Qendra Diagnostike Alfa

Keni ngrënë diçka dhe pas pak orësh ju fillon diarreja?
Mos nxitoni të fajësoni ushqimin. Në shumë raste, shkaktari mund të jetë krejtësisht tjetër.

Diarreja nuk është një sëmundje, por një simptomë që mund të ketë shumë shkaqe.

Shkaktarët më të shpeshtë janë:
🔹 Viruse
🔹 Baktere
🔹 Parazitë
🔹 Përdorimi i antibiotikëve
🔹 Intoleranca ndaj ushqimeve
🔹 Sëmundje të aparatit tretës

❗ Jo çdo diarre kërkon antibiotik. Në shumë raste, antibiotikët janë të panevojshëm, madje mund të jenë edhe të dëmshëm. Prandaj, trajtimi nuk duhet të bazohet në hamendësime.

Nëse diarreja zgjat më shumë se 2–3 ditë, shoqërohet me temperaturë, gjak në feçe, dhimbje të forta barku ose shenja dehidratimi, kërkoni vlerësim mjekësor.

Analizat mikrobiologjike të feçeve ndihmojnë në identifikimin e baktereve, parazitëve ose mikroorganizmave të tjerë përgjegjës për infeksionin, duke orientuar trajtimin e duhur.

📍 Në Laboratorin Alfa kryhen analiza mikrobiologjike të feçeve me standarde të larta cilësie dhe rezultate të besueshme.

Laboratori drejtohet nga Dr. Shk. Najada Gjylameti, mikrobiologe dhe Doktore e Shkencave, me përvojë në diagnostikimin laboratorik të infeksioneve.

✅ Trajtimi i duhur fillon gjithmonë me diagnozën e saktë, jo me hamendësime.

🟡 Thonjtë e zverdhur nuk do të thotë gjithmonë moshë.

Zverdhja, trashja ose ndryshimi i formës së thonjve shpesh i atribuohen moshës. Megjithatë, në shumë raste ato mund të jenë shenja të një infeksioni mykotik të thonjve.

Ky infeksion mund të prekë një ose disa thonj dhe, nëse nuk trajtohet siç duhet, mund të përparojë me kalimin e kohës.

⚠️ Kujdes nga produktet që premtojnë shërim të shpejtë të mykut të thonjve. Onikomikoza nuk diagnostikohet vetëm nga pamja e thoit dhe trajtimi duhet të bazohet në identifikimin e shkaktarit.

Ekzaminimi mikrobiologjik konfirmon diagnozën dhe ndihmon në zgjedhjen e trajtimit të duhur.

📍 Qendra Diagnostike Alfa
🔬 Dr. shk. Najada Gjylameti, mikrobiologe

Kruheni më shumë gjatë natës?
Mos e neglizhoni këtë shenjë.

Nëse kruajtja përkeqësohet gjatë natës, shkaku mund të jetë zgjebja (scabies), një infeksion i lëkurës i shkaktuar nga paraziti mikroskopik Sarcoptes scabiei.

🔍 Shenjat më të zakonshme janë:
✔ Kruajtje intensive, sidomos gjatë natës.
✔ Puçrra ose skuqje të vogla.
✔ Vija të holla në lëkurë, veçanërisht ndërmjet gishtave.

❗ Zgjebja nuk lidhet domosdoshmërisht me mungesën e higjienës dhe mund të prekë këdo.

Diagnoza e saktë është thelbësore për trajtimin e duhur.

Dr. Shk. Najada Gjylameti
Mjeke Mikrobiologe
Qendra Diagnostike Alfa

Ka disa shenja që shumë njerëz i neglizhojnë, duke menduar se do të kalojnë vetë.

Një nga shkaqet e mundshme është Tinea Pedis (myku i këmbës), një infeksion mykotik që shpesh fillon mes gishtërinjve me kruarje, skuqje ose lëkurë që zhvishet.

Kur nuk trajtohet, infeksioni mund të përhapet në pjesë të tjera të këmbës dhe, në disa raste, edhe tek thonjtë, duke e bërë trajtimin më të gjatë dhe më të vështirë.

Jo çdo ndryshim në lëkurë është domosdoshmërisht myk. Probleme të tjera të lëkurës mund të kenë pamje të ngjashme. Për këtë arsye, diagnoza e saktë është hapi më i rëndësishëm për të zgjedhur trajtimin e duhur.

Nëse simptomat vazhdojnë ose përkeqësohen, këshillohuni me mjekun.

📍 Qendra Diagnostike Alfa
👩‍⚕️ Dr. shk. Najada Gjylameti, mikrobiologe

Djegia, therja ose shqetësimi gjatë urinimit janë simptoma të zakonshme, por jo gjithmonë tregojnë praninë e një infeksioni urinar.

Tek gratë, këto shqetësime mund të lidhen edhe me infeksione vaginale, ndërsa tek burrat mund të shoqërohen me probleme të prostatës ose me infeksione seksualisht të transmetueshme. Në raste të tjera, shkaku mund të jetë një irritim jo infektiv i traktit urinar.

