https://www.facebook.com/103087291508748/

Ang Haraya RNHS, Cadlan, Pili, Camarines Sur (2026)

14/07/2025

Tuklasin ang Iyong Talento sa Pagsusulat!!

Ang Haraya, ang opisyal na publikasyon sa Filipino ng Rodriguez NHS, ay kasalukuyang naghahanap ng mga bagong mamamahayag na may talento sa:

- Editorial Cartooning
- Pagsusulat sa Agham at Teknolohiya
- Pagsusulat ng Sports
- Pagsulat ng balita

Kung ikaw ay interesado, huwag palampasin ang pagkakataong ito! Makipag-ugnayan kay Mam Vernice para sa karagdagang detalye.

Tara na at maging bahagi ng Pamilyang Haraya!!

✍️🎨Elvy Nueva Bueno

19/04/2025

Salamat Rod High!

Paano nga ba sisimulan ang mensaheng ito?
Paano palalalimin ang damdaming totoo?
Sa mahiwagang baso ni Madam Principal,
Doon namin nasilayan ang aming tadhana’t dangal.

Tadhana marahil ang siyang nagdala,
Sa inyo pong piling, mga g**o naming mahal.
Kayo’y maririlag, maginoo’t bihasa,
Sa sining ng pagtuturo, sa pusong may adhika.

"Learning Through Experiences"—kay gandang pakinggan,
Ngunit higit pa roon ang aming naranasan.
Samahang umusbong gaya ng manggang hinog,
Dating hilaw at maasim, ngayo’y matamis at buo.

Sa loob ng apatnapu’t limang araw na makulay,
Tatlongdaan at animnapung oras ng tunay,
Pagtatasa, paggabay, at pagtutuwid ng landas,
Ang bawat isa sa amin ngayo’y may bagong lakas.

Mula Banghay-Aralin hanggang pagsusulit,
Mga TOs at demo, lahat po’y di malilimot.
Sa bawat puna at wasto ninyong pagsita,
Kami'y nahubog—mas tiyak, mas may tiwala.

Ang araw na ito'y tuldok ng yugto,
Ngunit bantas din ito ng bagong pagsuyo.
Salamat, G**o! Salamat sa inyo!
Dahil sa inyo'y mas nakilala namin ang aming pagkatao.

Sa aming Tribo ng Baao na ngayon ay sumasaya,
Sa mga g**o, emcee, at bawat naging kasama,
Kami’y lubos na nagpapasalamat, buong puso't diwa,
Sa pagtanggap at pagkalinga sa Rodriguez NHS na mahalaga.

Ako po si G. Jay Cuenco Morillo, taos-pusong bumabati,
Kasama ang aking pangkat, buong pusong nagpupugay.
Hanggang sa muli, kami’y lilisan nang may ngiti,
Baon ang aral at alaala—di malilimot kahit kailanman, kahit saan kami mapadpad.

Ang mga saknong na ito ay binigkas ni G. Morillo noong ika-10 ng Abril, 2025 sa pampinid na palatuntunan ng kanilang internship sa Rodriguez National High School.

17/04/2025

Maligayang pagtatapos!
🎓🎓🎉🎉🎉
Isang taos-pusong pagbati sa aming sports writer na nagtapos na May karangalan! Hindi lang mahusay sa pagsusulat ng balita, kundi isa ring tunay na talentado — mahusay kumanta at tumugtog.

Mamimiss ka namin sa Ang Haraya at sa Teen Center. Maraming salamat sa talento, sigla, at inspirasyong ibinahagi mo sa amin.

Good luck sa bagong kabanata ng iyong buhay! Dalangin namin ang patuloy mong tagumpay!

17/04/2025

30th Recognition Ceremony, Isinagawa ng RNHS

Noong Abril 15, 2025, ganap na alas-8 ng umaga, matagumpay na isinagawa ng Rodriguez National High School ang kanilang 30th Recognition Ceremony sa malaking bulwagan ng paaralan. Dinaluhan ito ng mga mag-aaral mula Baitang 7 hanggang Baitang 11 na pinarangalan dahil sa kanilang kahusayan sa akademikong larangan, kasama ang kanilang mga magulang.

