Даян хаан-Билигт шатрын клуб

2026 ОНЫ СОНДГОЙ НАСНЫ УЛСЫН АВАРГА ТЭМЦЭЭНИЙ ТУХАЙ

2026 оны 6-р сарын 9-14-ны өдрүүдэд Орхон аймагт зохион байгуулагдахаар төлөвлөгдөж байсан Өсвөрийн сондгой насны аварга шалгаруулах тэмцээн нь Боловсролын яамнаас гаргасан сурагчдын шалгалтын хуваарьт орсон өөрчлөлттэй холбоотойгоор хойшлогдлоо.

Тус тэмцээнийг 2026 оны 08-р сарын 03-07-ны өдрүүдэд зохион байгуулахаар болсныг нийт тамирчид, дасгалжуулагчид, эцэг эхчүүдэд мэдэгдэж байна.

Батммөнх Даян Хааны нэрэмжит "ГЭР БҮЛ" Шатрын 3-р тэмцээн 2026 оны 05-р сарын 23-ны өдөр 10 цагт Өмнөговь аймгийн Төв номын санд эхлэнэ.
Баг тамирчид дараах холбоосоор нэрсээ шалгана уу.
https://s1.chess-results.com/tnr1422180.aspx?lan=1&art=0&SNode=S0

♟️ ШАТРЫН НИЙГМИЙН ҮҮРЭГ

📌 “Хөл бөмбөг бол спорт төдийхөн зүйл биш, тэр … агуу их шашин” гэсэн ихэд дэлгэрсэн халил ихтэй хэллэгийг санаж байна уу❓ Үүнийг хэдүүлээ дараахь байдлаар өөртөө ашигтайгаар зориуд өөрчлөх гээд үзье. Жишээ нь, “Шатар бол ерөөсөө тоглоом төдийхөн зүйл биш. Тэр бол, хэрэг дээрээ, бурхны бүтээсэн IQ–ийн төгс тест” … гэхчилэнгээр цаашаа явж болмоор ажгуу.

📌 ЗХУ (хуучин нэрээр)-ын шатрын олон удаагийн аварга, нийгмийн шударга ёсны хийгээд хүний эрхийн төлөөх ганцаарчилсан тэмцлийн аугаа маэстро, суут шатарчин, швейцарын иргэн, супермейстер В. Л. Корчной өөрийн намтар дурсамжийн “Зөрүү шатар” (Антишахматы) номоо одоогоос 30-аад жилийн тэртээ 1976 онд Германд хэвлүүлсэн юм.

📌 Уг номонд шатрын нийгмийн үүргийг тодорхойлохдоо “хөл бөмбөг нь нийгмийн үндсэн массыг мансууруулах хөлчүүрэх (архи)–ээс хамгаалах зориулалттай, харин шатар бол ухаалаг цөөнхийг улстөрийн хүрээнээс ангид хөндий (солженицыныг уншуулахгүй) байлгах үүрэгтэй” гэсэн нь бий.

Хэдийгээр энэ нь хэлмэгдэж зовсон хүний хэтрүүлэг үг байж болох ч “шатрын нийгмийн үүрэг”–ийг нэн өвөрмөц өнцгөөс харснаараа онцлогтой юм.