Malunga Youth Club is a cricket organization of Galyang-01,Malunga. Organize cricket tournaments.
10/07/2026
मालुङ्गा युथ क्लब (MCC) लाई समाजसेवी रमेश बस्यालज्यूले खेलकुदको प्रवर्द्धन तथा प्रोत्साहन गर्ने उद्देश्यले आज २ वटा ब्याट, स्टम्प र बल हस्तान्तरण गर्नुभएको छ।
उहाँको यस सहयोगप्रति मालुङ्गा युथ क्लब (MCC) हार्दिक आभार व्यक्त गर्दछ। यस्ता सहयोगले स्थानीय खेलकुदको विकास र खेलाडीहरूलाई थप उत्साह मिल्ने विश्वास लिएका छौँ। धन्यवाद!
07/06/2026
मालुङ्गा युथ क्लब–MCC द्वारा स्वास्थ्य उपचाररत गल्याङ नगरपालिका–१, मालुङ्गा टुनिबोट निवासी श्री रुक्मागत बस्याल (राजु बस्याल) ज्युको उपचारका लागि रु. ५,००० आर्थिक सहयोग प्रदान गरिएको जानकारी गराउँदछौं।
उहाँको शीघ्र स्वास्थ्य लाभको कामना गर्दै थप सहयोगका लागि सबैमा हार्दिक अनुरोध गर्दछौं। 🙏
17/05/2026
द युथ स्टार क्लबले गल्याङ नगरपालिका अन्तर्गत खुला वडा स्तरीय Super Six क्रिकेट प्रतियोगिता आयोजना गर्दैछ।
मिति: २०८२ जेठ ४ गतेदेखि ९ गतेसम्म
स्थान: मालुङ्गा खेल मैदान
दर्ता शुल्क: रु. 3500/-
पुरस्कार: प्रथम — रु. २५,०००, दोस्रो — रु. १५,००० + शिल्ड र प्रमाणपत्र
“विकास निर्माणका काम गर्दा विनाश नहोस्” भन्ने सन्देशसहित मालुङ्गा युथ क्लब–MCC ले सम्बन्धित निकायको ध्यानाकर्षण गराउन चाहन्छ।
हाल टुनिबोटदेखि फाटा जाने बाटो निर्माण कार्य भइरहेको छ । तर निर्माण सामग्रीहरू भलिबल ग्राउण्डमा लथालिङ्ग हुने गरी राखिँदा ग्राउण्डको अवस्था निकै खराब बनेको छ। खेल मैदान युवाहरूको साझा सम्पत्ति भएकाले यसको संरक्षणमा पनि ध्यान दिन आवश्यक छ।
निर्माण कार्य सम्पन्न भएपछि उक्त ग्राउण्डलाई पहिलेकै स्वरूपमा व्यवस्थित र संरक्षण गरिनेछ भन्ने आशा गरेका छौं।
यस विषयमा सम्बन्धित जनप्रतिनिधि तथा सरोकारवाला निकायको गम्भीर ध्यानाकर्षण गराउन चाहन्छौं।
मालुङ्गा यूथ क्लब–MCC ले गल्याङ प्रिमियर लिग (GPL) को तयारीका लागि महत्त्वपूर्ण भूमिका निर्वाह गर्दै पिच निर्माण कार्य सुरु गरेको छ। यही चैत्र २७ गतेदेखि सुरु हुन गइरहेको GPL लाई सफल बनाउन क्लबले आफ्नो तर्फबाट सक्दो सहयोग गरिरहेको छ।
मालुङ्गा यूथ क्लब–MCC सधैं क्रिकेटको विकास र प्रवर्द्धनमा अगाडि सर्दै आएको छ, र हामीले गर्न सक्ने हरेक सम्भव प्रयास गर्दै आएका छौं। आगामी दिनहरूमा पनि क्रिकेटलाई अझ उचाइमा पुर्याउने हाम्रो प्रतिबद्धता निरन्तर रहनेछ।
आदरणीय
मेयर ज्यू श्री गुरु प्रसाद भट्टराई तथा
वडा नं. १ का वडा अध्यक्ष ज्यू श्री मणि प्रसाद बस्याल,
सादर नमस्कार। 🙏
सिद्धार्थ राजमार्गको जिरोदेखि राम्दी सम्मको सडक क्षेत्रमा पछिल्लो समय सवारी साधन तथा यात्रुहरूबाट जथाभावी फोहोर फाल्ने क्रम अत्यधिक बढ्दै गएको देखिएको छ। यसले सडक वरपरको वातावरण, प्राकृतिक सौन्दर्य तथा सार्वजनिक स्वास्थ्यमा नकारात्मक असर पारिरहेको छ।
त्यसैले यस विषयमा नगरपालिकाको ध्यानाकर्षण गराउँदै ➡️"फोहोर व्यवस्थापन, चेतनामूलक कार्यक्रम सञ्चालन, आवश्यक स्थानहरूमा डस्टबिनको व्यवस्था तथा नियमित अनुगमन" गर्न पहल गरिदिनु हुन हार्दिक अनुरोध गर्दछौं।
यो विषय ➡️स्थानीय सरकार सञ्चालन ऐन अन्तर्गत स्थानीय तहको जिम्मेवारी भित्र पर्ने भएकाले वडा कार्यालय र नगरपालिकाबाट समन्वय गरी आवश्यक कदम चालिने अपेक्षा गरेका छौं।
हामी Malunga Youth Club-MCC का तर्फबाट पनि यस क्षेत्रमा ➡️सचेतना फैलाउने तथा सरसफाइ अभियानमा सहकार्य गर्न पूर्ण रूपमा तयार रहेको जानकारी गराउँछौं।
यस विषयमा शीघ्र पहल हुने विश्वासका साथ।
धन्यवाद।
Malunga Youth Club-MCC
गल्याङ नगरपालिका–१
मालुङ्गा युथ क्लब (MCC) का तर्फबाट हार्दिक अनुरोध!