Pinasimulan ang programa sa pamamagitan ng prosesyonal ng mga mag-aaral na may karangalan kasama ang kanilang magulang, mga g**o at mga panauhin na sinundan ng Entrance of Colors na pinangunahan ni G. Julio San Lorenzo, CAT facilitator. Kasunod nito ay ang sabayang pag-awit ng Pambansang Awit sa kumpas ni G. Reymart Oco.

Ang panalangin ay pinangunahan naman nina Leonard Recania at Lourdes Elutin. Pagkatapos nito ay nagbigay ng isang makabuluhang pambungad na pananalita ang punong-g**o ng paaralan. Isa rin sa mga panauhing pandangal si Gng. Mae Ann Beldad, nagtapos sa RNHS noong 2009, na nagbahagi ng kanyang karanasan at tagumpay na nagsilbing inspirasyon sa mga mag-aaral.

Sinimulan ang paggawad ng mga karangalan sa mga mag-aaral ng Baitang 7, kasunod ang Baitang 8. Bago ipagpatuloy ang programa, nagtanghal ang grupong "Spice Angels" at si Christine Narido na nagpakitang-gilas sa kanilang talento.

Pagkatapos ng pagtatanghal, ipinagpatuloy ang pagbibigay ng karangalan sa mga mag-aaral mula Baitang 9 hanggang Baitang 11. Bilang pagtatapos ng programa, isang pangwakas na pananalita ang ibinigay ni Gng. Myra Luzon bilang pasasalamat at pagbati sa mga mag-aaral at kanilang mga magulang.

Ang seremonyang ito ay naging patunay ng pagpupunyagi, sipag, at dedikasyon ng mga mag-aaral ng Rodriguez National High School sa kanilang pag-aaral.

✍️Lyra Bea Cena
📸Lawrence Delmiguez
Tom A.
Paul E.
Sir Jojit

17/04/2025

Generation of Unity: Partners for the New Philippines, Tema ng Pagtatapos 2025 sa RNHS

Noong Ika-14 ng Abril, 2025 sa ganap na ika-1:00 ng hapon, matagumpay na isinagawa ang Ika-8 Taunang Pagtatapos ng Senior High School at Ika-2 Pagtatapos ng Alternative Learning System (ALS) sa malaking bulwagan ng Rodriguez National High School. Isinagawa ang seremonya sa ilalim ng temang "Generation of Unity: Partners for the New Philippines", na sumasalamin sa diwa ng pagkakaisa at sabayang pagtahak sa landas ng pagbabago at pag-unlad.

Sinimulan ang programa sa isang maringal na Processional March ng mga magsisipagtapos, magulang, g**o, at mga panauhing pandangal. Kasunod nito ang Entrance of Colors na isinagawa ng CAT Corps Staff. Inawit naman ang Pambansang Awit ng Pilipinas sa pangunguna ni G. Marvin S. Obaña, habang pinangunahan ni Bb. Christine Joy J. Largado ang taimtim na panalangin.

Nagbigay ng mainit na Welcome Remarks si G. Jojit T. Velasco, ALS Coordinator at Faculty President. Sinundan ito ng Presentation of Candidates for Graduation ni Punongg**o Belen N. Adriatico, at Acceptance and Confirmation of Graduates mula kay Norma P. Samantela, CESO V, Schools Division Superintendent na kinatawan ni G. Carlos Fajardo, PSDS ng Pili West.

Nagpaabot rin ng kanyang mensahe ang Public Schools District Supervisor ng Pili West, si G. Baby Carlos P. Fajardo, na nagbigay inspirasyon at papuri sa mga nagsipagtapos.

Sa Distribution of Diplomas, pinangunahan ng mga tagapayo ang pamamahagi para sa bawat seksiyon:

GAS 1 – Rousella Victoria P. Labiste
GAS 2 – Catherine M. Transona
GAS 3 – Abegail S. Despuig
ALS – Joehel I. Valle
HE – Lani C. Sapinoso
ICT – Salvacion B. Margallo

Kasunod nito, ipinakilala ni Gng. Lani C. Sapinoso ang panauhing tagapagsalita, si G. Cyril E. Anacin mula sa Naga College Foundation, na naghatid ng makabuluhang mensahe ukol sa pagkakaisa, kabataan, at papel ng edukasyon sa pagbuo ng bagong Pilipinas. " Hindi hadlang ang kahirapan para makapag-tapos" wika pa niya.

