Othmane Elbaladi

هو زياش راك مخلصيه مخلصيه سواء مشا او بقا لعب ولا ما لعبش يا حبيا يا بزز منك والخيار كيبقى ليك نتا و الذكاء ديالك

يا تخلصو و تخليه معاك الموسم القادم و تستاغل اللاعب لصالحك ( وهنا تنهدر على الاستغلال فيما هو كروي كالاستفادة من الخبرة ديالو الخ )

يا أنك تسيفطو فحالو و تطيح فالمشكل لي نتا على اساسو باغي تسيفطيه ، الفلوس !

حيت غادي تصدق مسيفطو فحالو و يبقى تابعك ليتيج ديال الاجر ديالو لي غادي تخلصو فيه بزز منك وها نتا ما درتي والو ، خسرتي لاعب كان ممكن يعاونك و خرجتي الفلوس لي كنتي خايف تخرج !

أيت منا: لورش ❌
العسري: زياش ⏳

الانتداب الجديد سفيان هيتلي دخل كبديل في المباراة الودية التي تجرى حاليا امام نهضة الزمامرة

و أخيرا تم الاعلان على انتداب جديد ولسان حال جماهير الوداد يقول :"هاديك أ الصيباري"!

لاعب جوكر يصلاح يلعب في اكثر من مركز هذي لا خلاف عليها ، تبقى الان الكلمة الفيصل للتيران

أول زماگري للعسري في طريقه للوداد الرياضي!

تايقين فالسعيدي وانه هذ الولد ماشي بحال لي سبقوه !

كونو أكيدين هذ الصمت ما كيعنيش أنه مكاين والو والإدارة ناعسة!

كيف قلت ليكم سابقا العسري طاح على الفويت فين كاين وعرف مصدر تقطر و تسرب الاخبار و جاب بلومبي صلح البزبوز!

وخير دليل صفقة الخلوفي ، ونفس الشيء غادي يتكرر ان شاء الله و غالبا هذ الاسبوع غادي يغفل كلشي !

مزال جاي الخير

here we go again ⏳

ما زال يتأرجح و حاليا الى دخل عليه شي نادي واقف ماديا غادي يستقطب لورش !

مطالب الاتحاد المالية + راتب اللاعب السنوي المرتفع هو ما يحول دون اتمام صفقة لورش لاي نادي لحد الان

كاين حل وسط لتخفيف العبء المادي وهو أنه يخرج إعارة

بوفال في الجهة اليسرى و محرز في الجهة اليمنى و بينهم حكيم زياش ... مزال لينا إشاعة وحدة في مركز رأس الحربة و نتهناو من الشق الهجومي هذ الميركاتو

كاس ديال اتاي و آجي نجمعو شويا !

علاقة بموضوع حكيم زياش والجلسة الأخيرة المرتقبة بينه وبين رئيس النادي ابراهيم العسري للاتفاق على صيغة تسلم اللاعب لمستحقاته و الحسم في مستقبله رفقة النادي - عندي اقتراح !

أولا سبق و قلت ليكم أن الناس اللي مع بقاء زياش عندها الحق، نظرا لقيمة اللاعب داخل المجموعة و أنها بدات كتشوف زياش من ركائز الفريق الخ ...

وكذلك الناس اللي لا تمناع رحيل اللاعب بدورها عندها الحق نظرا لأن اللاعب يثقل كاهل خزينة النادي المالية نظرا لمنحة اللاعب السنوية المرتفعة والتي تكفيك تقريبا لتسديد منحة 4 لاعبين بمستوى كبير + اللاعب لا أحد يختلف على جودته لكنه كثير الإصابات

حتال هنا كلشي مزيان ، اذا اشنو هو الاقتراح لي قلت في الأول؟

الاقتراح هو أن العسري يقتراح عليه بند المردودية ، يعني داكشي لي لعبتي و عاونتي الفريق بيه هو لي غادي تخلص عليه وحتى في حالة كنتي جاهز بدنيا و لكن ما لعبتيش نظرا لاختيارات المدرب تتخلص فيه عادي

ولكن فاش تغيب واحد المدة للإصابة أو يتكرر الامر فهنا مغادي تسال والو وهاكا غادي تستافد من اللاعب كوريا و تحمي خزينة النادي وهذشي من حقنا كيفما اللاعب متشبت بحقه

حيت راه وخا زياش يبقى مغاديش تستافد منو 100٪ نظرا لتكرار الاصابة والغيابات المتكررة للاعب

"السطاجير:" عادل رمزي مدرب مساعد لتشافي هيرنانديز بواحد من اكبر المنتخبات بالعالم ، المنتخب الهولندي!

تخايل معايا هذ سيد لي شي ناس عدنا مسمين عليه سطاجير خذا الثقة ديال تشافي هيرنانديز و المشرفين على الكرة الهولندية طمعا في تحسن نتائج هولندا الكروية !

الخلاصة ملي ما تكونش عندك مع شي واحد فراه عادي الغير عادي هو انك تنقص منو غير حيت ما مقتانعش بيه