Kashoo Digital

معروف اسلامی اسکالر ڈاکٹر اسرار احمدؒ کا ایک فکر انگیز پیغام سوشل میڈیا پر توجہ حاصل کر رہا ہے۔
جس میں کہا کہ ’’ حقیقی نیکی صرف نیک نظر آنے یا نیک کہلانے کا نام نہیں، بلکہ اپنے کردار اور اخلاق کو بہتر انسان بنانا ہی اصل نیکی ہے۔
’’ ہم نیک بننے کی بجائے صرف نیک نظر آنا اور نیک کہلانا چاہتے ہیں، حالانکہ یہی منافقت کی بدترین شکل ہے‘‘

ایران کے خاتم الانبیاء ہیڈکوارٹر کے کمانڈر جنرل علی عبداللہی نے کہا ہے کہ ایرانی افواج رہبر انقلاب سید علی خامنہ ای کے قت*ل کا بدلہ ضرور لےگی۔
ایک بیان میں کمانڈر جنرل علی کا کہنا تھا کہ قات*لوں سے قصاص لیں گے اور ان کو کیفر کردار تک ضرور پہنچائيں گے۔
ان کا کہنا تھا کہ دشمن ایرانی قوم کے غم کو ہرگز اس کی کمزوری نہ سمجھے، انہیں اپنے جرائم کا حساب دینا ہوگا۔ ایرانی قوم کے بہادر فوجی جوان دشمن کی نیندیں حرام کر دیں گے اور جلد یا بدیر ان دہش*تگردانہ جرائم کے ذمہ دار عناصر سے انتقام لے کر رہیں گے۔

اٹلی کی وزیراعظم جورجیا میلونی نے ایک بار پھر واضح کیا ہے کہ ان کا ملک ایران کے خلاف کسی بھی فوجی کارروائی میں حصہ نہیں لے گا۔ انہوں نے کہا کہ تنازع کے آغاز سے ہی اٹلی کا مؤقف مستقل اور غیر متزلزل رہا ہے اور حکومت نے اس حوالے سے اپنی پالیسی میں کوئی تبدیلی نہیں کی۔

میلونی کے مطابق اٹلی خطے میں کشیدگی بڑھانے کے بجائے سفارتی ذرائع، مذاکرات اور سیاسی حل کی حمایت کرتا ہے۔ انہوں نے زور دیا کہ مشرقِ وسطیٰ میں امن و استحکام کے لیے فوجی اقدامات کے بجائے بات چیت اور بین الاقوامی تعاون کو ترجیح دی جانی چاہیے۔
وزیراعظم کا کہنا تھا کہ اٹلی صورتحال پر گہری نظر رکھے ہوئے ہے اور اپنے اتحادیوں کے ساتھ رابطے میں ہے، تاہم ایران کے خلاف کسی بھی عسکری مہم کا حصہ بننے کا سوال ہی پیدا نہیں ہوتا۔

پاکستان اور امریکا کے درمیان دوطرفہ تجارتی تعلقات کے فروغ کے لیے واشنگٹن میں مذاکرات دوسرے روز بھی جاری ہیں، جن میں تجارت، سرمایہ کاری، آئی ٹی اور دیگر اہم شعبوں میں تعاون بڑھانے پر تفصیلی تبادلۂ خیال کیا جا رہا ہے۔

ذرائع کے مطابق پاکستانی وفد کی قیادت سیکریٹری کامرس جواد پال کر رہے ہیں، جبکہ وفد میں طاہر اندرابی سمیت دیگر اعلیٰ حکام بھی شامل ہیں۔ امریکی محکمۂ تجارت کے متعلقہ حکام بھی مذاکرات میں شریک ہیں۔

ذرائع کا کہنا ہے کہ پاکستان نے امریکا سے اپنی برآمدات پر عائد 19 فیصد ٹیرف میں کمی کا مطالبہ کیا ہے تاکہ پاکستانی مصنوعات کو امریکی منڈی میں بہتر رسائی حاصل ہو اور ملکی برآمدات میں اضافہ ممکن بنایا جا سکے۔

مذاکرات میں سرمایہ کاری، دوطرفہ تجارت، معاشی شراکت داری اور اقتصادی تعاون کو مزید وسعت دینے کے مختلف پہلوؤں پر بھی غور کیا جا رہا ہے۔
اس کے علاوہ آئی ٹی، صنعت، سرمایہ کاری اور دیگر اہم شعبوں میں مشترکہ منصوبوں اور تعاون کے نئے مواقع پر بھی بات چیت جاری ہے، جبکہ دونوں ممالک تجارتی روابط کو مزید مضبوط بنانے کے لیے مختلف تجاویز کا جائزہ لے رہے ہیں۔

بالی ووڈ اداکار عمران ہاشمی نے اپنے ایک حالیہ انٹرویو میں ماضی میں کیے گئے لاہور کے دورے کو یاد کرتے ہوئے وہاں کے لوگوں اور مہمان نوازی کی دل کھول کر تعریف کی ہے۔
بھارتی شو میں گفتگو کرتے ہوئے انہوں نے بتایا کہ جب وہ اپنی فلم "آوارہ پن" کی تشہیر کے لیے 2007 میں لاہور گئے تو وہاں انہیں توقع سے کہیں زیادہ پیار اور والہانہ استقبال ملا جس نے ان کے دل میں موجود تمام خدشات کو دور کر دیا۔
عمران ہاشمی کا کہنا تھا کہ لاہور کے لوگ بے حد مخلص ہیں اور وہاں انہیں جو شاندار مہمان نوازی ملی، ویسی محبت انہوں نے اپنی زندگی میں کبھی اور کہیں نہیں دیکھی، جبکہ پاکستانیوں میں ہندی فلموں کا زبردست کریز دیکھ کر بھی وہ دنگ رہ گئے تھے۔

اگر دنیا میں کسی نے فلسطینیوں کے دردکو محسوس نہیں کیا تو وہ انسان نہیں ہے، مصری فٹبال کوچ

پاکستان کرکٹ ٹیم کے سابق کپتان اور مایہ ناز بلے باز یونس خان نے لندن کے مشہور زمانہ بلیک کیبز (بلیک ٹیکسیوں) کے ساتھ اپنی ایک یادگار تصویر سوشل میڈیا پر شیئر کی ہے۔ انہوں نے لندن کے پوش علاقے میفیئر (Mayfair) سے اپنی اس تصویر کے ساتھ خوبصورت کیپشن لکھا: "The Black Cabs life of London!" (لندن کی بلیک کیبز والی زندگی!)۔
برطانوی ثقافت کا خاص حصہ سمجھی جانے والی ان روایتی کالی ٹیکسیوں کے سفر کو یونس خان نے اپنے دورہِ برطانیہ کے دوران خوب انجوائے کیا.