Ipinagkaloob din ang mga Medalya at Sertipiko ng Pagkilala sa mga natatanging mag-aaral sa tulong ng mga Senior High School Coordinators at Advisers, sa pangunguna ng punongg**o.

Nagpaabot ng Words of Gratitude si Elaine S. Taduran(May Mataas na Karangalan), habang pinangunahan ni Jessica D. Roño (May Mataas na Karangalan) ang Pledge of Loyalty. Sama-samang inawit ng mga magsisipagtapos ang Song of the Graduates, at sinundan ng Closing Remarks mula kay Punongg**o Adriatico.

Ang seremonya ay pormal na winakasan sa pamamagitan ng Recessional March ng mga graduates, magulang, panauhin, at mga opisyal mula sa paaralan.

✍️J. Bautista
📸Law's Project
Paul E.
ToM Agustin

16/04/2025

Isang mainit na pagbati sa mga manunulat ng Ang Haraya, ang opisyal na Filipino publication ng RNHS!

Saludo kami sa inyong dedikasyon, talino, at pagmamahal sa wikang Filipino. Nawa’y magpatuloy ang inyong apoy sa pagsusulat—ang inyong mga salita ay may kakayahang gumising ng diwa, magpukaw ng damdamin, at magbigay-inspirasyon sa marami.

Ipagpatuloy ninyo ang paglikha, paglalathala, at pagbabahagi ng mga kwento at ideyang tunay na Haraya!

Mabuhay kayo, mga manunulat! Sumulat pa kayo nang sumulat!

16/04/2025

RNHS Grade 10 Completers, Kinilala sa Ika-10 Completion Ceremonies

Pili,Cam. Sur — Sa isang makasaysayang seremonya, pinarangalan ang mga Grade 10 completers ng Rodriguez National High School (RNHS) sa ika-10 Completion Ceremonies na ginanap ngayong taon sa ilalim ng temang "Generation of Unity: Partners for a New Philippines."

222 na mag-aaral ang nagtapos ng Junior High School sa RNHS. Ang seremonya ay ginanap sa malaking bulwagan ng Rodriguez Nation High School. Ang mga Completers ay tumanggap ng sertipiko bilang pagkilala sa kanilang matagumpay na pagtatapos sa junior high school.

Nagsimula ang seremonya sa pamamagitan ng processional ng mga estudyandeng magtatapos, mga magulang, mga g**o at panauhing tagapagsalita. Kasunod ang entrance of colors ng C.A.T Corps staff, sinundan ng pag-awit ng Lupang Hinirang at isang panalangin na pinangunahan ni Bb. Liah Petrasanta (May mataas na Karangalan).

Nagbigay ng pambungad na mensahe si G. Jojit Velasco, na nagpaabot ng kanyang pagbati sa mga completers at pasasalamat sa mga magulang at g**o sa kanilang suporta. Sinundan ito ng pormal na kumpirmasyon ng mga completers na isinagawa sa pamamagitan ni Gng. Belen Adriatico, bilang kinatawan ng Schools Division Superintendent ng SDO Cam Sur.

Ang isa sa tampok ng programa ay ang mensahe mula sa panauhing pandangal, si G. Alfon John Pato, RNHS alumnus mula sa batch 2009. Ibinahagi niya ang kanyang karanasan bilang dating mag-aaral at kung paano naging pundasyon ng kanyang tagumpay ang edukasyong kanyang na pulot sa RNHS. "Kung sakali mang maka-tagpo ka ng problema,wag mo itong sukuan,kundi hanapan mo ng solusyon ang iyong problema." Wika ni G. Alfon John Pato.

Matapos ang inspirasyong talumpati, isinagawa ang pagbibigay ng academic awards at special award para sa mga natatanging mag-aaral at ang pagbibigay ng sertipiko na patunay ng kanilang pagtatapos. Isa namang taos-pusong mensahe ng pasasalamat ang ibinahagi ni Ariel Blanco(May mataas na karangalan), habang pinangunahan ni Job Zachary Caraan ang Batch President ang Pledge of Loyalty bilang tanda ng katapatan at pagmamahal ng batch sa kanilang Alma Mater.

