МД Мактаби ҷумҳуриявии маҳорати олии варзишӣ оид ба варзишӣ сабук

03/10/2026

3.10 2026, шаҳри Душанбе
САЛОМАТИ САРВАТИ БЕБАҲО:

Бо мақсади тарғиби тарзи ҳаёти солим, баланд бардоштани сатҳи фаъолияти ҷисмонӣ ва ҷалби ҷомеа ба машғулиятҳои варзишӣ, имрӯз дар Боғи фарҳангӣ-фароғатии Парчами давлатӣ машқҳои пагоҳирӯзӣ ва роҳгардии саломатӣ — терренкур баргузор гардид.
Дар чорабинии солимгардонӣ кормандони вазорату идораҳо ва дигар сохторҳои давлатӣ иштирок намуда, бо иҷрои машқҳои ҷисмонӣ ва роҳгардии саломатӣ ба таҳкими саломатӣ ва ташаккули тарзи ҳаёти солим мусоидат намуданд.
Машқҳои пагоҳирӯзӣ ва роҳгардии мунтазам яке аз воситаҳои муҳими нигоҳдории саломатӣ, баланд бардоштани неруи ҷисмонӣ ва рӯҳияи инсон ба ҳисоб мераванд.
«Миллати ҷисман солим — рӯҳан низ муқтадир ва шикастнопазир аст!»
📸 Аксҳо аз рафти машқҳои пагоҳирӯзӣ ва терренкур — роҳгардии саломатӣ.

29/09/2026

ҶАЛАСАИ ҶАМЪБАСТИИ ФАЪОЛИЯТИ МУАССИСАИ ДАВЛАТИИ МАКТАБИ ВАРЗИШӢ САБУК ДАР 9 МОҲИ СОЛИ 2026 БАРГУЗОР ГАРДИД!

Дар Муассисаи давлатии "Мактаби ҷумҳуриявии маҳорати олии варзишӣ оид ба варзиши сабук" ҷаласаи ҷамъбастии фаъолияти муассиса баргузор гардид.

Дар ҷаласа намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон иштирок намуда, оид ба натиҷаҳои бадастомада, рушди варзиши сабук, тарбияи варзишгарони баландмаҳорати ҷавон ва вазифаҳои минбаъда суханронӣ намуд.

Зимни ҷаласа таъкид гардид, ки ҳар як натиҷаи баланд самараи меҳнати варзишгар, маҳорати мураббӣ ва фаъолияти дастаҷамъона мебошад. Дар баробари дастовардҳо, самтҳои такмили омодагии варзишгарон ва ҳадафҳои нави муассиса низ муайян гардиданд.

28/09/2026

19/09/2026

19.09.2026

🧹 ТОЗАГӢ ГАРАВИ САЛОМАТӢ

Имрӯз бо мақсади ободонӣ, тозаву озода нигоҳ доштани муҳити зист ва баланд бардоштани фарҳанги экологӣ дар гирду атрофи муассиса ва Варзишгоҳи марказӣ корҳои ободонӣ ва тозагӣ баргузор гардиданд.
Дар рафти корҳои дастаҷамъона кормандони муассиса гирду атрофи муассиса ва варзишгоҳро аз партовҳои пластикӣ, зарфҳои яккарата ва пакетҳои полиэтиленӣ тоза намуда, дар тозаву озода нигоҳ доштани муҳити атроф саҳми худро гузоштанд.
Чунин иқдомҳо барои нигоҳдории муҳити зист, тарғиби фарҳанги тозагӣ ва ташаккули ҳисси масъулиятшиносӣ дар байни кормандон ва аҳли ҷомеа аҳамияти муҳим доранд.
Аксҳо аз рафти шанбеги.

19/09/2026

19.09.2026 |
шаҳри Душанбе
🏃‍♂️ МАШҚҲОИ ПАҲОГИРӮЗӢ ВА РОҲГАРДИИ САЛОМАТӢ
Имрӯз дар Боғи фарҳангӣ-фароғатии «Парчами давлатӣ» бо иштироки намояндагони вазорату идораҳо машқҳои пагоҳирӯзӣ ва терренкур — роҳгардии саломатӣ баргузор гардид.
Ҳадаф аз баргузории чунин чорабиниҳо тарғиби тарзи ҳаёти солим, ҷалби шаҳрвандон ба машғулиятҳои ҷисмонӣ ва баланд бардоштани нақши варзиш дар ҷомеа мебошад.
📸 Аксҳо аз рафти машқҳои пагоҳирӯзӣ ва терренкур — роҳгардии саломатӣ.

10/09/2026

09/09/2026