Football talks

في الصورة هالاند، خائن الأمة النرويجية 🇧🇻 و شعب الفايكينغ العظيم و هو كيبتسم مع صاحبو بيلنغهام بعد الإقصاء 👇🏻

90 دقيقة وهو كيتمكرب عليهم و كيجر فرجليه، و في الأخير ضاحك مع صاحبو دون أدنى اهتمام بالهزيمة و مشاعر الشعب النرويجي 🇧🇻 لي ضحى على قبلهم باش يشجعهم ❌️👎🏻

طبعا، المنشور ساخر "ساركازمي"، فخاطر شي وحدين من دعاة الفتنة، لي مشاو كيخويو حسرة الإقصاء من ربع النهائي على حكيمي🇲🇦 😏😉

#المغرب

نهدرو على أشرف حكيمي و كيفاش عندنا واحد النوع ديال بنادم ما كيفهمش❌️، و مريض❌️، و مفتقد للروح الرياضية❌️، و غير كيخسر كيبدا يشير على كلشي و كأن الخسارة ما كايناش فالرياضة 😏

2 ثواني ابتسم فيها أشرف مع صاحبو فباريس سان جيرمان ديزيري دووي، و شي وحدين ردوه ما كيسوى ما كيصلاح ❌️🤦🏻‍♂️

ياك هاد أشرف هو نيت لي👇🏻:
- مع سالا الماتش شد الأرض حزنا على الإقصاء
- جمع الفرقة كلها فوق أرضية الملعب و رفع من معنوياتهم و شجعهم على مواصلة العمل

و لكن بلاتي، نرجعو نشوفو تاريخ أشرف مع المنتخب 🇲🇦👇🏻

- ياك هاذ أشرف هو لي اختار المغرب 🇲🇦 ملي كانت عندو 15 سنة ؟؟ .. علما أن فداك الوقت ما كناش المغرب ديال دابا، و كنا مازال مضاربين غبر مع الموزمبيق و تانزانيا 😏
- ياك هاذ أشرف ما عمرو تعفر علينا، أو اختار المباريات، أو قال ما يمشيش يلعب في طوغو 🇹🇬 مع 13h، أو أن بعيدة عليه سيراليون 🇸🇱 ‼️
- ياك هاذ أشرف هو لي شفناه منهار بعد الإقصاء من البرتغال في 2018 و كيبكي بحال شي دري صغير ‼️
- ياك هاذ أشرف هو لي قبل الكان ب 5 أسابيع شفناه كيبكي فوق أرضية الملعب خوفا من الغياب على كأس إفريقيا بعد تدخل لويس دياز العنيف ‼️
- ياك هو نيت أشرف لي خدم ليل و نهار باش يكون حاضر في الكان و ما يغيبش على موعد كيتسناوه المغاربة 🇲🇦 منذ سنين‼️
- ياك هو نيت أشرف لي فصيف 2024 بلاصة ما يمشي يصيف و يرتاح بعد موسم شاق و طويل، مشى كيتقاتل مع الأولمبين في باريس و جابو ميدالية تاريخية للمغرب 🇲🇦🥉
- ياك هو نيت أشرف لي صاحب أعلى ترتيب للاعب مغربي في تاريخ البالون دور، و صاحب الكرة الذهبية الإفريقية، و فين ما مشى مسبق الوالدة ديالو قدامو ‼️
- ياك هو نيت أشرف لي فيما يربح شي لقب، سواء فإيطاليا أو إسبانيا، أو ألمانيا، أو فرنسا، أول حاجة كيديرها هي كيهز الراية المغربية 🇲🇦‼️

أشرف بحالو بحال أي لاعب في العالم 🌎، ممكن يكون خارج الفورمة، و ممكن يغلط، و ممكن يدير ماتش سيء أو بطولة سيئة .. هادشي عااااادي في الكرة.

و لكن باش نبداو ندخلو فالنية ديال عباد الله، و نقولو أن حكيمي كيتمكرب علينا، و ما كيهموش المغرب و المغاربة، و كيضحك بعد إقصاء، و القيادة ما يستاهلهاش و كبيرة عليه، و نجبدو قصص الدعوى القضائية فسمحو ليا، هاذي هدرة ديال بنادم محساد، و نكار الخير، و وجهو قاصح، و ما بينو و بين الرياضة و أخلاقها غير الخير و الإحسان ❌️👎🏻

و نقول ليكم : قبح الله سعيكم 🤲🏻👎🏻

شكرا على كل ما قدمت لنا يا أشرف. يلا عندك 27 سنة و مازال عوالين عليك فزوج كؤوس إفريقية على الأقل و مونديال 2030 فبلادنا إن شاء الله 🤲🏻🤲🏻

#المغرب

كتعيا ما تميك و دوز و لكن را ما يمكنش 🤦🏻‍♂️
دابا حنا خاسرين مع فرنسا بالكرة، و السيد طالق علينا داك الديسك ديال "تقاتلوا معانا"، "موتو معانا" .. 😒

