RK Cricket Academy

فټنس؛ د غوره فعالیت بنسټ 🏏💪

د راشد خان کرکټ اکاډمۍ په روزنیز پروګرام کې د لوبغاړو فټنس او فزیکي چمتووالي ته ځانګړې پاملرنه کېږي.
په دې تمرین کې کوچ لوبغاړو ته د فټنس اړوند تمرینونه عملي ورښيي او د بدن د چمتووالي، تمرین د سمې طریقې او د لوبغاړو د فزیکي وړتیا د لوړولو په اړه مهمې سپارښتنې ورسره شریکوي، ځکه په عصري کرکټ کې فټنس یوازې چمتووالی نه؛ د غوره فعالیت یوه مهمه برخه ده.

‏

له اکاډمۍ تر نړیوال لوبغالي 🏏

هره لویه لاسته‌راوړنه د یوه منظم سفر پایله وي، په راشد خان کرکټ اکاډمۍ کې ځوان لوبغاړي د مسلکي روزنې، منظم تمرین او سیالۍ چمتووالي له لارې خپلې وړتیاوې پیاوړې کوي.

د هدف لپاره تمرین، د پرمختګ لپاره هڅه او د لویو میدانونو لپاره چمتووالی؛ دا د هغو لوبغاړو د سفر یوه برخه ده چې غواړي د افغانستان د کرکټ په راتلونکي کې خپل ځای ولري.

راشد خان کرکټ اکاډمي — د استعدادونو روزنځای🏏

🏏 د تمرین له میدان څخه د مهارتونو تر لوړې کچې!

په راشد خان کرکټ اکاډمۍ کې د نوي نسل لوبغاړو د تخنیکي وړتیاوو لوړولو ته ځانګړې پاملرنه کېږي. په دې روزنیز تمرین کې زموږ روزونکی ځوانو لوبغاړو ته د کور ډرایف (Cover Drive) د سمې اجرا، د توپ پر لاین د شاټ لوبولو، د بدن د توازن، د پښو مناسب حرکت او د بیټ د سم استعمال په اړه عملي روزنه ورکوي.
زموږ هدف دا دی چې ځوان استعدادونه له بنسټیزو مهارتونو څخه تر مسلکي کچې پورې وروزو، د هغوی استعدادونه وده ورکړو او د افغانستان کرکټ ته راتلونکي بااستعداده لوبغاړي وړاندې کړو.

راشد خان کرکټ اکاډمي؛ د استعدادونو کور او د راتلونکو اتلانو د روزنې مرکز!

د افغانستان الف لوبډلې او کورني کرکټ پیاوړی لوبغاړی، اصف موسی‌زی راسره وپېژنئ! 🏏

راشد خان کرکټ اکاډمي د استعدادونو کور!