Stade Tunisien Troll

برّا روّح عمّار معادش تجي

قاعدة رقم واحد : عمرك ما تحقر روحك و عمرك ما تحقر بلادك ولا ولد بلادك و تشكّ فيه لحظة

اخطانا من التفدليك و من الرّيق البارد و من التنبير و الrivalité اللّي نعيشو بيها و هذا عادي.. نحن شعب نتنفسو كورة و رياضة بصفة عامّة.
اليوم خليل العياري، التونسي لي عاش و كبر في حوم تونس و كوّر حياتو الكل في الستاد، قاعد يعطي فينا في درس.. حب النجاح و الخدمة ينجّمو يوصلوك و يخلّيك تشوف بعينيك كيفاه كان تزيد تخدم، تزيد تقدّم و تزيد توصل.
اليوم خليل الناس الكل قاعدة تشوف في بدنو كيفاه تحوّل ملّي خرج من السّتاد. خليل قاعد يقرأ زادة في اللغات و يتعلم بش كيف يحكيو معاه مدربين متاعو و صحابو بالفرنسية ولا انڤليزية يفهمهم و يجاوبهم و يتناقش معاهم. و حتى العباد لي دايرة بيه واقفين معاه و موش مقصرين معاه و ديما الكلمة الباهية و النصيحة الباهية.
صحيح خليل ولد الستاد و يحب الستاد و تربّى فيها.. اما اليوم خرج منها و مشى لبلاد أخرى في نادي كبير هازين كاس أوروبا و فيه ملاعبية كبار منهم واحد ختاروه احسن لاعب في العالم!
واعين لي خليل "التونسي" خرج من بطاحي الحومة و التيران الرأس ثلاثة آلاف و تيرانات الشرشور لي يتراناو فيهم الصغار في جمعيات الكورة في تونس.. إلى تيرانات باريس و لندرة و و و ..
شوية صبر بركة و برشة خدمة و جدّية من خليل … و ان شاء الله تونس يبدا عندها هي زادة الGolden Boy متاعها و علاش لا يهزّ الballon d’or حتّى متاع افريقيا..
جاية جينيراسيون كوارجية باهين برشة.. من خليل لحنبعل لتونكتي لآدم عروس لأنيس دوبال للغربي لوسيم سلامة و و و و خلينا ندزو معاهم بش يتطورو هوما و يشرفو العلم احسن تشريف 🇹🇳

ما فيها باس نشجعو بعضنا و عمرنا ما ننساو القاعدة رقم واحد!