و الواعرة هي جايب 2 إحصائيات ديال فرنسا 🇫🇷 هاجمتنا أكثر من جهة حكيمي و دياز على أساس أنها فضيحة كروية 😂

دابا حنا ما خسرناش بالكرة زعما ياك؟
لاااا أبدا. خسرنا حيت ما تقاتلناش، و حيت ما كناش باغين ندوزو أصلا 🤦🏻‍♂️ .. بحال إلى زعما كنا لاعبين مع سيراليون 🇸🇱 🤦🏻‍♂️

آش هاد الينفو ‼️

نهار نوليو نحللو الخصم هو الأول، قبل ما نحللو المنتخب 🇲🇦 ديالنا، غادي نبداو نهدرو فالكرة. و ما غاديش نبقاو نديرو سبورة فيها المغرب 🇲🇦 بطل للعالم و نبيعو الوهم لعباد الله 😏

أما ما حد التحليل عندنا سطحي جدا، و مبني على العواطف الجياشة فراك "غير كتخربق أ أستاذي" ❌️👎🏻

#المغرب

معلومة بسيطة عزيزي المشجع 👇🏻🙄:

"هذه هي المرة الثانية فقط، التي تبلغ فيها إسبانيا 🇪🇸 نصف نهائي كأس العالم ‼️"

دابا غير تأمل معايا أنه إلى غاية الأمس، حنا 🇲🇦 و إسبانيا 🇪🇸 كنا لاعبين نفس عدد المباريات في نصف نهائي كأس العالم 🏆.. أي مرة وحدة 😅

إسبانيا 🇪🇸 بهيلمانها الكروي في التكوين، و بمواهبها، و بالليغا، و بتيكي تاكا، و بعد عدد لا يعد و لا يحصى من المدربين و اللاعبين .. يلا هادي فقط ثاني مرة في التاريخ لي كتوصل لنصف نهائي كأس العالم 🏆‼️

كأس العالم لي الإنجليز 🏴󠁧󠁢󠁥󠁮󠁧󠁿 بكل عبقريتهم و إمكاناتهم و أنديتهم، و لاعبيهم، خداوه مرة وحدة قبل 60 سنة أ عباد الله‼️ .. و لعبو نصف النهائي فقط 3 مرات أعوام 1966, و 1990, و 2018 😅

و حنا لي يلا بدينا البارح، كيسحاب لينا وصلنا ‼️😅 .. و مقلقييييين حيت خسرنا مع فرنسا 🇫🇷 في ربع النهائي 😂😂

شي مرات كنساو شنو هو هاد كأس العالم 🏆 و الصعوبة الخيالية ديالو، و أن فقط 8 دول لي قدرت تتوج بيه .. و كنساو أن أصلا الكرة ما فيهاش 1+1, و ما كاين حتى شي فلسفة أو فكرة أو طريقة كتضمن ليك الفوز إذا طبقتيها ❌️🤷🏻

و ماشي حيت وصلتي للنصف فالنسخة الماضية فرا خصك النصف على الأقل فالنسخة الحالية 🤷🏻

را ألمانيا 🇩🇪 في 2014 توجت بعدما ضربت البرازيل 🇧🇷 ب 7, و من داك الوقت ما لعبات حتى 1/8 النهائي 😅 .. و حنا لاعبين ربع و نصف 🤷🏻

إيطاليا 🇮🇹 من نهار خداتها ف 2006 ما لعبت و لو مباراة واحدة حتى في 1/8 النهائي ‼️ .. بل إنها غائبة منذ 16 سنة على المشاركة ‼️

الإنسان يثبت أ الإخوان و يعرف راسو فين كاين و فين غادي و معامن و ضد من 😏

أقصى ما يمكن الواحد يدير هو أنه يخدم بشكل جدي و مستمر و يراكم الخبرة و التجربة، على أمل شي نهار نكونو واجدين و موفقين باش نتوجو على عرش الكرة العالمية إن شاء الله 🌎🤲🏻

#المغرب

واخا المقارنة بين حقب تاريخية و فترات زمنية مختلفة كتكون عادة ظالمة و ما فيهاش معايير موحدة، إلا أنه القول بأن ياسين بونو هو أحسن لاعب داز في تاريخ المنتخب الوطني المغربي 🇲🇦 حاجة سهل جدا تقبلها، و تجد طريقها بسهولة نحو عقل و قلب المشجع المغربي ✅️❤️🇲🇦

ياسين حارس حاسم و بأرقام أسطورية في كأس العالم 🏆 يكفي فقط أن نعرف أنه من أصل 9 ضربات جزاء سددت ضده، 2 فقط لي تسجلو، بينما تصدى لأربع ✋🏻 و 2 ضربو فالقائم و وحدة خارج الإطار❌️ .. و بلا ما نقولكم أن هادوك لي ضاعو وضربو في القائم را بسبب أن الخصم كيضرب ألف حساب لياسين فالشبكة و يجبره على المخاطرة القصوى 😉🫡

