Manchester United HAUSA Channel

1. Manchester City da Manchester United na zawarcin Manu Koné

Manchester City ta shiga takarar neman ɗan wasan AS Roma, Manu Koné, inda ta fara zawarcinsa.

Sai dai ana ci gaba da alakanta ɗan wasan da komawa Manchester United, kamar yadda jaridar Daily Mail ta wallafa.

2. Manchester United na gab da ɗaukar Carlos Baleba

Manchester United na gab da kammala ɗaukar ɗan wasan Brighton, Carlos Baleba, kan kuɗi da ake hasashen ya kai fam miliyan 75.

Kamar yadda aka bayyana a jiya, Manchester United ta sake komawa zawarcin ɗan wasan cikin gaggawa.

Rahotanni sun ce Baleba ya riga ya amince da komawa Manchester United, bayan da aka cimma yarjejeniya ta baka da baka tsakanin ɓangarorin.

Ana sa ran ɗan wasan zai sanya hannu kan kwantiragin shekaru biyar da Manchester United.

3. Berbatov ya yaba da sayayyar Manchester United

Tsohon ɗan wasan Manchester United, Dimitar Berbatov, ya bayyana gamsuwarsa da yadda Manchester United ta gudanar da kasuwar sayayya a bana.

Berbatov ya yaba da ƙoƙarin ƙungiyar wajen ƙarfafa tawagarta, inda ya ambaci ƴan wasan da s**a haɗa da Andrey Santos, Youri Tielemans da Carlos Baleba.

A cewarsa, ƙungiyar ta samu waɗannan ƴan wasan ne kan kuɗi kusan fam miliyan 150.

4. Rio Ferdinand ya hasashen wanda zai lashe Premier League

Tsohon ɗan wasan Manchester United, Rio Ferdinand, ya bayyana ra'ayinsa kan wanda yake ganin zai lashe gasar Premier League a bana.

Ferdinand ya yi hasashen cewa Arsenal ce ke da babbar damar lashe gasar, musamman duba da yadda ƙungiyar ta gudanar da kasuwar sayayya.

Ya kuma yi nuni da cewa Arsenal ta ci gaba da ƙarfafa tawagarta, inda har a jiya ta ɗauki ɗan wasa Konsa.

Ferdinand na ganin cewa Manchester United, Manchester City, Liverpool da Chelsea ba za su iya yin gogayya da Arsenal wajen neman kambun Premier League ba.

5. Paul Pogba ya bar AS Monaco

Tsohon ɗan wasan Manchester United, Paul Pogba, ya bar ƙungiyar AS Monaco bayan da aka soke kwantiraginsa.

Hakan ya biyo bayan yawan raunin da ɗan wasan ke fama da shi, wanda ya hana shi samun damar taka leda akai-akai.

Tun bayan komawarsa AS Monaco, Pogba ya buga wasanni shida kacal.

Wannan ne ya sa wasu ke kira ga ɗan wasan da ya yi ritaya daga buga ƙwallo, yayin da wasu ke ganin cewa ya kamata ya aje takalmansa saboda yana ci gaba da fama da rauni.

Sai dai matarsa, Zulay Pogba, ta mayar da martani ga masu wannan magana, inda ta ce waɗanda ke kiran Pogba da ya aje takalmansa za su ji kunya.

Game da masu cewa Pogba yana buga ƙwallo ne kawai saboda kuɗi, ta ce: “Mungode Allah, domin Allah Ya ba mu.”

🚨🔴 Manchester United na shirin ɗaukar Carlos Baleba daga Brighton a matsayin sabon ɗan wasan tsakiya!

An aika da tayin hukuma na sama da €70m tare da ƙarin €6m na kari (add-ons) zuwa ga Brighton, kamar yadda David Ornstein ya ruwaito.

Har yanzu babu yarjejeniya tsakanin kungiyoyin biyu, amma Manchester United ( ) za ta sake tura sabon tayin.
An ce Baleba yana matsa lamba tun watan Agustan 2025 domin samun damar komawa Manchester United.

