the_wonder_mum

شو أكتر شي “chic” برأيك بالتربية؟ 👇

١٠ سنين من الأمومة🤍🤍🤍

بالعادة ما بحب كتير اتصور. بفضّل عيش اللحظة أكتر من إني أوثّقها.

من فترة حلمت إني قاعدة على بلكون بيتنا بالضيعة وعم صوّر البيت، وعم قول لحالي: “خلّيني صوّر… لحتى إذا اشتقت، برجع بشوف الصور.”

بعد كم يوم، صارت الضيعة وبيتنا بمنطقة احتلال.

ومن وقتها صرت بتمنى لو عندي صور أكتر… للبيت، للضيعة، للوجوه اللي منحبها، وللتفاصيل اللي كنا مفكرين إنها رح تضل موجودة.

هالسنة قررت ما آخد ولا مكان ولا شخص تحصيل حاصل. رح صوّر أكتر، مش لأن الصورة أهم من اللحظة، بل لأن الذكريات بتستحق تنحفظ.
يمكن ما منقدر نحافظ على كل الاشخاص والأماكن… بس منقدر نحافظ على الذكرى لو بصورة🤍🤍

دروس حياة من كأس العالم لأولادنا ⚽🏆

كل مباراة بتخبّي قصة، وكل قصة فيها درس نقدر نهديه لولادنا.

𓂃 العمر مش عائق
ميسي قبل المونديال كانوا يقولوا “خلص، كبر، خلص وقته” — وهلق عم يسجّل هاتريك بعمر قريب من الـ٣٩. وفوزينيا، حارس مرمى الرأس الأخضر، احترف بعمر ٢٥ بس، ووصل لأول مونديال بحياته بعمر ٤٠ — وصدّ إسبانيا بكل ثقة. الحلم ما عنده عمر محدد.

𓂃 ما ضروري تكون الأقوى لتصنع تاريخ
الكونغو الديمقراطية وقفت بوجه البرتغال، فريق فيه نجوم العالم، وتعادلوا ١-١. ما خافت ولا تراجعت. حجمك الصغير ما بيمنعك تجرب وتفرض حالك.

𓂃 الثبات وقت الظروف الصعبة
منتخب إيران غيّر معسكره وتنقّل تحت ظروف معقدة، ومع هيدا كلو نزل لعب. واجهوا التحديات ولعبوا رغم كل الصعوبات. ما تراجعوا، ما استسلموا — وهيدا لحاله كافي.

أنا وولادي قاعدين نتفرج ونحكي عن هالأشياء كل ما نشوف ماتش 🤍

شو أكتر درس حسيتي انه ولادك استفاد منه من المونديال؟ شاركينا بالكومنت 👇

المثالية عم تدمّرك كأم.

كل ما تحاولي تكوني كاملة،
عم تبعدي عن الأهم…
إنك تكوني موجودة.

خفّفي عن حالك.
الاستمرارية أهم من المثالية.”
خبريني: شو الصورة المثالية للأم اللي حاطتيها ببالك وعم تتعبك كل يوم؟