Chouigui Village الشويقي

29/08/2026

حنة خونا عبد السلام ربي يهنيه❤️❤️

29/08/2026

رسالة محبة وعتاب إلى السيد صلاح بن عبدة
رئيس جمعية المائية جودة الحياة بالشويقي المستقبل

من: خالد الرياحي

أخي العزيز صلاح بن عبدة،

أكتب إليك هذه الكلمات بدافع المحبة والعتاب، لا بدافع اللوم أو الانتقاد. فأنا أعرفك شخصًا متواضعًا، خدومًا، ودائمًا ما تضع مصلحة المجموعة فوق مصلحتك الشخصية، وتبذل من وقتك وجهدك من أجل هذه الجمعية ومن أجل منطقتنا.

وكما قلتها لك دائمًا: أنت دون كيشوت الشويقي؛ الرجل الذي يريد أن يصلح ويجتهد ويسعى إلى الأفضل، حتى وإن كانت الظروف صعبة، وحتى وإن لم يجد في المقابل التعاون الكافي، ولو بالكلمة الطيبة التي قد تمنح الإنسان دفعة للاستمرار.

ومن جهتي، أعتذر لك إن كنت قد أسأت إليك يومًا بسبب عدم فهمي الكامل لما تقوم به، أو بسبب عدم مشاركتي لك بالشكل الذي تستحقه في ما تبذله من أجل هذه الجمعية.

لكن عتابي الوحيد لك، يا صلاح، هو: كيف لقائد السفينة أن يتركها وينزل إلى البر بحجة التعب؟

ألا تعرف يا أخي أن القائد هو المحارب الأول والأخير، وأنه لا يترك سفينته في منتصف الطريق؟ بل يبقى إلى آخر الرحلة، حتى وإن اشتدت الأمواج وصعبت الظروف.

وأنت يا صلاح، فيك شهامة أهلنا في جلاص. فهل رأيت يومًا جلاصيًا يتخلى عن إرثه أو يتركه في منتصف الطريق؟

لذلك أقول لك بكل محبة: كمل المسيرة، ولا تتخلَّ عن هذه السفينة.

لا أريد أن أجد نفسي في موقف مناشدة، لأنني أؤمن أنك تعرف حجم المسؤولية التي تحملتها، وتعرف أكثر من غيرك قيمة ما بدأت فيه.

وفي الأخير، تبقى الكلمة لك يا جاري العزيز، والقرار قرارك.

محبتي واحترامي لك، رغم العتاب.

خالد الرياحي

29/08/2026

نداء مواطنة: الى متى ومنطقة برج الحبيب ( الكريار ) بدون ماء؟!!!

29/08/2026

موعدنا الليلة بقدرة ربي

💙💐 **أجمل التهاني وأصدق الأمنيات للعروسين** 💐💙

تتقدّم صفحة **Chouigui Village** بأحرّ التهاني وأطيب التمنيات إلى العروسين : ابن الشويقي**عبد السلام** وحرمه، بمناسبة زفافهما المبارك.
نسأل الله أن يبارك لهما، ويبارك عليهما، ويجمع بينهما في خير، وأن يرزقهما حياة زوجية سعيدة مليئة بالمحبة والمودة والهناء. 🤍

🌹 **مبروك للعروسين، وبالرفاه والبنين إن شاء الله** 🌹
✨ بارك الله لكما وبارك عليكما وجمع بينكما في خير ✨

مع خالص محبتنا وتهانينا من أسرة **Chouigui Village** 💙

29/08/2026

مطلوب للعمل سيدة تحسن عمل الملاوي .
مركز العمل : طبربة
لمن تريد العمل الاتصال بالصفحة

29/08/2026

تجرى مراسم دفن المرحومة هانية التوكابري مباشرة بعد صلاة العصر
ربي يرحمها ويغفرلها

29/08/2026

إنا لله وإنا إليه راجعون

ببالغ الحزن والأسى، انتقلت إلى جوار ربها المغفور لها بإذن الله هانية العكروتي، أمّ حمّادي وصالح ورضا ومحمد وعلّالة.

نسأل الله العليّ القدير أن يتغمّدها بواسع رحمته، وأن يغفر لها ويرحمها، ويسكنها فسيح جناته، ويجعل قبرها روضةً من رياض الجنة، وينوّر مرقدها ويؤنس وحشتها.