Tinapos ang seremonya sa pamamagitan ng isang batch song na puno ng emosyon,hiyawan at sayawan, at closing remarks mula kay Gng. Joy Papares ang grade 10 coordinator, na nagpahayag ng kanyang paghanga at pag-asa sa hinaharap ng mga completers. At sa huli ang exit colors ng C.A.T bilang isang patunay ng matagumpay at pagtatapos ng seremonya.

Maituturing na tagumpay ang programa hindi lamang bilang pagtatapos ng isang yugto ng pag-aaral, kundi bilang pagsisimula ng panibagong kabanata sa buhay ng mga kabataan—isang hakbang tungo sa pagiging tunay na katuwang sa paghubog ng Bagong Pilipinas.

✍️Elvy N. Bueno(May Mataas na Karangalan)
📸Law's Project
Paul E.
ToM Agustin

11/04/2025

Blanquera at Bautista, Kampeon sa Pagsulat ng Tula at Sanaysay sa Buwan ng Panitikan 2025

Noong ika-7 hanggang ika-8 ng Abril 2025, ipinagdiwang ng Central Bicol State University of Agriculture (CBSUA) sa pangunguna ng Sentro ng Wika Kultura at Sining (SWKS) ang Buwan ng Panitikan na may temang Sikad Panitikan: Kultura at Panitikan ng Kaunlaran. Sa pagdiriwang na ito, kinilala ang husay nina Earnest Blanquera sa pagsulat ng tula at Jessa Bautista sa pagsulat ng sanaysay.

Sina Blanquera at Bautista ang naging mga kinatawan ng Rodriguez National High School, na buong galing na nagtagumpay sa kani-kanilang larangan. Si Blanquera, sa tulong ng kanyang tagasanay na si Gng. Vernice Marie Barela, ay nagpakita ng husay at lalim sa kanyang tula na sumasalamin sa papel ng panitikan sa pag-unlad ng kultura at lipunan. Samantala, si Bautista ay ginabayan ni G. Baran sa paglikha ng kanyang sanaysay na tumalakay sa ugnayan ng panitikan at kaunlaran ng bansa.

Ang Buwan ng Panitikan ay taunang ipinagdiriwang tuwing Abril, alinsunod sa Proklamasyon Blg. 968 na nilagdaan noong 2015, na naglalayong bigyang-halaga ang panitikang Pilipino bilang pamanang pangkultura. Sa pamamagitan ng mga ganitong pagdiriwang, patuloy na naipapamalas ng CBSUA ang kanilang dedikasyon sa pagpapalaganap at pagpapaunlad ng panitikang Pilipino, kasabay ng pagbibigay-pugay sa mga natatanging talento ng mga kabataan sa bansa.

31/03/2025

Rodriguez NHS, Namayagpag sa Skills Olympic 2025

Muling pinatunayan ng mga mag-aaral mula sa Senior High School ng Rodriguez National High School ang kanilang husay at galing sa Skills Olympic 2025, na ginanap sa Mariners Polytechnic College mula Marso 24 hanggang 26, 2025. Ipinamalas ng mga kalahok ang kanilang talento sa iba't ibang larangan at naiuwi ang over-all 1st Runner-Up.

Maganda ang naging simula ng kompetisyon para sa Rodriguez National High School matapos magwagi sa iba't ibang kategorya:

Master Chef - Ika-2 Pwesto

Francis Bantayan (11-HE)

Karla Maine Nacario (11-HE)

Jaylorenz Rombo (11-HE)

Pagguhit ng Poster - Ika-3 Pwesto

Ej Labis (11-HE)

Precy Mae Teoxon (12-GAS 1)

Paggawa ng Slogan - Ika-3 Pwesto

Trixie Cada

Nagpatuloy ang tagumpay ng mga kalahok sa ikalawang araw ng kumpetisyon:

Pagdekorasyon ng Cake - Unang Pwesto

Hershan Euste (11-HE)

Cherry Burtanog (11-HE)

Table Skirting - Unang Pwesto

Elaine Taduran (12-GAS 1)

Loraine Molina (12-GAS 1)

Freyah Bandola (12-GAS 1)

Sales Pitching - Ika-3 Pwesto

Vincent Lamer (11-HE)

Tour Guide - Ika-3 Pwesto

John Roel Bauat (11-HE)

Battle of the Brains - Ika-3 Pwesto

Nicole Co (12-GAS 1)

