05/06/2026
🏏🔥 موسیٰ زئی پریمیئر لیگ سیزن 2 – گرینڈ فائنل 🔥🏏
موسیٰ زئی پریمیئر لیگ سیزن 2 کا شاندار فائنل آج موسیٰ زئی قلندر اور موسیٰ زئی گلیڈی ایٹر کے درمیان کھیلا گیا، جس میں شائقینِ کرکٹ کو ایک زبردست اور سنسنی خیز مقابلہ دیکھنے کو ملا۔
ٹاس جیت کر موسیٰ زئی گلیڈی ایٹر نے پہلے بیٹنگ کا فیصلہ کیا اور جارحانہ انداز اپناتے ہوئے مقررہ 10 اوورز میں 177 رنز کا بڑا مجموعہ ترتیب دیا۔
گلیڈی ایٹر کی جانب سے شیخ فاروق نے شاندار بیٹنگ کا مظاہرہ کرتے ہوئے 63 رنز اسکور کیے، جبکہ ابوہریرہ نے 30 اور عبدالشکور نے 28 رنز کا اہم اضافہ کیا۔ 🏏⚡
جواب میں موسیٰ زئی قلندر نے ہدف کے تعاقب میں بھرپور مزاحمت کی، تاہم مقررہ 10 اوورز میں 169 رنز تک محدود رہی۔ قلندر کی جانب سے شیخ انعام نے 89+ رنز کی شاندار اننگز کھیل کر ٹیم کو کامیابی دلانے کی بھرپور کوشش کی، لیکن مطلوبہ ہدف حاصل نہ کیا جا سکا۔ 👏🏏
موسیٰ زئی گلیڈی ایٹر نے بیٹنگ، باؤلنگ اور فیلڈنگ کے شعبوں میں بہترین کھیل پیش کرتے ہوئے 7 رنز سے فتح اپنے نام کی اور موسیٰ زئی پریمیئر لیگ سیزن 2 کا ٹائٹل اپنے نام کر لیا۔ 💪🔥🏆 اپنی شاندار بیٹنگ پرفارمنس کی بدولت شیخ فاروق مین آف دی میچ قرار پائے۔ ❤️🏆
🏅 اختتامی تقریب کے مہمانِ خصوصی شیخ شعیب نے لیگ کے نمایاں کھلاڑیوں اور آفیشلز میں ٹرافیاں تقسیم کیں۔
🎯 معاویہ گل کو لیگ میں 9 وکٹیں حاصل کرنے پر بیسٹ وکٹ ٹیکر باؤلر آف دی لیگ کی ٹرافی سے نوازا گیا۔
🏏 شیخ انعام کو لیگ میں 350+ رنز اسکور کرنے پر بیسٹ بیٹسمین آف دی لیگ کا اعزاز دیا گیا۔
⭐ جواد نصیر کو پورے ٹورنامنٹ میں شاندار آل راؤنڈ کارکردگی دکھانے پر بیسٹ آل راؤنڈر آف دی لیگ کی ٹرافی سے نوازا گیا۔
🎖️ جبکہ گرینڈ فائنل میں بہترین اور غیر جانبدار امپائرنگ کے فرائض سرانجام دینے پر اظہر خان اور شیخ سجاد کو بھی خصوصی ٹرافیوں سے نوازا گیا۔