كما أن ياسين كانت عندو بصمة في جميع المباريات لي لعب بتصديات رائعة و حاسمة ⛔️✋🏻، سواء كانت النتيجة في صالحنا بحال ضد إسبانيا 🇪🇸 و البرتغال 🇵🇹 أو لصالح الخصم بحال البارح ضد فرنسا 🇫🇷 🙏🏻✅️

ياسين في 11 مباراة خاضها حقق 5 كلين شيت كأفضل نتيجة لحارس إفريقي في تاريخ المونديال ✅️

بالمناسبة ال 11 مباراة تضعه كثالث أعلى لاعب إفريقي خوضا للمباريات في كأس العالم بعد حكيمي و أوناحي 👏🏻

شكرا ياسين، مكانك في القلب ❤️ قبل العقل. و لك كل التقدير، و الإحترام، و الشكر، و الإمتنان، يا أسطورة الأساطير 🫡🙏🏻❤️🤝👏🏻

#المغرب

الحمد لله على كل حال .. قدر الله و ما شاء فعل☝🏻
كأس العالم صعب جدا و التفاصيل فيه حاسمة 😞

#المغرب

مزرواي مكان شادي رياض ✅️
صلاح الدين مكان مزرواي ✅️
أوناحي مكان الصيباري ✅️
الخنوس مكان أوناحي ✅️
الطالبي مكان الخنوس ✅️

غياب لاعبين أجبر وهبي على تغيير 5 مراكز بحثا عن أفضل توازن للمنتخب الوطني 🇲🇦🤲🏻

اللهم انصرنا و سدد رمينا يا رب 🤲🏻

#المغرب

‏🎙️ محمد وهبي 🇲🇦 قبل مواجهة فرنسا 👇🏻:

🎙 "الأشخاص لي كيقولو أننا نجحنا بوصولنا لربع النهائي ما كنتافقش معاكم. التقييم يكون في نهاية البطولة ماشي دابا. الهدف ديالنا هو الفوز، و ما غاديش نطيحو في فخ الإعتقاد أن فرنسا حسن مننا" 🫡

🎙 "عندنا مباراة من أجل التأهل إلى نصف النهائي، و الخيار الوحيد هو الفوز. المكافأة الحقيقية و الوحيدة هي التتويج بكأس العالم🏆"

🎙 " صيباري هو اللاعب الوحيد غير المتاح❌️. كنتمنى يكون واجد لبقية المشوار إن شاء الله" 🤲🏻

#المغرب

بعد أن غادر 40 منتخب المنافسة، المغرب 🇲🇦 يكرس مكانته بين الثمانية الكبار للكأس العالمية الثانية على التوالي ✅️

فقط، 🇲🇦🇦🇷🇨🇵🏴󠁧󠁢󠁥󠁮󠁧󠁿 حضرو في ربع نهائي 2022 و 2026 ✅️

منتخبا 🇨🇵🏴󠁧󠁢󠁥󠁮󠁧󠁿 الوحيدان اللذان يسجلان الحضور الثالث تواليا ✅️ .. بل إن 🇫🇷 تحضر للمرة الرابعة على التوالي بأداء يكرس قوة المدرسة الفرنسية 👏🏻

#المغرب

هاردلك للشعب المصري الشقيق🇲🇦🤝🇪🇬
أما انت أ "مول الناموس" و "نكار الخير" ففرحنا فيك و نتمنى لك الفشل تلو الفشل 👊🏻

هاردلك للشعب المصري الشقيق و لأناس مشهود لهم بحب المغرب 🇲🇦، كنتبعوهم و نسمعو ليهم و نحترمهم كثيرا. بحال محمد أبو تريكة، و خالد الغندور، و خالد سعد، و محمد عمارة، و أحمد عفيفي و ممدوح نصر الله و المحمودي و العدييييد و العديد من المصريين الشرفاء 🇪🇬🤝

بالمقابل أشخاص كحسام حسن، و الأصلع الثاني براهيم حسن، و مهيب عبد الهادي، و مدرب أقل من 17 سنة لي ما يتسمى، و أصحاب صفحات ماجيكانو، و أهلاوي، و هلم جرا من دعاة الفتنة، فحنا كنفرحو فيهم كلما جات شي حاجة ترجعهم لحجمهم الطبيعي 👊🏻🤷🏻

واحد القهوة حدايا كانت كتهز وقتاش ما تماراكا شي هدف في مباراة مصر 🇪🇬 و الأرجنتين 🇦🇷. يعني تماركاو خمس أهداف و القهوة تهزات خمس مرات 😅😂 .. هادشي كيعني حاجة وحدة👇🏻:

حنا شعب عزيز علينا المصريين إجمالا، نحبهم و يحبوننا❤️🇪🇬. و لكن في نفس الوقت لا نقبل الإساءة من واحد الفئة "مريضة" منهم، و من أبرزهم "مول الناموس" البكاي 😭 حسام حسن ⛔️✋🏻 .. سير كمدها دابا 😏

#المغرب