आगामी २०८२ फागुन २१ गते को प्रतिनिधिसभा सदस्य निर्वाचन नेपालको लोकतन्त्रलाई थप मजबुत, पारदर्शी र जनमुखी बनाउने सुनौलो अवसर हो। २०८२ भदौको युवा नेतृत्वको आन्दोलनले भ्रष्टाचार, असमानता र खराब शासनविरुद्ध जनताको आवाजलाई शक्तिशाली बनाएको थियो। अब यो निर्वाचनमा तपाईंहरूको बहुमूल्य मतले देशको भविष्य निर्धारण गर्नेछ।
हाम्रो क्षेत्र (स्याङ्जा क्षेत्र नं. 2) मा देखाइएका प्रमुख उम्मेदवारहरूको सही नाम यस प्रकार छन्:
खिम बहादुर थापा (नेकपा (एमाले))
भागवत प्रकाश मल्ल (नेपाली कांग्रेस)
पदम बहादुर विक (नेकपा)
झबिलाल दुम्रे (राष्ट्रिय स्वतन्त्र पार्टी - रास्वपा)
रविन पाठक (राष्ट्रिय प्रजातन्त्र पार्टी - राप्रपा)
यी सबै उम्मेदवारहरूलाई समान सम्मान गर्दै, मालुङ्गा युथ क्लब (MCC) ले तपाईंहरूलाई बुद्धिमत्तापूर्वक मतदान गर्न हार्दिक अनुरोध गर्दछ। उम्मेदवारको नीति, विगतको कार्यसम्पादन, इमानदारी, विकासप्रतिको प्रतिबद्धता र जनताप्रतिको जवाफदेहितालाई गहन रूपमा मूल्यांकन गर्नुहोस्। भ्रष्टाचारमुक्त, समावेशी, युवा-केन्द्रित, रोजगारीमूलक र स्थिर सरकार निर्माण गर्न सक्ने योग्य व्यक्तिलाई छान्नुहोस्।
हाम्रो क्षेत्र (स्याङ्जा जस्ता मध्य पहाडी जिल्लाहरूमा) मा बाँदरहरूले खेतीबालीमा ठूलो क्षति पुर्याउने समस्या अहिले सबैभन्दा ठूलो चुनौती बनेको छ। यसले गर्दा धेरै किसानहरूले खेती छोड्नुपरेको छ, जसबाट स्वास्थ्य, बेरोजगारी, गरिबी र समुदायको आर्थिक अवस्था थप खराब हुँदै गएको छ। बाँदरहरूले मकै, तरकारी, फलफूल आदि बाली नष्ट गर्छन्, जसले परिवारको खाद्यान्न सुरक्षा र आयलाई प्रत्यक्ष असर पार्छ।
जलवायु परिवर्तन, शिक्षा, स्वास्थ्य, कृषि र युवा रोजगारी जस्ता हाम्रा स्थानीय तथा राष्ट्रिय मुद्दाहरूलाई प्राथमिकता दिने उम्मेदवारलाई मत दिनुहोस्।
तपाईंको एक मतले ठूलो परिवर्तन ल्याउन सक्छ – यसलाई सही र जिम्मेवार ठाउँमा प्रयोग गर्नुहोस्। निर्वाचन आयोगले निष्पक्ष, शान्तिपूर्ण र स्वतन्त्र निर्वाचन सुनिश्चित गर्न प्रयास गरिरहेको छ; हामी सबैले यसमा सक्रिय सहयोग गरौं।
मालुङ्गा युथ क्लब (MCC) ले सधैं युवा र समुदायको विकास, खेलकुद (विशेष गरी क्रिकेट) र सामाजिक जागरणमा योगदान दिइरहेको छ। हामीसँगै मिलेर नेपाललाई उज्ज्वल बनाऔं!
"बुद्धिमानीपूर्वक मतदान गर्नुहोस्"!
जय नेपाल!
मालुङ्गा युथ क्लब - MCC