نادي حي المطار غرب

* *

*أهمية الرياضة للأطفال - 3 دقايق بتفرق في حياة ولدك*

يا أمهات وآباء حي المطار 💚
الرياضة ما رفاهية للأطفال.. دي أساس!

*5 فوائد سريعة:*
1. *تقوي الجسم* وتحمي من الأمراض
2. *تزيد التركيز* في المدرسة
3. *تطلع الطاقة* بدل الشاشات والتلفون
4. *تعلم التعاون* واحترام الفريق
5. *تبني شخصية قوية* وواثقة

*3 نصائح ذهبية:*
1. *30 دقيقة يومياً*: كورة، جري، نط الحبل. أي حركة كفاية
2. *الموية أهم شي*: قارورة موية معاه في كل تمرين
3. *خليه يختار*: ما تجبرو على رياضة معينة. خليه يستمتع

*وجبات خفيفة سودانية بسيطة بعد التمرين:*
1. *بلح + موية* = طاقة سريعة وسنة
2. *فول مدمس + عيش* = بروتين يقوي العضلات
3.منقة او برتقالة* = فيتامينات ومناعة
4. *زبادي + عسل* = يبرد الجسم ويرجع النشاط

*يلا دوركم هسي 👇*
ورونا في التعليقات: ولدك بلعب ياتو رياضة؟
وما تنسوا *متابعة + لايك + شير* للصفحة عشان كل أهل الحي يستفيدوا
واكتبوا *اللهم صل وسلم على سيدنا محمد* ❤️

#

لجنة التسيير والخدمات لحي المطار غرب

Management and Services Committee - Al-Matar West
* *
💪 🇸🇩 🇸🇩 💪

*إلى أهلنا الكرام داخل السودان وخارج السودان*
*إلى شباب الخير والمغتربين سند البلد في دول المهجر *

السلام عليكم ورحمة الله

نحن شباب نادي ومنتزه حي المطار العائلي بولاية الجزيرة حاصرة مدينة - ودمدني
شغالين على مشروع نهصة واعمار مباني سباب الحي بعد الحرب

وهوا مشروع
تكملة *غرفة النادي والمنتزه* عشان يكون متنفس آمن ونظيف لأطفالنا وأهلنا.

*الحمد لله وصلنا 90%*
*وفاضل لينا حاجات بسيطة عشان نكمل:*
1. *7 ألف طوبة*
2. *تكملة السقف*
3. *باب + 2 شباك*
4 بياض وطلاء داخلي وخارجي للغرفة ۔

*التكلفة التقديرية المتبقية: 3,580,000 جنيه*
ثلاثة مليون وخمسمئة وثمانون ألف جنيه فقط

*رسالتنا ليكم:*
يا أهلنا في الداخل... مساهمتك ولو بسيطة بتفرق.
يا مغتربين يا فخرنا... المبلغ البتدفعوه في طلعة برة، هنا ببني مكان لميت أسرة.

*السودان ما بتبنيهو الحكومة براها. السودان بنبنيهو نحنا سوا*
*"يد واحدة ما بتصفق"*

ساهم باللي بتقدر عليه. ما تستصغر أي مبلغ ولو قليل ۔

*للتواصل والمساهمة:
الحساب الرسمي
باسم لجنة التسيير والخدمات - حي المطار غرب
حساب
بنك ام درمان الوطني
باسم :
لجنة التسيير والخدمات لحي المطار غرب
حساب رقم :
1464621
او عبر حساب سكرتير اللجنة
حساب الاخ اسامة مدني عوض
حساب بنك الخرطوم
حساب رقم :
7911585

اهم شي في الاشعار في التعليقات
اكتب كلمة (( تبرع لحي المطار ))
يرسل الاشعار الي الرقم
+249123806604

*للاستفسار:* [رقم واتساب]
سوداني+249123806604
زين :
0918100707

ياربت الناس تعمل اعجاب 👍ومتابعة✌️ ومشاركة للمنشور في كل القروبات العندك علشان نصل لاكبر عدد ممكن من المشاهدين