Prandaj, trajtimi nuk duhet të fillojë me antibiotikë pa u përcaktuar më parë shkaku i simptomave.

Urinokultura dhe ekzaminimet e tjera mikrobiologjike ndihmojnë në identifikimin e shkaktarit dhe në zgjedhjen e trajtimit të duhur.

📍 Qendra Diagnostike Alfa
🔬 Dr. shk. Najada Gjylameti, mikrobiologe

Keni vënë re njolla të bardha, kafe ose rozë në shpinë, gjoks apo qafë?

Shpesh ato i atribuohen ekspozimit në diell, por në disa raste mund të shkaktohen nga një infeksion mykotik sipërfaqësor i quajtur Pityriasis Versicolor.

Kjo gjendje është më e zakonshme gjatë muajve të nxehtë, kur djersitja dhe lagështia favorizojnë shumimin e kërpudhave që jetojnë normalisht në lëkurë.

Identifikimi i saktë i shkakut është i rëndësishëm për zgjedhjen e trajtimit të duhur. Ekzaminimi mikrobiologjik konfirmon diagnozën.

📍 Qendra Diagnostike Alfa
🔬 Dr. shk. Najada Gjylameti, mikrobiologe

Çfarë i ndodh lëkurës kur ekspozohemi në diellin e mesditës?

Dielli është i domosdoshëm për organizmin, por ekspozimi i zgjatur gjatë orëve me rrezatim më të fortë mund të dëmtojë lëkurën.

Midis orës 11:00 dhe 16:00, rrezet ultraviolet (UV) janë më intensive dhe mund të shkaktojnë:

☀️ Djegie të lëkurës
☀️ Plakje të parakohshme të saj
☀️ Shfaqjen e njollave pigmentare
☀️ Dëmtime të ADN-së së qelizave të lëkurës
☀️ Rritje të rrezikut për kancer të lëkurës

Për të mbrojtur lëkurën:

✔ Kufizoni qëndrimin në diell gjatë orëve të mesditës
✔ Përdorni krem mbrojtës me SPF të përshtatshëm
✔ Vishni kapelë dhe veshje mbrojtëse
✔ Mos harroni të hidratoheni rregullisht

Lëkura ka kujtesë. Dëmtimet nga dielli grumbullohen me kalimin e viteve, edhe kur pasojat nuk janë menjëherë të dukshme.

📍 Qendra Diagnostike Alfa
🧪 Kujdesi për shëndetin fillon me informacionin e duhur

Çfarë mund të fshihet pas mavijosjeve të shpeshta?

Mavijosjet janë të zakonshme pas një goditjeje, por kur ato shfaqen shpesh ose pa një shkak të qartë, mund të jenë një sinjal që nuk duhet neglizhuar.

Në disa raste, mavijosjet e shpeshta mund të lidhen me:

🔹 Mungesën e disa vitaminave dhe lëndëve ushqyese
🔹 Përdorimin e medikamenteve që ndikojnë në koagulimin e gjakut
🔹 Çrregullime të trombociteve ose faktorëve të koagulimit
🔹 Sëmundje të caktuara të mëlçisë apo të gjakut

Konsultohuni me mjekun nëse:

✔ Mavijosjet janë të shpeshta ose më të mëdha se zakonisht
✔ Shfaqen pa goditje të dukshme
✔ Shoqërohen me gjakderdhje nga hundët ose mishrat e dhëmbëve
✔ Duan shumë kohë për t’u larguar

Analizat laboratorike mund të ndihmojnë në identifikimin e shkakut dhe në marrjen e trajtimit të duhur.

📍 Qendra Diagnostike Alfa
🧪 Analiza laboratorike të besueshme për shëndetin tuaj.

A keni skuqje në faqe, kruarje ose ndjesi djegieje që vazhdojnë pavarësisht trajtimeve?

Jo çdo skuqje ka të njëjtin shkak.

Në disa raste, simptoma që ngjajnë me rozacean, dermatitin seborreik apo aknet mund të lidhen me praninë e Demodex, një parazit mikroskopik që jeton në lëkurë.

Në foton e dytë paraqitet pamja mikroskopike e Demodex brevis, e identifikuar në një rast të analizuar në laboratorin tonë.

Për shkak se simptoma të ngjashme mund të kenë shkaqe të ndryshme, diagnoza vetëm nga pamja e lëkurës nuk është gjithmonë e mjaftueshme. Analizat mikrobiologjike mund të ndihmojnë në identifikimin e shkakut dhe orientimin drejt trajtimit të duhur.

📞 068 854 6291

Diagnostikimet kryhen nga mikrobiologia
Dr. Shk. Najada Gjylameti

Qendra Diagnostike Alfa
Rr. Dibres, Nd. 132

A ju ka ndodhur të trajtoni skuqjen për një kohë të gjatë pa rezultat? Shkruani në koment.