1. Bruno Fernandes ya ƙi sabunta kwantiragi

Dan wasan Manchester United, Bruno Fernandes, ya ƙi sabunta kwantiraginsa da ƙungiyar, duk da cewa United ta miƙa masa sabon kwantiragi tare da ƙara masa albashi zuwa fam 500,000 a kowane mako.

Sai dai rahotanni sun ce ɗan wasan ya ƙi amincewa da tayin, inda ya bayyana cewa ya fi son barin ƙungiyar kyauta idan kwantiraginsa ya ƙare a ƙarshen kakar wasa.

2. Galatasaray na son Bruno Fernandes

Wani rahoto daga ƙasar Turkiyya ya ce ƙungiyar Galatasaray na shirin ninka albashin da Bruno Fernandes ke karɓa a Manchester United, idan ya amince da komawa ƙungiyar.

Rahoton ya kuma ce Galatasaray ta miƙa tayin Yuro miliyan 50 ga Manchester United a jiya domin sayen ɗan wasan.

Sai dai Manchester United ta mayar da martani cewa Bruno Fernandes ba ɗan wasa ba ne da take shirin sayarwa.

3. Sesko da De Ligt sun dawo atisaye

‘Yan wasan Manchester United biyu, Benjamin Šeško da Matthijs de Ligt, sun dawo ɗaukar atisaye yayin da ake dab da fara sabuwar kakar gasar Premier League.

Dukkan ‘yan wasan na da matuƙar muhimmanci ga Manchester United, musamman yayin da ƙungiyar ke shirin fafatawa a gasar cin kofin zakarun Turai.

4. United ta sake buɗe tattaunawa da Bruno Fernandes

Manchester United ta sake buɗe ƙofar tattaunawa da ɗan wasanta Bruno Fernandes a karo na biyu, bayan da ɗan wasan ya ƙi amincewa da sabon tayin da ƙungiyar ta yi masa a baya.

Jaridar Manchester Evening News ta ruwaito a yau cewa an sake fara tattaunawa tsakanin ɓangarorin, kuma akwai yiyuwar Bruno Fernandes ya sauya matsayinsa.

Hakan na zuwa ne duk da tayin fam miliyan 43 da kuma ninka albashin da Galatasaray ke shirin yi masa.

5. Marcus Rashford na da hanyoyi uku na barin United

Dan wasan Manchester United, Marcus Rashford, na da hanyoyi guda uku da zai iya amfani da su domin barin ƙungiyar a wannan bazara.

Sai dai rahotanni sun ce ɗan wasan ba ya matsa lamba cewa dole sai ya bar Old Trafford, kuma a halin yanzu yana buɗe ga duk wata mafita da za ta dace da shi da ƙungiyar.

6. Paul Scholes ya soki Manchester United

Tsohon ɗan wasan Manchester United, Paul Scholes, ya bayyana ra’ayinsa kan yawan ‘yan wasan baya da ƙungiyar ke da su.

Scholes ya ce yawan ‘yan wasan baya da Manchester United ke da su ba zai taimaka wa ƙungiyar wajen lashe gasar Premier League ba.

Kalaman tsohon ɗan wasan sun jawo ce-ce-ku-ce sosai tsakanin magoya bayan Manchester United.

1️⃣ Jamie Carragher ya yi hasashe

Tsohon ɗan wasan Liverpool, Jamie Carragher, ya yi hasashen cewa Manchester United ba za ta iya lashe gasar Premier League ko UEFA Champions League a bana ba.

Carragher ya bayyana cewa United za ta iya amfani da ƙwarewar koci Michael Carrick wajen taimaka mata ta kammala kakar wasa a matsayi mai kyau.

2️⃣ Marcus Rashford da Bruno Fernandes

Wani rahoto da jaridar The Mirror ta wallafa ya nuna cewa akwai yiwuwar ɗan wasan Manchester United, Marcus Rashford, ya sake komawa Barcelona, duk da cewa kwanaki kaɗan ne s**a rage kafin fara gasar Premier League.

