AMC Hausa

Ministan Babban Birnin Tarayya (FCT), Nyesom Wike, ya ba da umarnin rufe ofishin kwamitin wucin gadi da aka rushe wanda ke kula da sayar da gidajen gwamnatin tarayya a birnin Abuja nan take.

Bayanin hakan na ƙunshe ne a cikin wata sanarwa da mai taimaka wa ministan kan yaɗa labarai, Lere Olayinka, ya fitar. Sanarwar ta bayyana cewa an ci gaba da buɗe ofishin kwamitin ne ciki har da gudanar da ayyuka ko da bayan ya kammala wa’adinsa da aikinsa a hukumance.

Sak**akon wannan mataki, Hukumar Babban Birnin Tarayya (FCTA) ta sanar da kafa sabon sashe na musamman a Ma’aikatar Kula da Filaye (Land Administration Department), wanda zai karɓi jagoranci da gudanar da dukkan harkokin da s**a shafi sayar da gidajen gwamnatin tarayyar daga yanzu.

Al'ummar Nijeriya na ci gaba da gudanar da muhawara mai zafi biyo bayan bayyanar sabuwar haɗakar 'yan hamayya mai suna "G-100", wadda aka kafa da nufin haɗa kan dukkan jam'iyyu da jiga-jigan hamayya a ƙasar.

Bayyanar ƙungiyar ta kawo sabon salo a fagen siyasar Nijeriya, musamman yayin da jam'iyyu ke sake lissafin dabarun tunkarar babban zaɓen shekarar 2027. Shugabannin kungiyar sun bayyana cewa sun rigaya sun fara tattaunawa tsakanin juna domin samar da haɗin kai da samar da madaidaicin tafarki.

Da yake jawabi ga gidan jaridar BBC, ɗaya daga cikin jiga-jigan ƙungiyar, Malam Salihu Lukman, ya tabbatar da cewa ƙungiyar na tsara gudanar da babban taron tuntuba a mako mai zuwa domin kaddamar da muhimman ayyukan gina haɗakar da ke gabanta.

Wasu mutane sama da 200 sun kai hari kan sansanin jami’an tsaro da ke garin Makuku a Ƙaramar Hukumar Sakaba ta Jihar Kebbi, inda s**a kashe jami’an yansanda 10, ɗan sa-kai guda ɗaya, da kuma fararen hula biyu.

Harin ya faru ne da misalin ƙarfe 6 na safe ranar Litinin, inda aka yi musayar wuta ta tsawon sa'o'i biyu. Kakakin rundunar ’yansandan ƙasar, Ani Iniedu, ya bayyana cewa jami’an tsaro tare da haɗin gwiwar sojojin ƙasa da na sama daga jihohin Kebbi da Katsina sun sami nasarar kashe a ƙalla ɗan bindiga 17 da lalata baburansu.

Sufeto Janar na ’yansandan ƙasar, Tunji Disu, ya mika saƙon yabo da ban girma ga jami’an da s**a sadaukar da rayukansu, tare da umartar ƙarfafa tsaro a Sakaba da makwabtansu. Rundunar ta kuma yi kira ga al’umma da su kwantar da hankulansu tare da ci gaba da ba da bayanan sirri domin kiyaye tsaro.

Hukumar Hisbah ta Jihar Katsina ta k**a wata budurwa a Ƙaramar Hukumar Dutsin Ma, kan zargin tara yara maza da kuma koya musu aikata lalataccen aiki da juna.

Wannan bayani ya fito ne ta cikin wata sanarwa da jami’in hukumar na yankin, B. Yareema, ya fitar. Bayanan sun nuna cewa an sami nasarar k**a wadda ake zargin ne biyo bayan samun rahoto daga Ofishin Yankin Kadangaru da ke ƙaramar hukumar.

Bayan samun rahoton, Kwamandan Hisbah na Dutsin Ma, Malam Shafi’u Ibrahim, ya sa kafa domin gudanar da bincike, inda jami’i P.I.H. Hamisu Sani da tawagarsa s**a jagoranci binciken farko. sak**akon binciken ya tabbatar da cewa ana zargin budurwar da tattara yaran tare da koya musu wannan mummunar ɗabi’a.

Hukumar ta jaddada cewa bincike yana ci gaba domin ɗaukar matakin shari’a, tare da bayyana cewa kare martaba da tarbiyyar yara na ɗaya daga cikin manyan nauyukan da s**a rataya a wuyanta.