* #معاً_نكملها *
💪 🇸🇩 🇸🇩 💪

ولاية الجزيرة - ودمدني
💥تنبيه عام 💥

💥 معلومه صحية 💥
مع بشريات الخريف وتقليل سخانة الجو محتاجين نتكلم عن
بعد الطرق والنصائح البسيطة للتخلص من الباعوض من داخل المنازل
يجب اولا وقبل كل شي
👈تخلص من المياه الراكدة، افراغ مكيفات القش ولو مره واحده كل اسبوع ۔
ولو عندك ميزانية ماليه معقولة ممكن تركب شبك النملي على النوافذ ۔
ثانيا :
استخدم الروائح القوية مثل الليمون مع القرنفل أو زيوت النعناع واللافندر ودي بتتلقي عند العطارين في سوق ملجة الخضار جوار محلات صيانة العجلات ودي دعاية مجانية ليهم😆 ، ويمكن استخدام المبيدات الحشرية وهنالك ايضاء محلات متوفره فيها بالقرب من جزارات اللحمة في شرق ملجة الخصار - سوق ودمدني ،،، أو اجهزة الصواعق الكهربائية ان وجدت ودي صعبة شويه لاغلب الاسر ۔

الطرق الطبيعية والمنزلية:
💥🔥💥🔥🔥💥💥
،اعمل التجربة دي واديني رايك فيها :👍

• الليمون والقرنفل: جيب ليك فقط ليمونة واقطع اليمونة إلى نصفين واغرس فيهما حبات القرنفل، ثم ضعهما في زوايا الغرف.

• الزيوت العطرية: استخدم زيت اللافندر، أو النعناع، لدهن الجلد أو رشها بالأرجاء.

• النباتات الطاردة: ازرع النعناع، أو الريحان، أو اللافندر بالقرب من مداخل البيت ونوافذه.

الوقاية وإغلاق المنافذ :-

• إزالة المياه الراكدة: افرغ أواني الزهور وأماكن تجمع الماء الأسبوعية لمنع تكاثر البعوض، واذا لاحظت في براميل الموية بعض اليرقات داخل المياه عليك بافراغ موية البرميل فورا وغسله ،ثم عبي المياه النظيفة وغطي البرميل جيدا ،ولو مافي غطاء للبرميل ،استعمل شوالات السكر البلاستبكية لاغلاق براميل المياه ۔
•
• واخر شي كسلان وجيت من الشغل تعبان وماعندك زمن لكل الاشياء القلناها ليك سابقا ، وحتي لو عندك ناموسية لكن كسلان تربطة ۔ اخد النصيحه دي مني 👇
• وانت راجع اقرب صيدلية ،، بقالة ،،، طبلية بكون متوفر عندهم كريم اسمو سوفيل
• Sofeelفي ظرف قدر ظروفك ۔
• او نوري NOORI وده في شكل انبوب صغير بكفيك انت ولي اطفالك في البيت لكن متوفر امتر شي في الصيدلايات ۔
• المهههم في الاخر ماتخلي الباعوض تقرص في جسمك وتنقل فايروس الملاريا ۔
ولحظي ماوالي الجزيره يحن علينا ويعمل حملات رش للطور الناقل عبر عربات الرس الضبابي او عبر طيارات الرش زي ماشفنا السنة الفاتت ايام الخريف والضنك ۔
• ياريت لو امكن تنشروها في كل القروبات خاصة قروبات ودمدني علشان تعم الفايدة ۔

بسم الله الرحمن الرحيم
ولاية الجزيرة حاضرة مدينة - ودمدني
لجنة التسيير والخدمات لحي المطار غرب
Management and Services Committee - Al-Matar West

🌻 شكر وعرفان 🌻
امس الجمعة الموافق: 31 / 07 / 2026
بكل السعادة والفخر والاعتزاز، تشكر لجنة حي المطار غرب شباب الحي الذين استجابوا لنداء اللجنة في حملة نفير إحياء منتزه حي المطار غرب العائلي، والذي تضرر ضرراً كبيراً في أثناء أيام الحرب اللعينة التي اجتاحت ولاية الجزيرة عامة، وأحياء ود مدني خاصة

وقد تمثلت النفرة في يوم الجمعة المرحلة الأولى في إعادة صيانة سور المنتزه الذي سُرقت أجزاء كبيرة من أعمدته الحديدية، والسلك الحامي لحدوده.