Haka kuma, ana alakanta kyaftin ɗin United, Bruno Fernandes, da komawa ƙasar Turkiyya, inda ake cewa ɗan wasan yana sha’awar buga wasa a birnin Istanbul.

Ana hasashen za a iya tayin kusan fam miliyan 45 domin ɗaukar ɗan wasan.

3️⃣ Manchester United na son Gavi

Manchester United ta fi fifita ɗaukar ɗan wasan Barcelona, Gavi, fiye da ɗan wasan Real Madrid, Eduardo Camavinga.

Akwai alamu da ke nuna cewa Barcelona na iya sakin Gavi kan kuɗi har Yuro miliyan 55, yayin da Manchester United da Bayern Munich ke zawarcinsa.

4️⃣ United ta ƙi tayin Galatasaray

Manchester United ta ƙi amincewa da tayin da Galatasaray ta yi mata kan ɗan wasanta, Bruno Fernandes, na kusan Yuro miliyan 50.

United ta bayyana cewa ɗan wasan ba na sayarwa ba ne.

5️⃣ United na son sabunta kwantiragin Bruno

Bayan Manchester United ta sanar da Galatasaray cewa Bruno Fernandes ba na sayarwa ba ne, rahotanni sun ce ƙungiyar ta shirya ganawa da ɗan wasan domin jin ra’ayinsa, kafin ta fara tattaunawa kan sabunta kwantiraginsa.

6️⃣ Manu Koné na Roma

Manchester United ta ware kusan Yuro miliyan 47 domin tinkarar AS Roma, domin tattaunawa kan yiwuwar ɗaukar ɗan wasan tsakiyarta, Manu Koné.

Ana kyautata zaton ɗan wasan zai iya komawa Old Trafford.

7️⃣ Ayden Heaven

Akwai yiwuwar Manchester United ta fara wasan da za ta kara da Hull City da matashin ɗan wasa Ayden Heaven, yayin da ake ci gaba da jiran dawowar Lisandro Martínez, wanda ya samu rauni kuma yake ci gaba da murmurewa.

1️⃣ Manchester United da AC Milan

Manchester United za ta fafata wasan sada zumunci da AC Milan a yau da misalin ƙarfe 3:45 na rana, agogon Najeriya da Nijar.

A haduwarsu biyar da s**a gabata, United ta yi nasara a wasanni biyu, yayin da aka tashi kunnen doki a wasanni uku.

2️⃣ Kashe-kashen kuɗi

Wata kididdiga a Ingila ta nuna cewa Manchester United ce ta 12 wajen kashe kuɗi a kasuwar saye da sayar da ’yan wasa a bana, yayin da Chelsea ke kan gaba.

Chelsea ta kashe sama da Yuro miliyan 400, yayin da Manchester United har yanzu ba ta kai Yuro miliyan 100 ba.

3️⃣ Carlos Baleba

Kungiyar Brighton ta amince da rage farashin ɗan wasanta Carlos Baleba.

Manchester United ta yi ƙoƙarin ɗaukar ɗan wasan a kakar wasan da ta gabata, inda ta nemi biyan Fam miliyan 100, amma Brighton ta ƙi, tana mai cewa ba ta shirin sayar da shi.

Yanzu Brighton na neman Fam miliyan 60, yayin da Manchester United da Newcastle ke zawarcin ɗan wasan.

4️⃣ JJ Gabriel

Matashin ɗan wasan Manchester United, JJ Gabriel, ya jawo hankalin Chelsea, wadda ta nuna sha’awar ɗaukar ɗan wasan mai shekaru 15.

A dokar Ingila, ɗan wasan ba zai iya sanya hannu kan babbar yarjejeniya ba har sai ya kai shekaru 17.

Sai dai Chelsea na son ɗaukar shi zuwa ƙaramar ƙungiyarta ta matasa, saboda tana da babban buri a kansa.

5️⃣ Jack Hinshelwood

Manchester United da Arsenal na bibiyar ɗan wasan Brighton, Jack Hinshelwood, wanda ke da kwantiragi da ƙungiyarsa har zuwa shekarar 2029.

