Association Sportive des FAR

الجيش هاد سنة هي اكفس جيش فهاد 3 سنوات ، كنهضر فاش بدينا كلعبو على البطولة و نتأهلوو لشامبسونس ليغ

هاد العام الإدارة دبحاتنا بلمعقول وخلاتنا بحال ليتامى رغم زبالة الفلوس لي دخلات من بيع العقود و وتدويرة ديال ربع نهائي و هي سبب فهاد شي كامل ،
كل شكر المدرب بروجولة ، واخا هكاك تفرجنا معاه فكرة وكيبقى اول مدرب غادي يوصلنا لنهائي دوري لابطال وخا ماشي انجاز ، ولكن بسبب الإدارة ولانتذابات لي دارت خلات الفرقة مشلولة وتخرج بموسم صفري للمرة الثانية ✅

حريمات :
بروجولة عوتاني الجمهور لي دار شغب فماتش جراد له سبب ففقدان البطولة هاد الموسم ، بعد اول حاجة البطولة ديال لمغرب مابقتينش كنأمن بيها ، كنفضل نجيب غير المركز الثاني نتفرج فلافريك حسن من هاد البطولة لي ولات فيها مسرحية ، خصوصا لجيش تقدر تكون هي الولى فترتيب ، يقولو ليها راه هاد العام بغينا البطولة نعطيوها لفريق لفلاني ، اتقوليهم اوكي ، خودوها ، الله واعلم ولكن و الله الا كيبان ليا هادشي مخدوم مهم نتمنا نكون غالط وغير كنخرف 😉
مهم حريمات داكشي لي دار معاه الجمهور راه ماشي اخلاق ، وحشومة واي مغربي ابار عسكري كيقول بلي حريمات عطا لجيش بزاف و بزااف ، واكلخ جمهور هو جمهورنا صراحة حيتاش كيجيني جمهورنا دغيا كيتسرح ، وصعيب باش يدير عقلو وساهل باش يريب فرقتو .... للحديث باقية 🔄

مبروك فاس البطولة كانت باينة ، الماص عندهم رئيس زوين ومدرب زوين ،وفرقة زوينة ولكن لي كيبقى ومابغيتش نتصدقها ولا تفهم ليا ، كيفاش اصحبي نتا خاسر ماتش واحد وماللعب على حتى شي حاجة العام جاي هادشي الا صدق عندنا شي زهر وهزونا حنا ورجاء للعبو الكونفيدرالية ، اما صراحة راه الجيش مزال ما كاين الاستقرار لي غادي يخليك تبني فريق لمدى طويل ..
بعض اسباب ضياع هاد البطولة مزال غادي نتكلمو عليها من بعد .....

قليل فينا لي عارف انا لبطولة ديال هاد سنة ديال فاس
بدون تعصب 🟡⚪
ولكن الحمد الله اننا غادي نشوفو العام جاي الجيش الملكي 🟢⚫🔴 وفاس فدوري الابطال ، حيتاش للأمانة هاد زوج لفراقي كيفرجوك فكرة ، وب اداء ونتيجة ويستاهلو ماحسن 🫡🫡

الا داتها فااس اتكون ، داتها عن جدارة و استحقاق عكس الفرق البيداوية لي كيجيبوها بلحرام ...
وانا غادي نكون اول واحد غادي يگول براڤو لماص مبروك لبطولة ⚪🟡.
وديما عسكر 💚🖤❤️✨

قليل فينا لي عارف انا لبطولة ديال هاد سنة ديال فاس
بدون تعصب 🟡⚪
ولكن الحمد الله اننا غادي نشوفو العام جاي الجيش الملكي 🟢⚫🔴 وفاس فدوري الابطال ، حيتاش للأمانة هاد زوج لفراقي كيفرجوك فكرة ، وب اداء ونتيجة ويستاهلو ماحسن 🫡🫡

بنسبة ليا هذا هو احسن وأقوى ماتش غادي تلعبو الجيش هاد سنة ، الجيش لعب كونطر واحد الفريق لمرشحو انا للقب هاد العام ،
هاد الماتش بنسبة ليا كفرجة فلكرة ، وكا طاكتيك وحريقة وسط تيران . ماتش الموسم لي ربح هاد الماتش غادي يكون هو المرشح الأقوى ،
مبارة صراحة غادي تكون قوية 💥🔥🔥🔥

بمناسبة عيد الأضحى المبارك، تتقدم صفحتنا بأحر التهاني لكل الجماهير العسكرية ولكل متابعينا الأوفياء 🔴⚫🟢
نسأل الله أن يعيده عليكم بالصحة والفرحة ولمّة الأحباب، وأن يملأ بيوتكم سعادة وبركة.
عيد مبارك سعيد… وكل عام وأنتم بخير ❤️🐏