اللهم ارزقها الفردوس الأعلى بلا حساب ولا عذاب، واربط على قلوب أبنائها وأهلها وذويها، وارزقهم الصبر والسلوان.

اللهم آمين 🤲

إنا لله وإنا إليه راجعون.

28/08/2026

كتبت ابنة الشويقي الصحفية فتحية سعادة مقالا مميزا في جريدة المغرب بعنوان : تونس عطشانة ...
تونس... «عطشانة».

بقلم فتحية سعادة :
تعيش البلاد التونسية منذ انطلاق صائفة 2026 على وقع أزمات متزامنة. فبعد أزمة انقطاع التيار الكهربائي الذي تسبب في العديد من الخسائر والأضرار سواء للتجار أو للمواطنين، وأزمة انقطاع المياه الصالح للشراب بمختلف الجهات، انطلقت مؤخرا أزمة جديدة تتمثل في تسجيل نقص كبير في المياه المعلبة التي وصلت خلال الآونة الأخيرة إلى الانقطاع التام في اغلب الجهات التونسية وخاصة في ولايات تونس الكبرى.

هذه الازمة على خلاف ما مرت به البلاد سابقا من أزمات "الزيت النباتي" و "القهوة" و "البطاطا"... فقد وجدت البلاد التونسية نفسها في مواجهة حقيقية و"خطيرة" -إن صح التعبير- تمس المواطن في أساسيات العيش الكريم. حيث تحدث تقرير المرصد الاجتماعي التونسي، عن تسجيل 373 تحركا احتجاجيا بسبب انقطاع الماء الصالح للشراب في شهر جويلية ، و305 تحركات بسبب انقطاع الكهرباء، أي 678 تحركا للمطلبين معا، بما يتجاوز 60 بالمائة من مجموع التحركات المسجلة خلال الشهر الفارط.

وأمام محدودية قدرة المؤسسات المعنية في تطويق هذه الأزمة و حلحلتها بصفة جذرية، تواصلت نداءات "الاستغاثة" من مختلف جهات البلاد لعل

آخرها كان التحرك الاحتجاجي الذي نفّذه أهالي منطقة "الشويقي" من معتمدية طبربة التابعة لولاية منوبة أول أمس الثلاثاء الموافق لـ25 أوت الجاري وذلك بعد انقطاع المياه الصالحة للشراب لمدة يومين متتالين بالتزامن مع الانقطاع التام للمياه المعلبة بالجهة. ووفق تصريحات بعض المحتجين لـ"المغرب" فقد أضطر اغلبهم إلى شرب مياه غير صالحة للاستعمال أصلا (مياه بئر).

في المقابل فقد استغل بعض التجار هذه الأزمة لتحويلها إلى فرصة "ثراء"، حيث لجأ البعض منهم إلى احتكار المياه المعلبة،حيث قال رئيس الجمهورية قيس سعيد في تصريح له بتاريخ 22 اوت الجاري أن "ما يحصل من قطع للماء والكهرباء في هذا القيض الحارّ ليس بالأمر الطبيعي، والمواطنون واعون بأنّ الهدف هو تأجيج الأوضاع بكلّ الطّرق وعازمون على التصدّي لكل هذه المحاولات البائسة واليائسة المعلومة المصدر، فحتّى قوارير المياه المعدنية غابت بدورها من الأسواق وهو ما لم يحصل من قبل. علما وأنه قد تمّ حجز أكثر من 80 ألف قارورة ماء معدني كانت مخفيّة في أحد المستودعات وتمّ توزيعها على الأسواق، كما تمّ توثيق عدد من الجرائم المتمثلة في قطع مقصود لعدد من أنابيب توزيع المياه فضلا عن أسلاك الكهرباء".
رابط المقال كاملا: https://ar.lemaghreb.tn/%D9%82%D8%B6%D8%A7%D9%8A%D8%A7-%D9%88%D8%A3%D8%B1%D8%A7%D8%A1/item/121087-%D8%AA%D9%88%D9%86%D8%B3-%D8%B9%D8%B7%D8%B4%D8%A7%D9%86%D8%A9

28/08/2026

Inside… أما المرة هاذي أنا البطل

من أكثر من عام شفت فيلم Inside.

