 մրցաշրջանի լավագույն գոլ։

Մրցանակը Գոռին հանձնեց թիմի գլխավոր մարզիչ Ալեքս Տորեսը, իսկ թիմակիցները շնորհավորեցին նրան այս գեղեցիկ նվաճման կապակցությամբ։

Շնորհավորում ենք, Գոռ։ 👏

•

❌ ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ. ՎԴԵԺ ՄԿՐՏՉՅԱՆ

«Սարդարապատ» ֆուտբոլային ակումբը հայտնում է, որ հարձակվող Վրեժ Մկրտչյանի հետ աշխատանքային պայմանագիրը լուծվել է կողմերի փոխադարձ համաձայնությամբ։

2025/26 մրցաշրջանում Վրեժը մեր թիմի կազմում անցկացրել է 15 հանդիպում, դարձել 4 գոլի հեղինակ, որոնցից մեկը «Սարդարապատի» պատմության առաջին գոլն էր Հայաստանի գավաթի խաղարկությունում։

👏 Շնորհակալություն ենք հայտնում Վրեժին պրոֆեսիոնալիզմի, նվիրվածության և ակումբում ունեցած ներդրման համար։ Մաղթում ենք հաջողություն և նոր նվաճումներ հետագա կարիերայում։

•