طاحت البقرة كثرو الجناوا”...
وهاد المثل كينطبق اليوم على حريمات بعد تضييعه لضربة الجزاء فنهائي عصبة الأبطال.
للأسف، بزاف ديال الناس تناسات أن اللاعب كان من بين أكثر اللاعبين لي قاتلو على القميص العسكري طول الموسم، وباغيين يختاصرو كلشي فـ90 دقيقة أو فضربة جزاء وحدة.
راه حتى كبار العالم ضيعو ضربات جزاء فمواعيد أكبر:
ميسي، رونالدو، باجيو، نيمار… الكرة فيها الفوز وفيها الخطأ، واللاعب الكبير هو لي كيكون عندو الشجاعة باش يتحمل المسؤولية أصلاً.
حريمات ما خانش الفريق، وما هربش من الضغط، بالعكس… كان عندو الجرأة يوقف ويسدد فواحد اللحظة لي بزاف كيخافو منها.
لكن فبلادنا، ملي كيطيح اللاعب، كيبانو “الجناوا” ديال الانتقاد والتشفي والتنكر لكل ما قدمه.
الجمهور الحقيقي ما كيحكمش على لاعب بلقطة وحدة، بل كيشوف التضحية، القتالية، والوفاء للقميص.
واليوم أكثر من أي وقت، حريمات محتاج الدعم ماشي الذبح الإعلامي. 🔴⚫🟢

رسالة شكر خاصة لبعض “الشناقة” من الجماهير العسكرية… شكراً لأنكم لعبتو النهائي قبل اللاعبين، وقررتو أن الضغط والتشويش أهم من دعم الفريق فـ90 دقيقة الحاسمة. شكراً لأن بعض الأصوات كانت كتجرّ للهزيمة أكثر من الخصم نفسه.

وشكراً كذلك لبعض اللاعبين على درس مجاني في “البراءة الكروية”... فنهائي عصبة الأبطال ما كينفعش غير القلب والحماس، خاص حتى الخبث الكروي، قتل الرتم، استغلال الأخطاء، والتعامل مع التفاصيل الصغيرة اللي كتصنع الألقاب.

للأسف، كاين لي دخل النهائي بعقلية الحرب… وكاين لي دخلوه بعقلية “اللعب النظيف”. وفي إفريقيا، النوايا الزوينة بوحدها ما كتهزش الكؤوس.

لكن الجيش الملكي أكبر من خسارة، وأكبر من بعض الوجوه اللي كتظهر غير وقت التصاور أو الفتنة. ويبقى جمهور العشق الحقيقي حاضر… وقت الربح ووقت الوجع. 🔴⚫🟢

🔥 يوم الحسم… يوم الرجال 🔥
اليوم ما بقاش وقت الهضرة، اليوم وقت القتال فوق الميدان ⚔️
90 دقيقة تفصل الجيش الملكي على كتابة تاريخ جديد في عصبة الأبطال الإفريقية 🏆🇲🇦
من العاصمة الكبرى حتى لآخر عاشق للعساكر… القلوب كاملة اليوم كتنبض بنفس الإيقاع 💚❤️🖤
ماشي غير ماتش… هادي معركة ديال الهيبة، القميص، والجمهور لي عمره خان 💪
صانداونز داخل بثقة… ولكن نساو بلي الجيش الملكي إلى دخل النهائي ما كيدخلش باش يشارك، كيدخل باش يحكم 👑🔥
اليوم بغينا نشوفو روح الرجولة، القتالية، والعزيمة حتى آخر ثانية ⏳
وإحنا ورا الفريق مهما كان الثمن 🇲🇦🦅
💚 “كلشي ضدنا… وحنا يد وحدة، وسلاحنا الرب العالي هو قوتنا.” 💚❤️🖤

رسالة شكر لكل الجماهير المغربية الحرة 🇲🇦❤️

شكراً لكل مشجع مغربي غادي يوقف مع الجيش الملكي فنهائي عصبة الأبطال، سواء كان عسكري، ودادي، رجاوي، مسفيوي، طنجاوي أو من أي مدينة مغربية… اليوم ما بقاتش غير مباراة ديال فريق، اليوم كيمثل راية المغرب كاملة 🇲🇦🏆

أما الناس لي باغين الفريق المغربي يخسر فقط بسبب الانتماء، خاصنا نتفكرو بلي المنافسة كتبقى داخل البطولة الوطنية، ولكن فإفريقيا حنا كاملين مغاربة وكنشجعو صورة بلادنا قدام القارة كاملة.

الجيش الملكي كيمثل تاريخ الكرة المغربية، وتشجيع أي فريق مغربي خارجياً راه فخر لينا كاملين.
ديما المغرب أولاً ❤️🔥

انا غادي يجي يهضر معايا بنادم انگولك اخويا حنا فهاد لعصبة راه گلنا محال نتأهلوو واصلا مستحيل ، ومع ذلك لاعابة هزو المسؤلية ولعبو ، ورغم العراقيل وغياب دعم الجماهيري قدرنا ندوزو بواحد سيناريو عجيب وبجهد الله❤️ . راه ماشي ساهلة تربح زوج ماتشات فلعصبة فملعبك ومعندكش دعم الجماهيري. ومع لعابة عرفو بحجم النسؤولية لي عندهم ودزنا بززز وربحنا فرق لي قوية شيئا ما .وعشنا الفقايص و الاعصاب .
حتى لدابا لقينا راسنا فلفينال ومع ذلك لقينا راسنا فواحد ستريس لي كثر من لي كان فينا وحنا فدور المجموعات ، هي عادية حيت فينال ، ولكن راه حنا دابا فسيناريو تقول درماتيكي و هو انا هاد العام العصبة مزالة فجيب عرفتي علاش ،
حيتاش صانداوز كان عندها باش تسالي لينا الحلم ، ولكن ضيعاتو ودابا هادشي كامل غادي يرجع عليهم حيتاش لاعابة والجمهور هو لي غادي يجيبها نهار الاحد وبجهد الله ❤️🙏🏼