إن إعادة التأهيل والصيانة تأتي أيضاً في سياق حماية أراضي وميادين وأصول الحي الثابتة من التغول والاستيلاء عليها.

وتعتبر هذه الأصول من المرتكزات الأساسية لنهضة شباب الحي، والذين يمارسون فيها الأنشطة الرياضية والثقافية والاجتماعية كافة، كما تُعد من الأصول التي يجب المحافظة عليها وحمايتها، وتعتبر هذه الميادين والمنتزهات المتنفس الطبيعي لكل أسر ومواطني وشباب الحي.

لذا، يجب لزاماً على كل شباب المطار غرب الاهتمام بها، والاعتناء بما وجدوه من أساس خصب وإرث ثابت تركه لنا آباؤنا، ليتم توارثه جيلاً بعد جيل من أبناء الحي.

كل الشكر لكل خيرة شباب الحي وبدون فرز، والذين كانت استجابتهم بدافع الانتماء ووعيهم بما يملكونه من أراضٍ ومبانٍ يجب الاهتمام بها.

وإن شاء الله، شباب الحي وأعضاء اللجنة عازمون على تكملة نواقص ميدان كرة القدم، وتسوير المنتزه، وتكملة الغرفة الأولى.💪

دمتم ودام عزكم شباب حي المطار غرب.
وشكرا۔

اعلام اللجنة
🇸🇩💪🇸🇩
MSC - AMW

فرص استثمارية للراغبين في ولاية الجزيرة - حاضرة مدينة ودمدني

نادي حي المطار غرب نادي ولجنة اسرة حي المطار غرب بولاية الجزيرة 🇸🇩 حاضرة مدينة ودمدني 🇸🇩هوا نادي اسري ثقافي ،، رياضي ،، اجتماعي . للربط بين الاسر اجتماعيا وثقافيا 👍 والتكافل والتكامل والتواصل بين سكان الحي الواحد في كل المناسبات التي تخص اهل وساكني حي المطار غرب

لجنة التسيير والخدمات لحي المطار غرب
Management and Services Committee - Al-Matar West

تعلن لجنة حي المطار غرب بولاية الجزيرة - مدينة ودمدني ۔
تعلن توفير فرص استثمارية داخل الحي وهي عبارة :
توفير قطعة ارض داخل الحي لتشييد عدد اثنين ملاعب خماسية للايجار الشهري ۔

كما توجد قطعة ارض للراغبين مخصصة لتشييد مشتل للزهور واشجار الظل ۔

وهنالك فرصة للراغبين في اقامة كافيهات داخل منتزه الحي الاسري ۔

لمزيد من الاسئلة وللاستفسار الرجاء التواصل علي الارقام التالية :
واتساب
0123806604
اتصال :
0123712765
اسامة مدني عوض
سكرتير لجنة حي المطار غرب
او عبر التقديم علي رابط اللجنة لدي صفحة الفيس بوك ۔
نادي حي المطار غرب

نادي حي المطار غرب نادي ولجنة اسرة حي المطار غرب بولاية الجزيرة 🇸🇩 حاضرة مدينة ودمدني 🇸🇩هوا نادي اسري ثقافي ،، رياضي ،، اجتماعي . للربط بين الاسر اجتماعيا وثقافيا 👍 والتكافل والتكامل والتواصل بين سكان الحي الواحد في كل المناسبات التي تخص اهل وساكني حي المطار غرب