Earnest Blanquera (12-GAS 1)

Ivan Alvin Beltrano (11-GAS 2)

Hindi magiging posible ang tagumpay ng mga mag-aaral kung wala ang patnubay at suporta ng kanilang masisipag na coach:

Rousella Labiste

Minda Zaldua

Maria Eula Gutierrez

Lubos na ipinagmamalaki ng Rodriguez National High School ang kanilang mga estudyanteng nagpamalas ng husay at dedikasyon sa Skills Olympic 2025. Ang kanilang pagsisikap at determinasyon ay nagbigay ng malaking karangalan sa paaralan. Maligayang pagbati sa lahat ng nagwagi pati na rin sa kanilang mga tagasanay!

📸✍️Ni COle

24/03/2025

RNHS, Matagumpay na Ipinagdiwang ang Ika-30 Anibersaryo

Cadlan, Pili– Isang makasaysayang pagdiriwang ang isinagawa ng Rodriguez National High School sa kulminasyon ng kanilang ika-30 anibersaryo. Sa loob ng apat na araw ng kasayahan at pagkakaisa, itinampok ang iba’t ibang programa upang bigyang-diin ang tatlong dekadang dedikasyon ng paaralan sa edukasyon at paghubog ng talento ng mga mag-aaral.

Sa huling araw ng pagdiriwang, isang makulay na motorcade ang ginanap dakong alas-otso ng umaga. Tampok dito ang mga kandidato ng Mr. & Ms. Foundation 2025 na buong siglang naglibot mula sa paaralan, patungong Palestina, Naga Airport, at pabalik sa Rodriguez NHS. Kasama rin sa parada ang mga g**o, mag-aaral, at ang DXC, na naging bahagi ng masayang selebrasyon.

Pagkatapos ng parada, itinanghal sa malaking bulwagan ang mga bagong hirang na Mr. & Ms. Foundation 2025. Tinanghal bilang Ms. Foundation si Lhay Arianne Ubalde mula sa 9-Ruby, samantalang si Jaderick Rivera mula sa 9-Emerald naman ang nagwaging Mr. Foundation. Matapos ang koronasyon, opisyal na ipinasa sa kanila ang titulo ng dating Mr. & Ms. Foundation.

Kasunod nito, nagbigay ng kasiyahan at sigla ang isang masayang Zumba session para sa lahat ng g**o at mag-aaral. Sa pamamagitan ng sayawan, lalong nadama ang diwa ng pagsasama-sama ng buong paaralan.

Sa pagsapit ng hapon, isang natatanging pagtatanghal ang isinagawa kung saan ipinamalas ng mga g**o, estudyante, at student teachers ang kanilang mga talento. Napuno ng sigawan at tawanan ang bulwagan habang ipinakita nila ang kanilang husay sa pagsayaw, pagkanta, at iba pang kahanga-hangang talento. Ayon sa ilang mag-aaral, nagbigay ito sa kanila ng bagong paghanga sa kanilang mga g**o matapos makita ang kanilang mga natatanging kakayahan.

Bilang bahagi ng programa, pinarangalan din ang tatlong g**ong nagsilbi sa paaralan sa loob ng tatlong dekada—sina Gng. Mila Elquiero, Gng. Elisa Cabida, at Gng. Evelyn Mayor. Isang taos-pusong pagpupugay ang ibinigay sa kanila bilang pagkilala sa kanilang di-matatawarang kontribusyon sa edukasyon ng kabataang Rodriguez NHS.

Sa pagtatapos ng pagdiriwang, nagpaabot ng awit ng pasasalamat sa ang mga nagtanghal sa matagumpay na selebrasyon ng ika-30 anibersaryo ng Rodriguez NHS. Ang apat na araw ng paggunita ay hindi lamang isang pagsasaya kundi isang patunay ng pagkakaisa at patuloy na pag-unlad ng paaralan sa loob ng tatlong dekada.

✍️Elvy Bueno
📸D. Princess Laurente
E. Bueno
E. Blanquera

Ang Haraya RNHS

14/07/2025

19/04/2025

17/04/2025

17/04/2025

17/04/2025

16/04/2025

16/04/2025

11/04/2025

31/03/2025

24/03/2025

Address

Telephone

Website

Alerts

Contact The Business

Shortcuts

Share

Listing takedown request