Ɗan wasan mai shekaru 21, wanda ke taka leda a tsakiyar fili, na iya yin tunanin barin Brighton idan ya samu tayin daga ɗaya daga cikin manyan ƙungiyoyin Premier League.

🚨🔴 LABARIN GAGGAWA: MANCHESTER UNITED TA SAMU DAMAR SAYEN MYLES LEWIS-SKELLY!

Rahotanni sun bayyana cewa an bai wa Manchester United damar sayen matashin ɗan wasan Arsenal, Myles Lewis-Skelly, yayin da Arsenal ke tunanin yin wani abin mamaki na sayar da ɗan wasan na ƙasar Ingila. 🔥

Dan wasan mai shekaru 19 ya zama ɗaya daga cikin 'yan wasan da Manchester United ke sha'awa, bayan da zuwan Bruno Guimarães ya ƙara yawan gasa a cikin tawagar Arsenal.

🔴 Dalilan da s**a sa United ke iya sha'awar sa:
• Yana iya taka leda a matsayin mai tsaron baya na hagu (left-back) da kuma ɗan wasan tsakiya (midfielder)
• Matashi ne, mai iya taka matsayi daban-daban kuma ana masa kallon babban ɗan wasa a gaba
• Zai iya kawo gasa da ƙarin ƙarfi a cikin tawagar United na dogon lokaci
• United ta riga ta fara bibiyar halin da yake ciki

💰 Kudin da Arsenal ta sanya masa: Kimanin fam miliyan 60 (£60M).

Sai dai har yanzu babu wata yarjejeniya da aka cimma, kuma Manchester United ba ta kammala cinikin ba. Har ila yau, Chelsea ma tana sha'awar ɗan wasan, wanda hakan ka iya haifar da babbar fafatawar saye.

👀 Magoya bayan United, za ku kashe fam miliyan 60 wajen sayen Myles Lewis-Skelly?
🔴 EH — A saya shi!
⚪ A'A — A nemi Lewis Hall!

🔴 MANCHESTER UNITED NA SHA’AWAR LAMINE CAMARA

Manchester United ta nuna sha’awarta ta daukar matashin dan wasan tsakiyar AS Monaco, Lamine Camara.

Dan wasan mai shekaru 22, dan asalin kasar Senegal, ya ja hankalin United sakamakon irin bajintar da yake nunawa a tsakiyar fili.

Sai dai AS Monaco ta bayyana cewa ba za ta saurari tayin da bai kai Yuro miliyan 50 ba domin sayar da dan wasan.

🔴 UNITED NA SHIRIN JOAQUIN SEYS

Manchester United ta shirya karkata akalarta zuwa kan dan wasan baya na Club Brugge, Joaquin Seys, idan har ta gaza kulla yarjejeniya da Newcastle kan Lewis Hall.

Seys mai shekaru 21 ya yi fice a gasar Pro League ta Belgium, sannan ya kuma burge a gasar cin kofin duniya, lamarin da ya sanya kungiyoyi da dama s**a fara bibiyarsa.

Rahotanni sun bayyana cewa darajar dan wasan ta kai kusan fam miliyan 35, kuma United na kallonsa a matsayin daya daga cikin zabukan da za ta iya dauka.

🔴 UNITED A GASAR OTTEN CUP 2026

Kungiyar matasan Manchester United za ta halarci gasar Otten Cup 2026 da za a gudanar a kasar Netherlands.

Gasar dai za ta hada matasa ‘yan kasa da shekaru 19, inda United za ta fafata a rukunin A tare da PSV Eindhoven, Palmeiras da Adelaide United.

🔴 DAVID RAUM NA CIKIN RADAR UNITED

Bayan Joaquin Seys, Manchester United na ci gaba da bibiyar dan wasan baya na RB Leipzig, David Raum.

United na duba yiwuwar daukar Raum a matsayin daya daga cikin zabukan da za su iya maye gurbin Luke Shaw a bangaren hagu na tsaron kungiyar.