وقتها تفرجت فيه كفيلم… قصة إنسان محبوس في بلاصة فخمة، عندو كل شيء تقريبًا، أما في لحظة يلقى روحو محاصر، بلا ماء، بلا كهرباء، والحرارة تخنق فيه… وكل دقيقة تعدّي تزيد تحسّو يضيق عليه المكان.

وقتها قلت: شنوة ينجم يعمل إنسان محبوس هكا؟ كيفاش ينجم يتحمل؟

اليوم، في الشويقي، فهمت.

خاطر ولّيت أنا ذاك البطل.

موش محبوس في غرفة كيما هو، أما محبوس في واقع ما عنديش عليه حتى سيطرة.

الحرارة تضرب.
الماء مقطوع.
الكهرباء تقطع.
والنهار طويل… والليل أطول.

تسكّر الشبابيك باش تحاول تهرب من السخانة، تلقى روحك تختنق.
تحلّهم، تدخل عليك سخانة كيف النار.
تستنى الماء… ما يجيش.
تستنى الضو… ما يرجعش.
وتقعد تسأل روحك: إلى متى؟

المشكل موش كان في الماء والكهرباء.

المشكل في الإحساس اللي يجي مع كل انقطاع:

إحساس إنك ماكش محسوب.

إنك مواطن، أما حاجات أساسية كيما الماء والكهرباء والقدرة على العيش في دارك تولّي امتياز تستناه، موش حق طبيعي.

وفي وسط صيف يذوّب الحجر، تلقى روحك مطالب فقط إنك "تصبر".

اصبر على العطش.
اصبر على السخانة.
اصبر على الظلام.
اصبر على الأعطال.
اصبر على التأخير.
اصبر… وكأن المواطن التونسي خلق باش يصبر، موش باش يعيش.

أما شقدّاش باش نصبروا؟

الغريب إننا وصلنا لمرحلة ولات فيها أبسط الحاجات تعمل فينا إحساس بالترف.

دوش بالماء؟ نعمة.
مروحة تخدم؟ نعمة.
ثلاجة تبرد؟ نعمة.
تنجم ترقد بالليل من غير ما تفيق مخنوق من السخانة؟ حتى هاذي ولات نعمة.

شنوة بقى من الحياة الطبيعية وقت اللي الأساسيات ولات أحلام؟

في Inside، البطل كان محبوس داخل مكان فاخر، وكان يحاول بكل الطرق يلقى مخرج.

أما في الشويقي، السؤال اللي يوجع أكثر هو:

وين نمشيو؟

نخرج من الدار؟ للشارع… والسخانة.
نقعد في الدار؟ بلا ماء وبلا ضو.
نستنى؟ نستنى شنوّة؟
نحتج؟ يقولولك اصبر.
نتكلم؟ يقولولك الظروف صعيبة.

وكأن المواطن مطلوب منو يفهم كل شيء…
إلا هو، ما يلزم حد يفهمو.

أنا ما نحبش نعيش دور البطل في فيلم.

ما نحبش نكتشف قيمة الماء وقت اللي يتقص.
ما نحبش نكتشف قيمة الكهرباء وقت اللي يولي الحر لا يطاق.
ما نحبش نولي خبير في كيفية قضاء نهار كامل في الظلام والسخانة.

نحب نعيش عادي. فقط.

نحب نفتح الحنفية ونلقى الماء.
نحب نشعل الضو ويخدم.
نحب ندخل لداري ونحسها أمان، موش زنزانة.

من أكثر من عام شفت Inside ونسيت الفيلم.

أما اليوم، الفيلم رجعلي وحدو.

خاطر فما فرق كبير بين إنك تتفرج على إنسان يختنق على الشاشة…

وإنك في نهار من نهارات الصيف، وسط الشويقي، تبدأ تحس بنفس الاختناق وأنت واقف في دارك.

وقتها تفهم اللي أسوأ حاجة موش انقطاع الماء.

ولا انقطاع الكهرباء.

أسوأ حاجة هي إنك تبدأ تتعوّد.

تتعوّد على العطش.
تتعوّد على الظلام.
تتعوّد على السخانة.
وتتعوّد على إنو حقك الأساسي في العيش بكرامة، لازمك كل مرة تطالب بيه.

وهنا بالضبط، الفيلم ما عادش فيلم.

ولّينا إحنا الحكاية.

27/08/2026

تم اليوم في منطقة الكريار توزيع كميات هامة من الماء بالتعاون بين الامن والمرور والجيش الوطني.