Kotun Majistret mai lamba 9 ƙarƙashin jagorancin Mai Shari’a Haulatu Magaji Kankarofi, ta sake aiki da wata mata gidan gyaran hali biyo bayan zarginta da ake yi da laifin kisan kai.

Kunshin zargin da rundunar ƴan sanda ta gurfanar gaban kotu ya bayyana cewa, matar mai suna Khadija Sa’idu ‘yar Hayin Lawali, ta samu sabani da mijinta Malam Auwal Adam lokacin da ta bukaci zuwa gidan biki amma ya hana ta saboda ruwan sama.
Sak**akon haka, ana zarginta da caka masa wuƙa a ƙirji yana tsaka da barci a kan doguwar kujera.

Wakilinmu ya ruwaito cewa, mai gabatar da ƙara ta sanar da kotun cewa likitocin asibitin Murtala sun tabbatar da rasuwar mijin nata. A zaman na yau, Mai Shari’a Haulatu ta bayyana cewa ana jiran shawarar shari’a daga ma’aikatar shari'a ta jiha, inda ta ɗaga shari'ar zuwa ranar 18 ga wannan watan domin ci gaba da shari'ar.

Ɗan takarar shugaban ƙasa na jam’iyyar NDC, Peter Obi, ya caccaki wasu farfesoshi da malaman jami'a biyo bayan zarginsu da taimakawa wajen aikata magudin zaɓe a Nijeriya.

Da yake jawabi a wajen taron tattaunawar dimokuraɗiyya na Gidauniyar Goodluck Jonathan ta shekarar 2026 da aka gudanar a Bauchi, Obi ya kuma soki wasu alƙalai bisa nuna son kai ga jam’iyyar mai mulki, gami da s**ar ƴan Majalisar Dokoki ta Ƙasa kan cire laifin yin jabun takardu daga cikin laifukan zaɓe.

Tsohon gwamnan na Jihar Anambra ya jaddada cewa waɗannan matakai na nuni ne da irin babbar lalacewar da ta sami hukumomin ƙasar, yana mai kiran da a gaggauta gudanar da cikakkun sauye-sauye domin gyara tsarin dimokuraɗiyya da harkokin zaɓe a Nijeriya.

Shahararren ɗan wasan ƙwallon ƙafa na ƙasar Portugal, Cristiano Ronaldo, ya aika wa abokin hamayyarsa, Lionel Messi, saƙon ta’aziyya da ƙarfafa gwiwa biyo bayan rasuwar mahaifinsa.

Ronaldo ya nuna alhininsa tare da bayyana goyon baya ga Messi da iyalansa a wannan lokaci mai wahala.

Ɗan wasan ya jaddada cewa yana tare da shi, abin da ke nuna girmamawa ta gaskiya duk da gagarumar hamayyar da ta daɗe tsakaninsu a fagen ƙwallon ƙafa.

Mahaifin na Messi ya rigamu gidan gaskiya ne a ranar Lahadi yana ɗan shekara 68 a duniya, sak**akon jinyar cutar daji da ya yi. Masana da ma’abota wasan ƙwallon ƙafa na kallon wannan mataki na Ronaldo a matsayin wata alama ta girmamawa da ɗaukar ɗabi’ar wasanni mai matukar kyau.

Ƙungiyar ƙwallon ƙafa ta Manchester City ta kammala ɗaukar golan ƙasar Argentina, Geronimo Rulli, daga ƙungiyar Marseille ta ƙasar Faransa kan yarjejeniyar shekara biyu.

Golan mai shekara 34, wanda ake sa ran zai kasance mai taimaka wa gola Gianluigi Donnarumma, ya bayyana cewa komawarsa City babbar dama ce da ba za ta yiwu ya ƙi amincewa da ita ba, sak**akon girman ƙungiyar da kuma kyawawan ƙa’idojin aikinta.

Wannan ne karonsa na biyu da zai sa hannu a Manchester City, bayan zaman da ya yi a ƙungiyar a kakar wasa ta 2016/17 ba tare da ya samu damar buga wasa a babban rukuninta ba. Rulli dai na ɗaya daga cikin ‘yan wasan da s**a ci wa Argentina Kofin Duniya na shekarar 2022 da kuma Kofin Copa América na shekarar 2024.