🔴 DE LIGT YA KOMA ATISAYE

Dan wasan bayan Manchester United, Matthijs de Ligt, ya koma atisaye tare da abokan wasansa yayin da kungiyar ke shirye-shiryen karawa da Leeds United a birnin Dublin na kasar Ireland.

De Ligt ya shafe wani lokaci yana jinya sakamakon rauni da ya samu, amma yanzu ya murmure kuma yana da damar kasancewa cikin tawagar da za ta fafata da Leeds United.

🚨 KAMAR YADDA WASAN YA KARE: PSG 1-1 Manchester United 🔴

Wannan wasa ya kasance mai ƙarfafa gwiwa sosai a kan zakarun Champions League, musamman idan aka yi la’akari da yadda ƙungiyoyin biyu s**a yi sauye-sauye da yawa a ‘yan wasa a lokacin wasan.

Bayan wasu manyan ‘yan wasan PSG da United sun shigo fili, United ta koma tsarin tsaro mai ƙarfi na 4-4-2, inda s**a takaita tazara tsakanin layukan ‘yan wasa. Wannan ya wahalar da PSG sosai, har s**a tilasta wa João Neves da Vitinha komawa baya fiye da yadda s**a saba.

Dalot da Tyler Fletcher sun nuna nutsuwa sosai wajen karewa daga barazanar Kvaratskhelia da Nuno Mendes. Sun iya jure matsin lambar PSG kuma ba su ba su damar samun sarari mai yawa ba.

Amad yana ƙara nuna cewa yana da haɗari sosai a gefen dama na kai hari. 🔥 Fahimtar juna tsakaninsa da Mbeumo tana ƙara kyau, kuma haɗin gwiwar su na iya zama wata hanya mai ƙarfi sosai ga United a gaba.

Lacey ya koma gefen hagu bayan shigowar Bruno Fernandes, wanda ya ba United wata sabuwar damar kai hari.

Tielemans ya sha nuna cewa yana fahimtar motsin Bruno kamar sun daɗe suna wasa tare. Bruno, kamar yadda aka saba, yana samun guraben da zai iya amfani da su, kuma fasahar wuce ƙwallonsa ta haifar da wasu damar zura ƙwallo masu kyau.

Tyler Fletcher ma ya burge sosai. Haɗin kansa da Andrey Santos da Tielemans a tsakiyar fili ya yi kyau kamar sun daɗe suna wasa tare. Ina fatan zai samu cikakkiyar dama idan kakar wasa ta gaske ta fara.

Harry Maguire ma ya kasance cikin ‘yan wasan da s**a yi kyau. Ya ci gaba da nuna ƙarfi a wasannin share fage, kuma ikon sa na aika dogayen ƙwallaye daga baya na iya zama da amfani idan abokan hamayya s**a hana United samun damar buga wasa daga tsakiyar fili.

A taƙaice, akwai abubuwa masu kyau da yawa da za a ɗauka daga wannan wasa. Ko da yake wasa ne na share fage kawai, amma haɗin kai, tsarin tsaro da fahimtar juna tsakanin ‘yan wasa suna nuna alamar ci gaba mai kyau. 👊🔴

Me kuka fi lura da shi daga wasan? Shin akwai wani abu da kuka gani wanda ya burge ku? Ku rubuta ra’ayoyinku a ƙasa. ⬇️

🔴 Labaran Kasuwar Cinikin Manchester United

1. Marc Skinner Ya Bar Manchester United Women

Mai horas da ƙungiyar mata ta Manchester United, Marc Skinner, ya bar Old Trafford bayan an cimma yarjejeniya tsakanin ɓangarorin biyu.

Manchester United ta yi masa fatan alheri tare da yi masa addu'ar samun nasara a rayuwarsa ta gaba.

2. United Ta Shiga Gaban Barcelona Kan Jorge Salinas

Manchester United ta shiga gaban Barcelona wajen zawarcin matashin ɗan wasan Racing Santander, Jorge Salinas, wanda ake kimanta darajarsa da Yuro miliyan 16.

Rahotanni sun ce ɗan wasan yana son komawa Barcelona, amma ƙungiyar ba za ta iya biyan kuɗin da Racing Santander ta gindaya ba.

3. United Na Shirin Ba da Aron Chido Obi-Martin

Manchester United na shirin ba da aron matashin ɗan wasanta Chido Obi-Martin domin samun ƙarin lokacin buga wasa.

Manyan ƙungiyoyi daga gasar Premier League da kuma Italiya sun nuna sha'awar ɗaukarsa, sai dai har yanzu Manchester United ba ta yanke shawarar inda za ta tura shi ba.

4. Iliman Ndiaye Na Cikin Jerin 'Yan Wasan Da United Ke Kallo

Manchester United na nazarin yiwuwar ɗaukar ɗan wasan Everton, Iliman Ndiaye.

Sai dai har yanzu ƙungiyar na ci gaba da yin nazari a kansa kafin ta miƙa tayi a hukumance.

5. Lewis Hall Na Son Komawa Old Trafford

Ɗan bayan Newcastle United, Lewis Hall, ya bayyana cewa yana da burin komawa Old Trafford domin taka leda, musamman saboda yana son buga gasar UEFA Champions League.

Sai dai sabon mai horas da Newcastle zai fara tantance 'yan wasansa kafin ya yanke hukunci kan yiwuwar sayar da shi.

6. William Gallas Ya Yi Magana Kan Cole Palmer

Tsohon ɗan wasan Chelsea, William Gallas, ya ce da ace yana da iko, da ya bar Cole Palmer ya koma Manchester United domin cika burinsa.

Sai dai Chelsea ba ta da niyyar sayar da Palmer, kuma rahotanni sun ce idan har za ta saurari tayi, sai an biya ta akalla Fam miliyan 150.

Manchester United na bibiyar Lewis-Skelly

Manchester United na ci gaba da bibiyar matashin ɗan wasan Arsenal, Lewis-Skelly. Rahotanni sun ce Arsenal na iya amincewa da sayar da shi idan har ta samu nasarar ɗauko ɗan wasan Newcastle United, Bruno Guimarães.

United ta ƙi tayin Bayern Munich kan Benjamin Šeško

Manchester United ta yi watsi da yunƙurin da Bayern Munich ke yi na neman ɗan wasanta na gaba, Benjamin Šeško.

Rahotanni sun bayyana cewa Bayern na son haɗa Šeško da Harry Kane domin ya zama magajinsa a nan gaba. Sai dai Manchester United ta bayyana cewa ɗan wasan ba na sayarwa ba ne a halin yanzu.

United ta koma kan zawarcin Igor Thiago

Manchester United ta sake komawa zawarcin ɗan wasan Brentford, Igor Thiago, inda har ta fara tattaunawa da wakilansa.

Sai dai ana hasashen cewa United za ta kammala cinikin ne idan ta sayar ko ta bayar da aron Joshua Zirkzee, wanda ake cewa tattaunawa tsakaninsa da Juventus ta yi nisa.

Shea Lacey na iya ci gaba da zama a Old Trafford

Bayan yabon da tsohon ɗan wasan Manchester United, Wayne Rooney, ya yi wa matashin ɗan wasa Shea Lacey sakamakon bajintarsa a wasan da Atlético Madrid, rahotanni sun ce United na tunanin ci gaba da riƙe shi har zuwa ƙarshen kakar wasa, maimakon bayar da shi aro.

United na neman ƙarfafa gefen hagu na baya

Rahotanni sun bayyana cewa Lewis Hall da Lewis-Skelly ne ke kan gaba a jerin 'yan wasan da Manchester United ke son ɗauka domin ƙarfafa gefen hagu na baya.

Hakan ya biyo bayan yadda ƙungiyar ba ta son ci gaba da dogaro da Luke Shaw, saboda yawan raunukan da yake fama da su da kuma yadda shekarunsa ke ƙaruwa.